Romu 8:33 - Kamano

³³ Anumzamo'ma huhampri zmantenea vahera iza keaga huzmantegahie? Agra e'i Anumzamo fatgo vahere huno hurantene.

Anumzamofo Routage Avantafere

³³ Anumzamo'ma huhampri zmante'nea vahera iza keaga huzmantegahie? Agra e'i Anumzamo fatgo vahere huno hurante'ne.

Romu 8:33 ပူးပေါင်းရင်းမြစ်များ

Matiu 24:24

Na'ankure havige kraisi'a ene, havige kasnampa vahemo'za efore hu'za, tusi'a avame'zane kaguva'za hu'za zmazeri savari nehu'za, hampo'nama atisu'za, Anumzamo'ma huhampri'zmante namokizmia zmazeri savari hugahie.

Luku 18:7

Hanki Anumzamo'ma huhampri zmantenea vahe'mo'za, hanine zgene antahigevava nehnageno'a, zmasuragizmanteno zavikezmia ontahigahio?

Romu 3:26

Na'ankure e'i anazama hiazanteti, Agra'a fatgozana meni knafina eriama hu'ne. Hanigeno kumi vahe'mo'za fatgo vahe mni'naze haniana, e'i Jisasi Kraisimpima zmentinti hanaza vaheku Anumzamo'a fatgo vahere huno huzmantegahie.

Romu 8:1

Ana hu'negu menina Krais Jisasi'ene hagerfi'naza vahera, havi vahere huozamantegosie.

Galesia 3:8

Avontafepina anage huno krente'ne, Anumzamo'a megi'a vahera zmentinti hanageno zmavregahie huno hu'ne. E'ina hu'negu Anumzamo'a anage huno Abrahamuna knare musenkea asmino, maka mopafi vahe'mo'za kagripinti asomura erigahaze huno hune. (Jen-Agf 12:3)

1 Tesalonaika 1:4

Nafuhete, tagra antahi'none, Anumzamo'a avesineramanteno, Agri'a vahe mnisazegu huhampritamante'ne.

Taitus 1:1

Anumzamofo eri'zampi nagra Poli'na kina hu'nena, Jisas Kraisi aposol ne'mo'na, Anumzamo huhampri zamante'nea vahe zamentinti zamazeri hampo'na nehanuge'za tamage antahi'zamofo amage'nente'za, anumzamofo (godly) avu'avapi fatgo hu'za mani'nesageno,

1 Pita 1:2

Anumzana Nafatimo'a, ko antahino keno hu'nea kante, Ruotge Avamumo tamazeri agru hu'nea nagamota, Jisas Kraisi amage'ma antageno, korama'a tagitreno sese huramante'nea nagamotma, asunku'zane rimpa fruzamo'a tamagrane aviteno mesie.