Romu 15:26 - Kamano

²⁶ Na'ankure Masedonia kumateti ene Akaia kumateti mono kevu'mo'za muse hu'za Jerusale kumate mono kevumokizmi amu'nozmifi, zamunte omne nagamokizmi zgo eritru hazagena erina nevue.

Anumzamofo Routage Avantafere

²⁶ Na'ankure Masedonia kumateti'ene Akaia kumateti mono kevu'mo'za muse hu'za Jerusalemi kumate mono kevumokizmia amu'nozmifi, zamunte omne nagamokizmi zago eritru hazage'na erina nevue.

Romu 15:26 ပူးပေါင်းရင်းမြစ်များ

Proveps-Knare Nomaniza 14:21

Inamo'o tava'oma'arema maninesimofoma kefenkami netreno knarema huontesimo'a, kumi hugahie. Hianagi iza'o amunte omane vahe'ma knarema huntesimofona, Anumzamo'a asomu huntegahie.

Proveps-Knare Nomaniza 14:31

Kagrama amunte omane vahe'ma zmazeri havizama hanunka, troma huzmantenea Anumzamofo huhaviza nehane. Hianagi kagrama zmazeri so'e hanunka, Anumzamofona ra agi amigahane.

Proveps-Knare Nomaniza 17:5

Amunte omane vahe'ma huhaviza huntesia vahe'mo'a, tro'ma huzmante'nea Ra Anumzamofo huhaviza hunente. Hagi hazenkema erisaza zanku'ma muse hanimo'a, agra'a havi mizana erigahie.

Matiu 25:40

Kini ne'mo kenona huzmanteno amanage hugahie, tamage hu'na neramasamue, amama zmagima omane nafuhe'impinti mago zmimofoma nankna avu'ava huzmante'nazana, Nagri hunante'naze.

Matiu 26:11

Zamunte omne vahera zamagra mika zupa tamagra ne manigahaze. Hagi Nagra mika zupa tamagra nena omanigahue.

Luku 14:13

Hu'neanagi ra nezama retroma nehanunka, zmunte omne vahe'ene, agia aza stinesia vahe'ene, aga havizahu vahe'ene, avusu hu'nesnia vahe kea huge'za eho.

Luku 6:20

Jisasi'a amage'ma nentaza disaipol naga'a zamufi nezmageno, amanage huno zmasami'ne. Tamamunte omane vahe'mota muse hiho. Na'ankure Anumzamofo Kumara tamagrire.

Aposol 16:12

Anantetira atreta Filipai kumate vu'none, anama mani kagi'naza kumamofo, ran kumare Masedonia, Romu kamanimo kavagri'nea kumate mago'a kna ana kumate mani'none.

Aposol 16:9

Keragera Poli'a mago ava'nagnaza efore higeno keana, Masedonia ne'mo otino mani'neno asamino, tagritega erakahenka Masedonia eme taza huo huno nehigeno ke'ne!

Aposol 18:12

Kalio'ma, ugagota ra kvama (Gavana) Akaea kumatema mani'nege'za, Jiu vahe'mo'za oti'za mago antahintahi eri retro hu'za, avare'za ke refakohu trate (koti nonte) vu'za,

Aposol 19:21

Anazana fore hutegeno Poli'a Masedonia kaziga vute'na Griki kaziga nevu'na Jerusale kumate vute'na, henka'a Romu kuma enena ome kegahue huno agesa antahine.

Aposol 9:13

Hianagi Ananaisi'a ke'nona'a huno, Ra Anumzamoka nagra rama'a vahepinti, nama'a vahe krerafama Kagrite'ma zamentintima nehaza vahe'ma Jerusale kumapima mani'naza zamahe'neana ana ne'mofo agenkea nagra antahi'noe.

1 Korinti 16:15

Nenfugta nensarogta tamagra antahi'naze, (Stefanisi ene noma'afi mani'nazana, ese'ma Akaia kumateti zmagu'a rukrehe hu'naza nagare. Ana hute'za zamagra zamagu'a mono eri'zampi ami vganere'za mono eri'za e'neri'za nagare).

