1 Kiinoo 10:4 - Kafa Linguistics Project

⁴ Saaꞌooli bi quyee naayon, “Hini dokireyaaneenaꞌo waaree ta kashoona kaachemminaꞌone; ebiyee ne goraadoon kaaciree, ne taan koye” iye. Tunebaani bi quyee naayo oogichiꞌi bi shattitoyich, ebin tuniyoon qajjiye. Ebich Saaꞌooli bi goraadoon kaacciꞌi aree toommooch taachehe.

1 Kiinoo 10:4 ပူးပေါင်းရင်းမြစ်များ

2 Saameeli 1:20

Ebin Gaataa gettaahote! Ashiqeloona beeti gomminaꞌoochaa yibbaateyaahote! Filsixeemee maacheenaꞌo emiremmoyich tuniyaahote! Dokireyaani asheenaꞌochi maacheenaꞌo emiroona wucwuccemmoyich tuniyaahote!

2 Saameeli 1:6

Biyoo ishichiye: “Tawoo diqqoona Giliboꞌi geppooch hammoye. Aroochaa Saaꞌooli bi ginoon tugeꞌi neexee beeton beeggeho; gaarina tuneꞌi koyee beetinaꞌonaa hareshechinaꞌona bi waan katinniyeete.

2 Saameeli 17:23

Akixofeeli bi boyeti boyoon Abisoloomi tuniyaanoon qayon beeggiꞌi, bi kuree toommooch koroon haxxiꞌi tiyii, bi kexo beeti bi beeyi katemooch hammiye; mooyo bullin tachiichii, yoodee qitiye. Biyoo bi nihoochi maashooch duukkehe.

1 Taateenaꞌo 16:18

Zimiriyoo katemee yecheyoon beeggiꞌi, taatee kechi maac beeti mishigooch giyiichii, taatee kexooch qaaqqoon geddiꞌi, ebina qitiye.

1 Kiinoo 10:3

Koyoo Saaꞌooli toommooch kupphee kupphee hammiye. Shangechinaꞌo biin qaakkii kochii mayiiheete.

1 Kiinoo 10:5

Bi quyee naayo Saaꞌooli qitoon beeggiꞌi, biyoo ebiyoommon bi goraadee toommooch taacheꞌi qitiye.

Mishiraachechinaꞌo 1:18

Hini are uro bi daneti axaaxee gijjoona showoo kemeehe. Biyoo baroona guufeꞌi gutta gaahehe; bi maacee meenoo shekirehe.

Mishiraachechinaꞌo 16:27

Cuyee kechi quyecho tokketoochee tiyiꞌi, cuyee kechi kelleenaꞌo qecheyoon beeggiꞌi qoppeenaꞌo aalletinaꞌo biich shaahaa, bi hajjee kishoona qitiya iꞌi goraadoon kaacciye.

Woraaferasheenaꞌo 15:18

Aroochee Samsooni oogeton shachewehe. Biyoo “Ne guuno ta kishoona ebi shaahe oogeti wodiyoon tuniito neene; tunebaani and ta, shachewoona qitiya iyaabeeto taane; hini dokireyaani asheenaꞌo kishoochoo dihiya iyaabeeto taane” iꞌi Doono Yeer waan corootiye.

Woraaferasheenaꞌo 16:21

Aroochee Filsixeemeenaꞌo biin yechiyeete; bi aafoon qoqenee kichiꞌi, Gaaza daammiyeete; aroochaa gooshoochee shuuneeti qoqqaannoona cucheꞌi, cuyee kexoochaa maayoon yiikkee beehe.

Woraaferasheenaꞌo 9:54

Biyoo bekkech bi quyee naayo tuneti gurimaashoon ceeggiꞌi, “ ‘Maacheene biin wuxiti’ bi getteyaachemmoyich, ne goraadoon kaaciree taan wuxibe” iye. Abimeleeki bi aafee bushoo koyaa qitiye.

1 Saameeli 14:6

Yonaataani bi ginee qiicoon shaaggiibeeti bi naayon, “Ne waataa okk ebi dokireyaani asheenaꞌochi kaambooch hambone. Diqqich Doono Yeeri noon gaachemmone. Meetonoo tuneba giishechoona wodiyoyich, Doono Yeerin mawemmi mooyo aalloone” iye.

1 Saameeli 17:26

Daawitiyoo bi gaꞌooch neexeebeeti asheenaꞌon “Ebi Filsixeemoon wuxiꞌi ebi shaahe yeelloon Israꞌeeleenaꞌo toommoochee wokkiimmoyich, amoone ichemmo? Wotta Beeyechi Nuggishoo Yeerichi ginee naayinaꞌon bi miichemmoyich, ebi dokireyaani Filsixeemo, halla konine?” iꞌi echehe.

1 Saameeli 17:36

Ne guuno ta, daaheroonaa diiboonon wuxito taane. Ebi dokireyaani Filsixeemo beeyechi Nuggishoo Yeerichi ginee naayinaꞌon bi miichetoyich, biyoo boonoshi qitoommon qitemmone.

1 Saameeli 31:4

Saaꞌooli bi quyee naayon “Hini dokireyaaneenaꞌo waaree ta kashoona kaachemminaꞌone; ebiyee ne goraadoon kaaciree, ne taan koye” iye. Tunebaani bi quyee naayo oogichiꞌi bi shattitoyich, ebin tuniyoon qajjiye. Ebich Saaꞌooli bi goraadoon kaacciꞌi aree toommooch taachehe.