1 Kiinoo 11:2 - Kafa Linguistics Project

² Besheti yemeenooch, Saaꞌooli taateꞌi beehooba, Israꞌeeleenaꞌon ginee koyee xaaꞌoochaa yaabito neene. Ne Nuggishoo Doono Yeeriyoo neech, ‘Ta asheenaꞌo tuneti Israꞌeeleenaꞌon qiddemmo neene; boonoshichoo iraashoo tunemmo neene’ itone” iyeete.

1 Kiinoo 11:2 ပူးပေါင်းရင်းမြစ်များ

2 Saameeli 5:2

Besheti yemeenooch, Saaꞌooli no toommooch taateꞌi beehooba, Israꞌeeleenaꞌon ginee koyee xaaꞌoochaa yaabito neene. Doono Yeeriyoo neech ‘Ta asheenaꞌo tuneti Israꞌeeleenaꞌon qiddemmo neene; boonoshinoo qeejjemmo neene’ itone” iyeete.

2 Saameeli 7:7

Israꞌeeleenaꞌo bullina tookkaa ta shaꞌeti xaaꞌoo bulliichaa, ta asheenaꞌo tuneti Israꞌeeleenaꞌon boonoshi quyemmoyich ta getteti ukkireenaꞌo daggoochee, “Yigee mixoochee kexon taach ittoshi hago qajjito, amoyichiye?” iyaꞌa ta echeto beete?’ gete.

1 Taateenaꞌo 14:7

Hamiree Yeroboꞌamich, Israꞌeelee Nuggishoo Doono Yeeri ishichiye: ‘Maccee daggoochee neen oogiyaꞌa, ta asheenaꞌo tuneti Israꞌeeleenaꞌo toommooch iraashiihoye.

1 Taateenaꞌo 3:9

Ebich gondoonaa deꞌoonon bariiree, ne asheenaꞌon qeejjoo ta hakkemmoyich, ne guuno taach shalligechi mulloon imbe. Ebi tuno qayigaata, ebi shaahe ne asheenaꞌon nallii qeejjoon hakkemmo konine?” iye.

Shoddo 78:71

Bi ashoo Yaaqobich qiddoo, bi iristo Israꞌeelich taatoo bi tunemmoyich, xaachiibeeti bageenaꞌon quyoochee deebiye.

Isiyaasi 40:11

Qiddoochoommon bi bageenaꞌon quyemmone; bagee bushiishoon ikkooch kicemmone; bi sheenooch tiqqeree daammemmone; bagee indeenaꞌonoo ariqqoona yaabemmone.

Isiyaasi 55:4

Biin aageteenaꞌoyich miixoo, wulloonaa iraashoonon tuniito taane.

Erimiyaasi 3:15

“ ‘Ta gaboo bullin ceechemmi qiddeenaꞌon ittoshich immemmo taane; boonoshiyoo ariyoona, shalligoonoo ittoshin qiddemminaꞌone.

Mikiyaasi 5:2

Doono Yeeri ishichiye: “Beetilehem Efiraati katemeene, Yihudee showooch beeti gishiishi katemeenaꞌoochee ikke ne tunetaanoona, wonnee wonneecho, wohi yemeeneexo tuneti, Israꞌeelee showoon qeejjemmi woraaferashoo ne waanee taach kechemmone” iye.

Mikiyaasi 5:4

Biyoo qiddoo bi bagoon quyoommon, Doono Yeerichi giidoona, bi Nuggishoo Doono Yeerichi oogee yiiroona, bi asheenaꞌon quye qeejjemmone. Bi oogo showee toommo bulliich aricheto bi tunetoyich, bi asheenaꞌo keqqaalloon beeyemminaꞌone.

Yowannisi 10:4

Bi bageenaꞌo bullin bi kichitoyee gubb boonoshi aafooch shiichemmone; bi bageenaꞌoo bi qaaroon boonoshi arii beetoyich, biin dabbemminaꞌone.

1 Saameeli 16:1

Doono Yeeri Saameelich ishichiye: “Israꞌeelee taatoo bi tuneyaachemmoyich biin ta qallayiti Saaꞌoolich tuumi ayini ne beeyemmo, aati wottooniye? Ne xoofooch zayitoon ceechiree, Beetilehem beeti Iseyi waan hambe. Tawoo bi bushiisheenaꞌo daggoochee taatoo bi tunemmoyich ikkoon taach kaacceto taane” iye.

1 Saameeli 16:13

Aroochee Saameeli zayitee xoofoon tiijjiꞌi, bi maneenaꞌo aafooch biin huuttiye. Aroobee aaboochee tiijjiꞌi, Doono Yeerichi Ayaano Daawiti toommooch giidoona kindiye. Aroochee Saameeli Raama wotteꞌi hammiye.

1 Saameeli 18:13

Ebich Saaꞌooli Daawitin bi aafoochee wokkiiꞌi, hume ginee iraashoon tuniihe. Daawitiyoo bi ginee naayinaꞌon dabbiiꞌi koyee xaaꞌooch daammii, deebii beehe.