1 Korinti 16:5

Hu'neanagi nagra Masetonia vute'na, henka tamagritega egahue. Na'ankure Masetoniati ru kitagi'na vugahue.

2 Korinti 1:16

Masetoniama enevuna eme tamageme evute'na, ete anantegatima esugeta tamagra naza hanage'na Judia vugahue.

2 Korinti 11:9

Hagi tamagrane mani'nena magozankuma atupahua knafina, magomofona kna ami'na nazahuo hu'na osu'noe. Masedoniati e'naza nerafu'za, atupama huazantamina namizage'na eriknare hu'noe. Nagrira naza hnazegura knazana noramuankina, henka'anena anazanke hu'na knazana ontamigahue.

2 Korinti 2:13

Hianagi narimpa fru e'ori'noe. Na'ankure nenafu Taetusi'a tamagri tamagenkea erino ome'neazanku, Troasia atre'na Masedonia nevu'na, hufru huramantoe.

2 Korinti 7:5

Na'ankure tagrama Masedonianema efronkeno'a, ama tavufgamo'a manifru osu'ne, rama'a knazamo mika asoparegati egeta hapi ufronkeno, tagu'amo'a kore nehie.

2 Korinti 9:12

Na'ankure ama'i vahe'ma azahu erizama e'nerizazamo'a, Anumzamofo nagakera zmaza nosianki, Anumzamofo susu huntezampinti, ra agi amizamo'enena avinete.

2 Korinti 9:2

Na'ankure nagra antahi'noe, tamagu'amo otigeta zamaza hunaku retro'ma hu'nazana, Masedonia mono vahe, musezampinti zamasamina amanage huno'e, ko'ma evia kafufina Griki kaziga Akaia kumate nemniza vahe'mo'za, Juda vahe zamaza hu'naku ko retro hu'naze hu'na tamagriku zamasmi'noge'za, nentahiza zmagu'amo otige'za hakare vahe'mo'za anahukna huta zamigahune hu'naze.

2 Korinti 9:4

Masedonia vahe'ene ru nevnugeno, ana zgo eri tru osunesageta, ko eritru hu'naze hu'na hu'noa ke'mo'a, amnezankna hinketa, tamagrane nagranena tagazegu hugahune.

Filipai 4:15

Tamagra Filipai kumate vahe'motma antahi'naze, knare musenkema pusante Masedonia atrete'na huama'ma hu'noana, mago mono nomo'e huno nagranena eme tragoteno, zagonazana eme onamizagena e'orinoe. Hagi tamagrake nami'naze.

1 Tesalonaika 1:7

Ana hu'negu tamagra maka Masedoniane Akaia kumate mni'naza mono vahetera, mago knare avamezankna hutma mani'naze.

1 Tesalonaika 1:8

Na'ankure Ramofo kemo'a tamagripinti agerura runo e'neana, Masedoniane Akaia kumateke agerura orune. Hianagi tamagrama Anumzamofontema tamamentintima hu'naza zamo'a maka kumatega vuno eno hige'za antahi'nazankita, tagra mago kea osugahune.

1 Tesalonaika 4:10

Na'ankure tamage, maka Masedonia kumate mani'naza tafuhegata, makamotma ovesinte avesinte ko hu'naze. Hianagi tafuhegata huhanavetike tamasamita, mago'ene ovesinte avesinte hiho huta neramasamune.

1 Timoti 1:3

Masedonia katre'na vunaku nehu'na, nagra tutu hugante'noe, Efesas mani'nenka havi mono huku hanaza nagara, anara osiho hunka nezmasminka,

Falimoni 1:5

Na'ankure mono naga'ma kavesinezmantenka, Ramofo Jisasinte'ma kamentintima nehana zamofo kea, nagra antahi'noe.