1 Kiinoo 1:14 - Kafa Linguistics Project

¹⁴ Wotta Kanaanichi bare shiijjereenaꞌo: Yebuseenaꞌo, Amooreenaꞌo, Girigaasheenaꞌo,

1 Kiinoo 1:14 ပူးပေါင်းရင်းမြစ်များ

Halloo 10:16

Wotta Kanaanichi bare shiijjereenaꞌo Yebuseenaꞌo, Amooreenaꞌo, Girigaasheenaꞌo,

Halloo 15:21

Amooreenaꞌocho, Kanaaneenaꞌocho, Girigaasheenaꞌochonaa Yebuseenaꞌochonane” iye.

Halloo 48:22

Wotta ta goraadoona, ta maꞌoonoo Amooreenaꞌo kishoochee ta deqqeti, qeemi showoon, Shekeemin, ne maneenaꞌoyich tuneyaanoon, neech baach immeto taane” iye.

2 Saameeli 21:2

Gibeꞌoonee asheenaꞌo Amooree yaroochee echeti asheenaꞌoani, Israꞌeeleenaꞌo tooneenaꞌone. Israꞌeeleenaꞌo boonoshin wuxaanoon echiyoyich wogetinaꞌone. Tunebaani Saaꞌooli Israꞌeeleenaꞌonaa Yihudee asheenaꞌonoyich qanaatoochee tiyitona, aroyee aaf boonoshin aalliiya qaawitone. Taatoo Daawiti Gibeꞌooneenaꞌon ceeggiꞌi,

2 Saameeli 24:16

Doono Yeerichi maraakoo Yerusaalemin aalliiya bi kishoon bi yaggimmona Doono Yeeri ebi qaaꞌi mooyoyich ayiniꞌi, ebi aalliibeeti maraakoon, “Beddiye; ne kishoon wochibe” iye. Areegaata, are maraakoo beeto, Yebusee asho Orinaani maayi buchi xaaꞌee gaꞌoochiye.

2 Taateenaꞌo 21:11

“Yihudee taatoo Minaasi ebi ciigiiti mooyon tuniitone. Biyee shiichiꞌi beebee echeti Amooree asheenaꞌo tuniitoyee beshe gondoon tuniihe. Bi shuuneti shahalleenaꞌona Yihudee asheenaꞌon axaaxoo shuuniihe.

1 Kiinoo 1:13

Kanaani bushiishoo: Bi gutenee bushoo Sidooninaa Hitinane.

1 Kiinoo 1:15

Hiweenaꞌo, Ariqeenaꞌo, Sineenaꞌo,

Nehimi 9:8

Neech gibeneeto bi tunoon beeggehine; Kanaaneenaꞌo showoon, Hiteenaꞌo showoon, Amooreenaꞌo showoon, Ferizeenaꞌo showoon, Yebuseenaꞌo showoonaa Girigaasheenaꞌo showoonon biinnaa bi shiijjereenaꞌonoyich imoyich, biinna tookkaa wogoon giyehine; cadiqo ne tunetoyich, ne qaaroon ceechihine.

Keyo 33:2

Maraakoon ne aaf shiichiiree, Kanaaneenaꞌon, Amooreenaꞌon, Hiteenaꞌon, Ferizeenaꞌon, Hiweenaꞌonaa Yebuseenaꞌonon yoohi kichemmo taane.

Keyo 34:11

“Hanaach neech ta gettaa beeton tuniibe. Amooreenaꞌon, Kanaaneenaꞌon, Hiteenaꞌon, Ferizeenaꞌon, Hiweenaꞌonaa Yebuseenaꞌonon ne aafoochee yoohi kichemmo taane.

Amootsi 2:9

“Ta asheenaꞌote, ittoshicha iyaꞌa yigoommi genjeenaꞌo, uxeree mixoommi manjeenaꞌo tuneti Amooree asheenaꞌon cammona waaxeree boonoshi aallemmoyich tuniihoye.

Zakaariyaasi 9:7

Damoon boonoshi noonooch boonoshi bechaachemmoyich, eeꞌe maayoonoo boonoshi maataachemmoyich tuniyemmo taane. Curo tuneꞌi echeti boonoshi asheenaꞌo ta asheenaꞌona tookki bacceeree Yihudi yoodoochee ikke gumboommon tunemminaꞌone. Eqiroonee asheenaꞌo Yebusee asheenaꞌochoommon ta asheenaꞌona tookki bacceyemminaꞌone.

Yibbaatoo 20:17

Ne Nuggishoo Doono Yeeri neech bi gettitoommon, Hiteenaꞌon, Amooreenaꞌon, Kanaaneenaꞌon, Ferizeenaꞌon, Hiweenaꞌonaa Yebuseenaꞌonon ciroona hidi aalliibe.

Yibbaatoo 7:1

Muusiyoo Israꞌeeleenaꞌoyich ishichiye: “Ne Nuggishoo Doono Yeeri ne woraashemmi showooch neen giijjemmone. Ebi are showooch neyee beshe giidechinaꞌonaa meetinaꞌona tuneti shabaatte aageteenaꞌo beetinaꞌone. Eboshiyoo: Hiteenaꞌo, Girigaasheenaꞌo, Amooreenaꞌo, Kanaaneenaꞌo, Ferizeenaꞌo, Hiweenaꞌonaa Yebuseenaꞌonane. Biyoo boonoshi bullin ne aafoochee yoohi kichemmone.

Yaasi 24:15

Tunebaani Doono Yeerich goyinnee maddoo ittoshich gaaweto tuneꞌi bekko bi qayigaata, ittoshi qaabbechinaꞌo Efiraaxisee beqach beeti Mesopotaamee showooch boonoshi beehooba, boonoshi goyinnee maddeti nuggisheenaꞌoyich woyee boonoshi showooch ittoshi beeti Amooreenaꞌo goyinnee maddeti nuggisheenaꞌoyich goyinne maddemmo ittoshi tunegaata, ittoshi goyinne maddemmon hanaach goomiree kaacote. Tunebaani taannaa ta kechi asheenaꞌona no goyinne maddemmo Doono Yeerichiye” iye.

Yaasi 3:10

boonoshich ishichiye: “Beeyechi Nuggishoo Yeeri ittoshi daggooch bi beemonaa aroo iberoon Kanaaneenaꞌon, Hiteenaꞌon, Hiweenaꞌon, Ferizeenaꞌon, Girigaasheenaꞌon, Amooreenaꞌonaa Yebuseenaꞌonon ittoshi aafoochee yookkemmo bi tunoonon ittoshi ariyemmo, ebinane.

Woraaferasheenaꞌo 1:21

Tunebaani Biiniyaami asheenaꞌo Yerusaalem beeti Yebuseenaꞌon yookkii kichaaneenaꞌone. Ebich Yebuseenaꞌo hanaach beddaahaa Biiniyaami asheenaꞌona tookkii arooch koteꞌi beetinaꞌone.

Woraaferasheenaꞌo 19:11

Yebusi katemee katinooch boonoshi shaggimmona, showoo xumeya iye. Bi aafee bushoo uroon “Hini Yebuseenaꞌochi katemooch hamiree, arooch qebone” iye.