Revalesen-Hufo Hu'ne 21:3 - Kamano

³ Anantera antahugeno kini tratetira, ranke huno anage hu'ne, keho, Anumzamofo mono nomo'a vahe'ene nemaniankiza, Agra zamagrane nemanisigeno, Agri vea zmagra nemanisageno, Anumzamo Agra'a zamagri amu'nompina manigahie.

Anumzamofo Routage Avantafere

³ Anantera antahugeno kini tratetira, ranke huno anage hu'ne, Keho! Anumzamofo mono nomo'a vahe'ene nemanianki'za, Agra zamagrane nemanisigeno, Agri vea zamagra nemanisageno, Anumzamo Agra'a zamagri amu'nompina manigahie.

Revalesen-Hufo Hu'ne 21:3 ပူးပေါင်းရင်းမြစ်များ

Joni 1:14

Ana Kemo vahe fore huteno, tagri'ene mani'ne. Agri msazama'a tagra ke'none, magoke ante'nea Ne'mo hanave'ane msa zama'a Nefantegati e'ne. Asunku zamo'ene tmage kemo'a avite'nea Nere.

Joni 14:23

Jisasi'a ana kenona'a anage huno zamasmi'ne, iza'o Nagri'ma avesi nantesimo'a, ke'nia amage antesigeno, Nenfa'a avesintena tagra, agrane emanigahune.

2 Korinti 6:16

Hagi inankna huno Anumzamofo mono none, havi anumzamofo mono nomo'a erimago znarimpa hugaha'e? Na'ankure tagra asimu erino maninea Anumzamofo mono noma'a mani'none. Anumzamo'a anage hu'ne, Nagra zamagu'afi mani'nena, zamagri'ene kana vano hugahue. Nagra zamagri Anumza mani'nugeno, zamagra nagri vahe manigahaze hu'ne. (Lev-Pri 26:12)

2 Korinti 6:18

Nagra neramafana mani'nanena, tamagra mofavre zgania manigahaze huno Hanavenentake Ra Anumzamo hu'ne. (Ais 52:11)

1 Tesalonaika 3:11

Menina tagri Nerafa Anumzamo'ene, Jisasi Rantimokea vanuna kana taveri hanaketa tamagritega vugahune.

Hibru 11:16

Hianagi knarema hu'nea kumaku nehakazana mona kumare. E'ina hu'negu Anumzamo'a tamagri Anumza mni'noe huzankura, Agra agazea osugahie. Na'ankure Agra mago ranku'ma retro huzmantene.

Hibru 8:10

Hianagi Israeli vahetera ama kasefa hagerafi huvempa ke Ramo huno, henka'a Nagra kasegea antahintahi zmifine zamagu'afine krenentena, Nagra zamagri Anumza maninenke'za zamagra nagri vahe manigahaze hu'ne.

Hibru 8:2

Agra monafinka tamame seri mono nomofo agu'afi Prisi eri'za eri ne' manino, eri'zana e'nerie. Ana seri mono nona vahe'mo'za zamazantetira onki'nazanki, Ramo ki'ne.

Revalesen-Hufo Hu'ne 10:4

Ana zmagerura nerazagena, avompi krentenaku nehugeno'a, monafinti anage huno hu'ne, 7ni'a mona ageruma antahinana eriginka rekamrenentenka, avontafepina kreontenka atregeno frakino meno huno hu'ne.

Revalesen-Hufo Hu'ne 10:8

Anante monafintima koma antahinoa agerumo'a mago'ane kea hunamino anage hu'ne, vunka hagerimpine mopafinema agama reno oti'nea ankeromofo azampima vakarente'nea avontafera omerio huno nasmi'ne.

Revalesen-Hufo Hu'ne 12:10

Anante nentahugeno mago ra ageru monafinti runo anage hu'ne, menina vahe'ma ahoke aheno agu'vazizane, hanavene, tagri Anumzamofo kumamo'ene Agrama huhampri'ranteno tavaregahie hu'nea nemo'a, hago tusi'a hihamu eri'ne. Na'ankure tagri nerafukizmima hanine zgene, tagri Anumzamofo avure agra havige kegaga hunezmantea nera asgahu atregeno urami'ne.

Revalesen-Hufo Hu'ne 21:7

Iza'o ha'ma agateresimo'a ama anazantamina erisanti haresigena Nagra agri Anumza mni'nena, agra Nagri mofavre manigahie.

Revalesen-Hufo Hu'ne 22:3

Ana kumapina magore huno zmazeri havizama hu'zana omnena, Anumzamofone, Sipisipi anentamofo kini tramoke'za me'nena, kazokzo eri'za vahe'amo'za monora huntegahaze. (Jen-Agf 3:14-19)

Revalesen-Hufo Hu'ne 7:15

Na'ankure ama ana agafare, Anumzamofo kini tra avuga oti'ne'za hanine zgenena Agri ra mono nompi eri'zama'a erinentazankino, tratema mni'nemo'a, Agra kegva huzmantegahie.