Revalesen-Hufo Hu'ne 12:4 - Kamano

⁴ Hanki risonamo'a tagufa kevu hanafi monafi me'nefinti, mago kevu hanafira mopafi ruharfi huzmatrene. Ana osifavemo, a'mo'ma mofavrema kasentenaku'ma nehia avuga otine. Anama hu'neana ana mofavre kasentenkeno aheno asga hunakrinaku otine.

Anumzamofo Routage Avantafere

⁴ Hanki risonamo'a tagufa kevu hanafi monafi me'nefinti, mago kevu hanafira mopafi ruharfi huzmatre'ne. Ana osifavemo'a, a'mo'ma mofavrema kasentenaku'ma nehia avuga oti'ne. Anama hu'neana ana mofavre kasentenkeno aheno asga hunakrinaku oti'ne.

Revalesen-Hufo Hu'ne 12:4 ပူးပေါင်းရင်းမြစ်များ

Joni 8:44

Tamagra Sata mofavre naga mani'naze, ana hunetma nermafa'ma avenesia avu'avaza nehaze. Ese agafare vahe ahe fri'nea ne' mani'neno, tamage nanekemofona amage nonte. Na'ankure tamage kea agripina omne'ne. Kema hifina, havigege nehie, agra avu'ava zanku kea nehie. Na'ankure havige ne' mani'neno, havigemofo nefa'e.

1 Pita 5:8

Tamagra negia onetma, kva hutma maniho. Ha' vahe'timimo Sata'a agra laionigna huno akoheno rerakaureno krafa huno vano nehuno, ahenoma nesia vaheku nehake.

Revalesen-Hufo Hu'ne 12:7

Hanki tusi'a ha' monafina fore hu'ne. Maikoli ene ankero naga'amo'za, osifavene ana osifavemofo ankero naga'a hara huzmante'naze.

Revalesen-Hufo Hu'ne 12:9

Ana koranke osifavea asgahutregeno erami'neankino, ana ne'kura korapa mani'nea osifave nehu'za, hankrore nehu'za, Sata'ema nehaza ne'ma ama mika mopafi vahema rezmatgama nehia nera, asgafetregeno ankero naga'ane mopafi erami'naze.

Revalesen-Hufo Hu'ne 13:2

Hagi ana afi zgama ke'noana lepatigna higeno, agamo'a bea agagna higeno, agi'mo'a laioni agikna hu'ne. Hanki agaza hunte tusi osifavemo agra'a hihamu hanavene, kini tra'ane maka kegvahu hanavea ami'ne.

Revalesen-Hufo Hu'ne 13:4

Ana vahe'mo'za agaza hunte osifavemofo monora hunte'naze. Na'ankure ana agaza hunte osifavemo'a, afi zgamofona kegvahu hanavea ami'negu, ana vahe'mo'za monora tusi zgamofona hunente'za anage hu'naze, iza ama tusi zgagna hu'nesimo hara huntega hu'ne? hu'za hu'naze.

Revalesen-Hufo Hu'ne 16:13

Ana higena kogeno agaza hunte osifavene, afi zgamofo agipinti'ene, havige kasnampa ne'mofo agipintira, 3'a agru osu avamutamina hogakna hu'naza atirami'naze.

Revalesen-Hufo Hu'ne 17:18

Hanki ana monko a'ma ke'nanana, e'i tusi'a kumamofo hu avame huno manineno, maka ama mopafi kini vahe'mokizmi kegva hunezmante hu'ne.

Revalesen-Hufo Hu'ne 20:2

agaza hunte osifavema, korapa osifavea, havi hankro, Sata ema nehazankino, eme azerino 1 tauseni'a zge kafu kina hunte'ne.

Revalesen-Hufo Hu'ne 8:10

Nampa 3 ankeromo'a uferegeno, ra hanafimo monafinti teve taginaku kasagsa hu'za taginafa hiankna tavimo remsa huno atafariramigeno, tagufa kevu tira me'nefinti mago kevu tirante'ene osi tinte ene kampui tinte'ene takaure'ne.

Revalesen-Hufo Hu'ne 8:11

Ana ofumofo agi'a Akahene, hu'za hu'naze. Tagufa kevufinti, mago kevu timo'za akahazageno, rama'a vahe'mo'za ana tina nene'za fri'naze. Na'ankure ana timo'a akahunegeno'e.

Revalesen-Hufo Hu'ne 8:12

Nampa 4 ankeromo'a ufe regeno, zgemofona tagufa kevu refko higeno, ikamofona tagufa kevu refko higeno, tagufa kevu hanafitami me'nefintira, magoke magoke kevuzmia amasagigeno haninkine. Mago zge ferumofoma tagufa kevu msama me'nefintira, mago kevu msamo'a hani hu'ne. Hanimo'enena anazanke hu'ne. (Mat 24:29)

Revalesen-Hufo Hu'ne 8:7

Ese ankeromo uferegeno, komopa ko'ene korane tevea eri havia hu'neana, zamagra mopafi matevu'za atrazageno, tagufa kevufintira, mago kevu mopamo'a teveregeno, tagufa kevu zafafintira, mago kevu zafamo'za teverazageno, maka zafa sinage trazamo'za tevere'naze.

Revalesen-Hufo Hu'ne 8:8

Nampa 2 ankeromo ufe regeno, ra agona gnazamo'a teve neregeno hagerimpi mate vuno atregeno, tagufa hageri me'nefintira, mago hagerimo'a koranke higeno,

Revalesen-Hufo Hu'ne 8:9

tagufa kevu hagerimpi zagrami mni'nafintira, mago kevumo'za frizageno, tagufa kevu venterami me'nefintira, mago kevu ventemo'za haviza hu'naze.

Revalesen-Hufo Hu'ne 9:10

Ana kenutamimofona zmarisona me'negeno, ana zmarisonamo'a segintavemofo risonagna hu'negeno ana risonanu vahera nezamare. Ana risonamofona 5fu'a ikampi vahe'mofona zmatama zami hanave'a zami'ne.

Revalesen-Hufo Hu'ne 9:19

Na'ankure hihamu hanavemo'a ana hosimofona zamagipine zmarisonafine me'ne. Ana hosimofona zmarisonamo'a, osifavegna huno asenia huntegeno, ana aseniretira vahe'mofona hazenke zamigahaze.