1 Kiinoo 11:3 - Kafa Linguistics Project

³ Ebina Israꞌeeleenaꞌon qeejjiibeeti geeneenaꞌo bulli Kebiroon, Daawit waan waaheete. Daawitiyoo Kebiroonaa Doono Yeeri aafoochaa boonoshina tookkii wogoon giyiye. Doono Yeeri Saameelina bi gettitoommon boonoshiyoo Daawitichi shimbooch zayitoon huuttiꞌi, Israꞌeelee showooch biin taatiiheete.

1 Kiinoo 11:3 ပူးပေါင်းရင်းမြစ်များ

2 Saameeli 2:4

Aroochee Yihudee asheenaꞌo Kebiroon waa, Daawiti shimbooch zayitoon huuttiꞌi, Yihudee asheenaꞌo toommooch taatiiheete. Saaꞌoolin duukkitinaꞌo Gilaadee showooch beeti Yabeeshi asheenaꞌo tunoon Daawiti waayehe.

2 Saameeli 5:3

Ebina Israꞌeeleenaꞌon qeejjiibeeti geeneenaꞌo bulli Kebiroon, Daawit waan waaheete. Taatoo Daawitiyoo Kebiroonaa Doono Yeeri aafoochaa boonoshina tookkii wogoon giyiye. Boonoshiyoo Daawiti shimbooch zayitoon huuttiꞌi, Israꞌeelee showooch biin taatiiheete.

2 Saameeli 5:5

Kebiroon beechii, Yihudee showooch shabaatte nattaa shiritte agenoon taatehe; wotta Yerusaalem beechii, Israꞌeelee showoo bullinaa Yihudee showoo bullinooch shaashaa keejje naton taatehe.

2 Taateenaꞌo 11:17

Aroochee Yoyaadi, taatoonaa asheenaꞌona Doono Yeerichi asheenaꞌo boonoshi tunee wogoon boonoshi giyemmon tuniihe. Ebiyoommon wotta taatoonaa asheenaꞌonoo wogoon giyemmoyich tuniihe.

2 Taateenaꞌo 23:30

Bi naayinaꞌo bi dubenoon gaarina Yerusaalem deebiyeete; bi maashoochoo duukkiyeete. Yihudee asheenaꞌo Yosiyaasi bushoo Yoꞌakaazin daammii huuttiꞌi, bi nihoochi keroon taatiiheete.

1 Kiinoo 11:10

Daawitichi ginee anaaminaꞌochi iraasheenaꞌo eboshine; boonoshiyoo Israꞌeeleenaꞌo bullina tookkii tuneꞌi, Israꞌeeleenaꞌochon Doono Yeeri gibenikkiti gibenoommon Daawiti taatemmoyich tuniiheete; bi taatittino manjemmoyichoo biin gaacheheete.

2 Kiinoo 23:3

Boonoshi bulliyoo Yeerichi yaafee kexoochaa taatoona tookkii wogoon giyiyeete. Yoyaadiyoo boonoshich ishichiye: “Taatoochi bushoo ebiyoche, Doono Yeeri Daawitichi shiijjereenaꞌochon bi gettitoommon, taatemmo biine.

Woraaferasheenaꞌo 11:11

Ebina Yofitaahi Gilaadee showee geeneenaꞌona tookkii tiyii hammiye. Asheenaꞌo biin boonoshi toommooch wulloonaa iraashoonon tuniiheete. Yofitaahiyoo bi gettiti qaaro bullin Doono Yeeri aafoochaa, Mitsiphaa gettiye.

1 Saameeli 11:15

Asheenaꞌo bulli Galigala hammiyeete. Aroochaa Saaꞌoolichi taatittinoon Doono Yeeri aafoochaa manjiiheete. Aroochaa asheenaꞌo Doono Yeerich ikkittinee deejjoon deejjiyeete. Ebina Saaꞌoolinaa Israꞌeeleenaꞌona oogeti emiree baaroon baariyeete.

1 Saameeli 15:28

Saameeliyoo ishichiye: “Doono Yeeri Israꞌeeleenaꞌochi taatittinoon hanaach ne waanee keexxiꞌi, neyee besho tuneti bare ashich immitone.

1 Saameeli 16:1

Doono Yeeri Saameelich ishichiye: “Israꞌeelee taatoo bi tuneyaachemmoyich biin ta qallayiti Saaꞌoolich tuumi ayini ne beeyemmo, aati wottooniye? Ne xoofooch zayitoon ceechiree, Beetilehem beeti Iseyi waan hambe. Tawoo bi bushiisheenaꞌo daggoochee taatoo bi tunemmoyich ikkoon taach kaacceto taane” iye.

1 Saameeli 16:3

Iseyinoo arooch ceege; aroochee ne tuniyemmon neech bekkiyemmo taane. Neech ta bekkiimmi ashoonoo taach huute” iye.

1 Saameeli 23:18

Boonoshi guttiyoo Doono Yeeri aafoochaa wogoon giyiyeete. Daawiti Horeesh echemmona, Yonaataani bi kexooch hammiye.

1 Saameeli 28:17

Doono Yeeri ta noonoona bi gettiton ne toommooch ceechitone. Biyoo ne taatittinoon ne kishoochee tiijjiꞌi ne giyoo Daawitich immitone.