1 Kiinoo 11:5 - Kafa Linguistics Project

⁵ Arooch beeti Yebuseenaꞌo Daawitin, “No katemooch gimon hakkaachemmo neene” iyeete. Tunebaani Daawiti kochiꞌi, Tsiyooni mishigoon yechiye. Ebiyoo, Daawiti Katemoo getaa ceekkehe.

1 Kiinoo 11:5 ပူးပေါင်းရင်းမြစ်များ

2 Saameeli 5:9

Aroochee Daawiti bi beeyi xaaꞌoon are mishigechi katemooch tuniihe. Aroonoo Daawiti Katemoo iꞌi ceeggiye. Biyoo Miilee tiijjii bi guudoon xaqqoona shuunehe.

2 Saameeli 6:10

Ebich Daawiti Doono Yeerichi taabootoon Daawiti Katemooch daamon qaawaanoone. Biyoo gommon shaddiꞌi, Gaati katemee asho Obeed Edoomi kexooch daammiye.

2 Saameeli 6:12

Arooba ebi Yeerichi taabootee naboona Doono Yeeri Obeed Edoominaa bi kechi asheenaꞌonon, biich beeto bullinoo bi diiroon taatoo Daawiti waayehe. Ebich Daawiti hammiꞌi, Yeerichi taabootoon Obeed Edoomi kexoochee Daawiti Katemooch oogeti emiroona deebiye.

1 Taateenaꞌo 8:1

Aroochee taatoo Solomooni Doono Yeerichi wogee taabootoon Daawiti Katemoo Tsiyoonee boonoshi deebemmoyich, Israꞌeelee geeneenaꞌon, yoodee ukkireenaꞌo bullinaa Israꞌeelee asheenaꞌochi yaree ukkireenaꞌonon bi beeti Yerusaalem ceeggiye.

1 Kiinoo 11:4

Daawitinaa Israꞌeeleenaꞌo bullina hammii Yebuseenaꞌochi beeyi xaaꞌoo tuneti Yerusaalemin kochiyeete. Yerusaalemi arooba Yebusi getteehe.

1 Kiinoo 11:6

Daawiti, “Yebuseenaꞌon shiichii kochimmi asho ginee iraashoo tunemmone” iye. Ebich Tseruuyi bushoo Yoꞌaabi shiichii kechii kochiꞌi ginee iraashoo tunehe.

1 Kiinoo 11:7

Aroochee Daawiti bi beeyi xaaꞌoon mishigechi katemooch tuniihe. Aroo, Daawiti Katemoo getaa ceekkehe.

2 Kiinoo 5:2

Aroochee Solomooni, Doono Yeerichi wogee taabootoon Daawiti Katemoo Tsiyoonee boonoshi deebemmoyich, Israꞌeelee geeneenaꞌon, yoodee ukkireenaꞌo bullinaa Israꞌeelee asheenaꞌochi yaree ukkireenaꞌonon Yerusaalem ceeggiye.

Shoddo 122:5

Nalloyich taatee qeeninaꞌo arooch beetinaꞌone; Daawiti yareenaꞌochi taatee qeeninaꞌo arooch beetinaꞌone.

Shoddo 132:13

Ebiyoo Doono Yeeri Tsiyoonin bi kaaccitoyich, bi beeyi xaaꞌoo bi tunemmoyich bi shunnitoyichiye.

Shoddo 2:6

“Yaafee ta geppoo Tsiyooni toommoochaa ta kaacceti taatoon ukkiriito taane” gettemmone.

Shoddo 48:2

Showoo bullin emirikkiibeeto, dambi-waanee wokkiꞌi beeto, kaama qaalliꞌi wacwacciibeeti Tsiyooni guudo Ooge Taatoochi katemoone.

Shoddo 78:68

Tunebaani Yihudi yoodoon, bi shunniibeeti Tsiyooni guudon, kaacciye.

Shoddo 87:2

Ebi Tsiyooni katemoon Yaaqobichi beeyi xaaꞌoo bulliyee beshoon shunnitone.

Shoddo 87:5

Beshoo Yeeri Tsiyoonin manjii neechemmo bi tunetoyich, “Hiniyoo, okk ebiyoo shiijjeto Tsiyooneeniye” getaa, Tsiyoonicho yibbaateyemmone.

Shoddo 9:11

Tsiyoon beeti Doono Yeerich galletee shoddoon shoddebote; bi shuunoon macceenaꞌo daggooch yibbaatebote.

Hibireena'o 12:22

Tunebaani ittoshi Tsiyooni guudooch, shimaayooch beeti Yerusaalem, beeyechi Yeerichi katemooch shaggito ittoshine. Humaa xume maraakeenaꞌo waan,

Yaaꞌoo 14:1

Aroochee ciinneho; ebiyoche Bago Tsiyooni guudooch neexeꞌi beete; bi shigoonaa bi Nihoochi shigoona boonoshi barooch kooreeti balli aabbaa awudde hume asheenaꞌo biinna tookkii beetinaꞌone.

Woraaferasheenaꞌo 19:10

Tunebaani uro arooba arooch qemon qaawaanoone; biyoo koroo haxxeti gutte bi kureenaꞌonaa bi naamacheenon yechii hammiꞌi, and Yerusaalemi getteebeeti Yebusi katemee katinooch shaggiye.

1 Saameeli 17:26

Daawitiyoo bi gaꞌooch neexeebeeti asheenaꞌon “Ebi Filsixeemoon wuxiꞌi ebi shaahe yeelloon Israꞌeeleenaꞌo toommoochee wokkiimmoyich, amoone ichemmo? Wotta Beeyechi Nuggishoo Yeerichi ginee naayinaꞌon bi miichemmoyich, ebi dokireyaani Filsixeemo, halla konine?” iꞌi echehe.

1 Saameeli 17:36

Ne guuno ta, daaheroonaa diiboonon wuxito taane. Ebi dokireyaani Filsixeemo beeyechi Nuggishoo Yeerichi ginee naayinaꞌon bi miichetoyich, biyoo boonoshi qitoommon qitemmone.