Romu 12:8 - Kamano

⁸ Iza'o ru vahe'mokizmi zamazeri hankaveti musezama agripima me'nesigeno'a, zamazeri hankavetigahie. Hagi vevahu musezama agripima me'nesigeno'a, mago'a zankuma atupama hanaza vahera zamisige'za rama'a erigahaze. Hagi Anumzamo'ma vahe kva huzamante hankavema aminesiana, agra'a ana eri'zana agu'areti huno eriso'e huno erino. Hagi vahema so'e hunte musezama erinesimo'a, musezampinti so'e zana huzmaverino.

Anumzamofo Routage Avantafere

⁸ Iza'o ru vahe'mokizmi zamazeri hankaveti musezama agripima me'nesigeno'a, zamazeri hankavetigahie. Hagi vevahu musezama agripima me'nesigeno'a, mago'a zankuma atupama hanaza vahera zamisige'za rama'a erigahaze. Hagi Anumzamo'ma vahe kva huzamante hankavema aminesiana, agra'a ana eri'zana agu'areti huno eriso'e huno erino. Hagi vahe'ma so'e hunte musezama erinesimo'a, musezampinti so'e zana huzmaverino.

Romu 12:8 ပူးပေါင်းရင်းမြစ်များ

Jenesis 18:19

Nagra maka vahepinti Abrahamuna agi hu'na Mofavre'ane, agehe'ine, avempage huzmasamina fatgo hu'za nemniza knare'zanke nehu'za Ra Anumzamofo kante vnazegu huhampri'noe. Hagi Ra Anumzamo'na huvempa hu'noa ke'mofo avufga'a fore hanigu Abrahamuna huhampri'noe.

Proveps-Knare Nomaniza 22:9

Iza'o zamunte'ma omane nagama muse zampintima ne'zama amisia vahera, Ra Anumzamo'a asomu huzamantegahie.

Matiu 25:40

Kini ne'mo kenona huzmanteno amanage hugahie, tamage hu'na neramasamue, amama zmagima omane nafuhe'impinti mago zmimofoma nankna avu'ava huzmante'nazana, Nagri hunante'naze.

Aposol 11:23

Agrama eno Anumzamo'ma asunku'ma humazmanteaza negeno, muse nehuno zamazeri hanaveti ke zamasmino, tamage huta tmaguareti Ramofonte maniho hu'ne.

Aposol 13:12

Anante kamani (Gavana) kva ne'mo anazama agrite fore hiaza negeno, amentinti hu'ne. Na'ankure agra tusi'za huno Ramofonkema rempima humia zankura antri hu'ne.

Aposol 13:15

Kasegene kasnampa vahe kema hampri vagarete'za osi mono nompi kva vahe'mo'za ke atrezmante'za anage hu'naze, tafuheta mago'a tazeri hanaveti ke eri'nenutma amane hugahaze.

Aposol 15:32

Hagi Judasike Sailasikea znagranena kasanampa netrenkike, so'e hu'za mani'saza kene zamazeri hanaveti ke nezmasmike, zamentinti nagara zaza naneke hu'ne zamasmi'na'e.

Aposol 20:2

Ana mopa kazigama vano huno rama'a keretima zamentinti naga zamazeri hanavematiteno, Grisi ehanati'ne.

Aposol 20:28

Tamagratmia kegva nehutma, lama afu kevua kegva hiho, Ruotge Avamu'mo tamazeri antegetma kva hu'naze. Agrama magoke Mofavre ama huntegeno koranteti'ma mizama ase'nea Anumzamofo mono nagara zamazeri fatgo hutma kavagri zamantegahaze.

Aposol 4:36

Hagi mago Livae nera, Saiprus hageri amuragozafi ksente'nea nera Josefe'e, mago agi'a aposol nagamo'za antemi'nazana Banabasi'e. (Ana agimofo agafa'a, zamazeri hankaveti ke zamasmi mofavre.)

Romu 12:13

Anumzamofo vahe'mo'zama mago'a zankuma atupa hanagetama, zmazama hanagura tro huta maniho. Onkenesnaza vahema esnageta nontamifi kehuta zamavrenteho.

Romu 13:6

Ama ana agafare takisi zagoa miza nehune. Na'ankure kamani vahera Anumzamofo eri'za vahe mani'naze, hakare'a knazupa zmagra vahe'ma kvagrizmante eri'za enerize

1 Korinti 12:28

Hagi, mono eri'za erisagu Anumzamo huhamprizmante'nea vahera, esera aposol nagare, anantera kasanampa vahere, anantera rempi huzami vahere. Ana huteno Anumzamo'a kaguvazama hu vahe zmazeri otino, mago'amokizmia vahe'ma krifintima zmazeri kanamre muse'za nezamino, mago'amokizmia vahe'ma zamaza hu muse'za nezamino, mago'amokizmia kva eri'za eri muse'za nezamino, mago'amokizmia ruzahu ruzahu ageru ru muse'za zami'ne.

