Revalesen-Hufo Hu'ne 16:17 - Kamano

¹⁷ Anantera nampa 7ni ankeromo Anumzamofo rimpahezama me'nea zuompa zahopi eritagi atregeno, ra mono no agu'afi me'nea kini trateti magomofo agerumo ranke huno, havgare hu'ne.

Anumzamofo Routage Avantafere

¹⁷ Anantera nampa 7ni ankeromo Anumzamofo rimpahezama me'nea zuompa zahopi eritagi atregeno, ra mono no agu'afi me'nea kini trateti magomofo agerumo ranke huno, havagare hu'ne.

Revalesen-Hufo Hu'ne 16:17 ပူးပေါင်းရင်းမြစ်များ

Joni 19:30

Ana hzageno Jisasi'ma ana akake waini tima neteno'a, Agra hu'ne, Ha vgare! nehuno Agra kepri huno avamu'a atre'ne.

Efesasi 2:2

Tamagranena maka mopafi vahe'mo'za nehazankna huta havi kante nevzane, kumi'tmimo avite'negeta, Sata kerera amage anteta, kankamumpi nemniza hihamu'ane kva avamutamimofo amage' anteta, Sata eri'zana enerita Anumzamofonte zamagu'a onte'za zamefi hunemi'za vahe'ene nemanizane.

Efesasi 6:12

Na'ankure tagra mopafi vahe'enena hara nosune, hagi mopafi kva hu'naza vahe'ene, hihamune havi avamutamine, mopafi hanizamofo kva hu'naza ha' vahe'ene, mona kankamumpi kefozamofo ha' avamu'ene hara nehune.

Revalesen-Hufo Hu'ne 11:15

Anante nampa 7ni ankeromo ufe regeno, ranke hu'za monafintira kezati'za anage hu'naze, Ama mopafi rankumamo'a, tagri Ramofo kuma nesenkeno, Agri Kraisi kuma fore hinkino, Agra kini manino kegva huvava hugahie.

Revalesen-Hufo Hu'ne 11:19

Hagi monafima me'nea Anumzamofo ra mono nomofo kafamo'a anagi hagro higeno, Agrama huvempa ke huno huhagerafi'nea vogisimo'a, Agri mono nompintira efore higeno, kopasinamo'a trege huno vuno eno higeno, ranke huno monage nehigeno, imi e'nerigeno, tusi ko'mopa ko ru'ne.

Revalesen-Hufo Hu'ne 14:15

Hanki mago ankeromo mono nompinti atiramino, ranke huno hampopima mni'nemofonkura huno, kazinkno ka'a erinka kavera hamaro. Na'ankure ne'zama hamare kna e'ne, na'ankure mopafina nezamo'a afureanki ome hamaro huno hu'ne.

Revalesen-Hufo Hu'ne 14:17

Anantera mago ankeromo, ra mono no monafi me'nefinti atiramino, agranena sikolie nehaza ananke fagagino asane kazi erinegena ke'noe.

Revalesen-Hufo Hu'ne 16:1

Anantera mago ra ageru antahugeno Anumzamofo ra mono nompinti, 7ni'a ankero vahekura anage hu'ne, vutma 7ni'a Anumzamofo rimpahe knazama me'nea zuompa mopafina omeri tagi atreho.

Revalesen-Hufo Hu'ne 21:6

Anantera anage huno nasamine, maka zamo'a havgare, Nagrani'a (Alfa) ese agafahu mni'na, (Omega) vgarera mni'noe, ese agafahu ene vgare'enena mni'noankina, iza'o tinku'ma avesinimofona, mizama'a omne asimu eri tima nehanatifintira Nagra ami'nugeno negahie.