Romu 7:7 - Kamano

⁷ Hagi na'ane hugahu'ne, Nagra kasegemo'a kumi me'ne nehufi? I'o. Tamage kasegea kumira omnene. Hianagi kasegemo kumira tamaveri nehie. Nagrama rumofo zankuma kenunu huzana, kumire hu'na antahi ama osuanagi, kasegemo eriama higena keama nehue.

Anumzamofo Routage Avantafere

⁷ Hagi na'ane hugahune, nagra kasegemo'a kumi me'ne nehufi? I'o. Tamage kasegea kumira omnene. Hianagi kasegemo kumira tamaveri nehie. Nagrama rumofo zanku'ma kenunu hu'zana, kumire hu'na antahi amara osuanagi, kasegemo eriama hige'na keama nehue.

Romu 7:7 ပူးပေါင်းရင်းမြစ်များ

Jenesis 3:6

Hanki a'mo ana zafa rgama keana nezama ne'amo'a knare higeno, avuma keazamo enena knare hu'neankino, avesizamo'a ana zafa rga'ama mago'mo'ma nesniana knare antahi antahiza erigahie. Hanki ana zafa rga tagino neneno, neve ene mani'negukino amigeno ne'ne.

Matiu 5:28

Hianagi Nagra neramasmue, aza'o mago a' negeno kesane hanimo'a, hago ana a'ene monko'za agu'afina hu'ne.

Luku 12:15

Anante amanage huno zamasmi'ne, Kva hiho! Maka'a ruzahu ruzahu agraguke antahizamofona ha' renenteta, kva huta maniho, vahe'mofo mni'zana fenoma erizampina omnene.

Luku 20:16

Hoza nefa'a Agra eno ana vahera eme zmahe nefrino, ana waini hoza rumokizmi hanare zamigahie. Jisasima ana kema hige'za nentahiza, anahura osugahie hu'za zamagra hu'naze!

Aposol 20:33

Mago'moka silvaguro, Goliguro, kukenagu nagra kenasane nehu'na keaga nosue.

Romu 13:9

Na'ankure kasegefina amanage hu'ne, Ru vene a'enena monko'zana osuo, Vahera zmahe'ofrio, kumzafa oso, vahe zantera kegnunu osuo hu'ne. (Eks-Uti 20:13-17) Ruga'a kasegemo'za ama magoke kasegefi me'naze. E'i ana kasegemo huno, kagraguma kavesi nentanankna hunka, tva'onkare maninesimofona avesinto hu'ne. (Lev-Pri 13:9)

Romu 3:20

Na'ankure kasegemo'ma hu'neazama avarari zampintira, Anumzamofo avufina mago vahe'mo'a fatgo vahe mani'noe huno osugahie. Na'ankure kasegemo, kumimofo keno antahino huzana erifore nehie.

Romu 3:5

Hianagi tagri fatgo osu tavu'tavazamo'ma, Anumzamofo fatgo avu'avazama eri fore'ma nehanigeta, tagra na'ane huta hugahune? Anumzamo'ma rimpaheranteno knazama tamisiana, e'i fatgo avu'ava hugahifi? (Vahe'mota antahintahire, ama'ina kea nehue.)

Romu 4:1

Abrahamu'a tagrikna vahe mni'neno, neregeho mni'neaki, na'ane huta hugahune?

Romu 4:15

Hu'negu kasege'mo'a arimpahe'za avreno ne-e. Hianagi kasegema omneresina kasegema rutagre'zana omanesine.

Romu 5:20

Anumzamoma kasegema zami'neana miko vahe'mo'za kumima nehazaza kesazegu zamine. Hianagi vahe'mo'zama rama'a kumima hzageno'a, Anumzamofo knare asunku'zamo'a mago'ane rama'a nehie.

Romu 6:15

Mago'ene kasegemofo kvafina omni'none. Anumzamofo asunku'zamo taza hu'ne. Ana hu'negu mago'ene kumira hugahumpi? A'o, ana osugahune.

Romu 7:11

Na'ankure, kumimo'a kasegefinti kankamuma'a keno erifore huno renavatga higeno kumimo'a nahe frine.

Romu 7:13

Hianagi inankna hugahie, kasegema knarezane nehuazamo nahe nefrifi? I'o, kumi'mo'a knare zampinti frizana erifore nehie. Hu'negu kumimo'a haviza hu'ne huno Anumzamo'a eritaveri higeta negone.

Romu 7:5

Kumi tavutavamo kegva hurantenegeno'a, kumima hu' tavesizamo'a tagu'afina efore nehie. Hagi kasegemo'a havi tavutvamofo avesiza azeri otigeta, kumira hunkeno frizana avreno ne-e.

Romu 7:8

Hianagi kumimo'a ama ana kasegefinti kankamunku keno tavu masevemahu tavesizana, tagu'afina erifore nehie. Kasegema omnesigeno'a kumimo'a hankave'a omanesigeno frigahie.

1 Korinti 15:56

Kumi'mo fri'zamofo atazana eri fore nehigeno, kumi'mo'a hanave'a kasegefinti e'nerie.

Efesasi 5:3

Hianagi monko'zano, kefo avu'avazano, agraguke avemasi'zana tamagripina omne tfaza hino, Anumzamofo otage nagapina (saints) e'inahu zana amu'no zamifina omnegahie.

Kolosi 3:5

Tamagripima ama mopafi kefo tamavutamava me'nesiana ahefriho. Ana avu'avara monko avu'avazama, agru osu avu'avazama, rumofo zantema kenunu hu'zama, havi agu'agesa antahizama, agraguke antahi avu'avazama, e'inahu avu'avazamo'a havi anumzante mono hunteakna hu'neanki atreho.

1 Tesalonaika 4:5

Tamagra havi tamagu tamagesamofona kazokzo vahe'agnara nosutma, Anumzamofo keno antahino osu vahe'mo'za nehaza zana osiho.

Hibru 7:19

Na'ankure kasegemo'a ana mikozana eriknarera nosie. Hianagi knare'zama fore hugahiema huta amuhama hunemunazamo noma'a e'nerino Anumzamofonte tavreno urava'o nehie.