1 Kiinoo 10:13 - Kafa Linguistics Project

¹³ Saaꞌooli Doono Yeerich gibeneyoo bi qajjitoyich qitiye. Doono Yeerichi getoon ceechaanoone. Beshoonoo qititi ashoona yibbaatee beeti waanee ciicoon qaawiye.

1 Kiinoo 10:13 ပူးပေါင်းရင်းမြစ်များ

2 Taateenaꞌo 21:6

Bi hajjee bushoon goggiꞌi deejjoo giddiihe. Biyoo kaayechonaa iicechonon tunehe. Qititi ashoona tookkii yibbaatee beetinaꞌonaa allaameenaꞌona waanee keemmii waayee beehe. Wodde gonde mooyon shuunoona Doono Yeerin ippii beehe.

Shoddo 25:3

Neen gibenee beetinaꞌo yeelleyaachemminaꞌone; baad cikkii dawushii beetinaꞌo yeellemminaꞌone.

Shoddo 73:27

Ebiyoche neyee wokkii beetinaꞌo aallemminaꞌone; neech gibeneyaaneenaꞌon aalliyemmo neene.

Keyo 22:18

“Qaaxechi ure bi beegaata, kashoona bi beeyemmoyich daaggiyaahine.

Shaahiyoo 2:22

Tunebaani gonde asheenaꞌo showoochee aallemminaꞌone; gibeneyaaneenaꞌoo aroochee waaxemminaꞌone.

Isiyaasi 8:19

Asheenaꞌo ittoshin “Daccdacciibeeti, wottoo shaashikkeebeeti qaaxechinaꞌonaa allaameenaꞌonon echebote” gettemminaꞌone. Asheenaꞌo boonoshi Nuggishoon echi bedaacheete? Kashechochon qitoon echo qaawiyehe?

Leweenaꞌo 19:31

“ ‘Qititi ashoona tookkii yibbaatee beetinaꞌonaa allaameenaꞌona waan echii waayeya hammaahote. Ebin ittoshi tuniigaata, eeꞌemmo ittoshine. Ta, ittoshi Nuggishoo Doono Yeeri taane.

Leweenaꞌo 20:6

“ ‘Ikke asho, taan qajjiꞌi, qititi ashoona tookkii yibbaatee beetinaꞌonaa allaameenaꞌona waanee echii waayeya bi hamigaata, are ashoyich etto tunemmo taane. Bi asheenaꞌo daggoochee kichaa bi yookkeyemmoyich tuniyemmo taane.

1 Saameeli 15:11

“Saaꞌoolin ta taatiitoyich ayinito taane. Biyoo taan dabboon qajjitone; ta getoonoo ceechemmon qajjitone” iye. Saameeliyoo ippehe; xumo bullinoo Doono Yeer waan cookiye.

1 Saameeli 15:2

Beshe Mawe Doono Yeeri ishichiye: ‘Israꞌeeleenaꞌo Gibitsee boonoshi keyiyooba, Amaleeqeenaꞌo gommoochaa boonoshina koyetoyich, boonoshin sheeremmo taane.

1 Saameeli 15:23

Hukkoon shuuno kaayee axaaxoon shuunoommone; babberittinoo shahalloyich goyinnoommi gonde mooyone. Ne, Doono Yeerichi getoon ne qajjetoyich, biyoo taatoo ne tuneyaachemmoyich neen qajjitone” iye.

1 Saameeli 28:6

Biyoo Doono Yeer waan corootiye. Doono Yeeriyoo gumona woyee Uriimoona woyee keemechinaꞌona biich wochemmon qajjiye.