1 Korinti 14:3

Hu'neanagi iza'o kasnampa ke nehimo'a, vahe zmazeri hankavenetino, zmazahuke nezmasamino, zamarimpa zmazeri so'e huke zmasamigahie.

2 Korinti 1:12

Tagrama musema hunana, tamagra manuna knafina ama' tagutagesama tagu'afima e'nerita, hakareza hu'nazampi mni fatgo nehuta, ruotge huta nemnita, Anumzamofo so'e avu'avazante nemnita, ama mopafi antahizankura nontahize.

2 Korinti 11:3

Hu'neanagi nagra kore'ma huana, krunage osifavemo Ivi revatga hu'neakna huno tamagrira, reramataga nehinketa fatgo huta, ruotge hu'neta Kraisi amage nevza kana netreta tamagena humizanku nehue.

2 Korinti 8:12

Na'ankure mago'mo'ma feno amizamofo avesizama me'nenkeno'a, onte'nesia avamentera omigahianki, nazano ante'nea avamente aminigeno'a, Anumzamo'a muse hugahie. (Mak 12:41-44)

2 Korinti 9:11

Hakare zampina rama'a asomu hunermantena, vahe'ma zmaza hanazana rama'a zmaza nehnageno, Anumzamofona ra agi ami'za susu huntegahaze.

2 Korinti 9:13

Na'ankure vahe'ma zmaza huta knazami erizamo, knare tamavuta eriama hina nege'za, Kraisi knare musenkemofona amagenentaze hu'za huama nehu'za, Anumzamofona ra agi erisaga hugahaze.

2 Korinti 9:7

Ana hu'negu magoke magokemotma aminaku'ma hanutma, tamagu'afima amigahune hutma tamagesa antahinesazama'a amiho. Vahe'mo tutu hinketa tamarimpa knazanena omiho. Na'ankure muse huno ami'mofonku, Anumzamo'a avenesie.

Efesasi 6:5

Kazokzo eri'za vahe'motma, tamagra kva tamima mani'nesimofonku kore hunentetma tamahirahi neresigeta kezmia amage anteta, tamagu'areti kazigzi huta, Kraisi eri'za enerizankna huta eriho.

Kolosi 3:22

Kazokzo eri'za vahe'motma maka'zama hanafina ama mopare kva vahe'mofo agorga'a mani'netma hakare'a zama hanafina kva vahe tamimo tamavesi tamantesia kazigati, zamavureke eri'zana e'oriho. Hianagi Ranka'amofo ra agi nemitma, tamagu'areti hutma kva tamimofo erizana eriho.

1 Tesalonaika 2:3

Tagrira oku'a antahintahitia omnene, tamagri'ma tagrarega tamavrenenteta, havige huta reramatga nosune.

1 Tesalonaika 2:8

Tagra razampi tamagrira tamavesi neramanteta, Anumzamofo Knare Musenkegera noramasamunanki, tagrati tavufganena neramamune. Na'ankure tamagra raza tagri tavurera mani'naze.

1 Timoti 4:13

Nagra egahuanki, hakare vahera zamazeri atru hunka avontafera hamprinka mono nanekea huama hunka rempi huzamio.

1 Timoti 5:17

Elda vahera, Anumzamofo eri'zante kvagri so'e nehza vahera, zamagi erisaga nehuta antegna huta zamiho (dabol ona), e'ima hanaveti'za mono ke nehu'za, rempima hunezmi'za vahera zamaza hugahaze.

1 Timoti 6:18

Zamagrira huzamasmige'za knare'za nehu'za, knare eri'zamo feno zamigna hanige'za, upama hu'nesaza vahe zamaza hu'zanku nentahi'za, feno zamia retro hiho,

Hibru 10:25

Jisasi'ma esia knamo'a kofta nehigu, mago'amo'zama magopima atruma hu'zama netrazaza huta, magopima atruma hu'zana otresune. Tamagra antahinaze, Kraisi'ma esiakna hago kofta nehigu, ozeri hanaveti azeri hanaveti hanune.

Hibru 13:17

Vugotama hurmantenesimofona agorga nemanita, ke'zamia amage anteho. Na'ankure zamagra tamagri tamagu'are kegva nehu'za, henkama Anumzamofo refako huzampina tamagri tamagenkema hu'ama hanaza vahe mani'naze. Hagi ana eri'zama erisazana zamatrenke'za musezampinti e'neri'za zamata e'oriho, na'ankure ana zamo'a tamaza osugahie.

Hibru 13:22

Hagi nafuheta hanavetina ama upa avoma kreramuana tamagesa antahi'so'e hiho.

Hibru 13:24

Kava vahetamine, maka mono naga'motarega musenke atreramantoe. Italima mani'naza mono nagamo'zanena musenkea hurmantaze.

Hibru 13:7

Vugotama huramantenaza vahe'mozama Anumzamofo nanekema tamasminaza kegu tamagesa antahiho. Nomani zazmia refako huta negeta tamentintifina, zamagrikna huta maniho.