Revalesen-Hufo Hu'ne 12:10 - Kamano

¹⁰ Anante nentahugeno mago ra ageru monafinti runo anage hu'ne, menina vahe'ma ahoke aheno agu'vazizane, hanavene, tagri Anumzamofo kumamo'ene Agrama huhampri'ranteno tavaregahie hu'nea nemo'a, hago tusi'a hihamu eri'ne. Na'ankure tagri nerafukizmima hanine zgene, tagri Anumzamofo avure agra havige kegaga hunezmantea nera asgahu atregeno urami'ne.

Anumzamofo Routage Avantafere

¹⁰ Anante nentahugeno mago ra ageru monafinti runo anage hu'ne, Menina vahe'ma ahoke aheno agu'vazizane, hanavene, tagri Anumzamofo kumamo'ene Agrama huhampriranteno tavaregahie hu'nea ne'mo'a, hago tusi'a hihamu eri'ne. Na'ankure tagri nerafukizmima hanine zagene, tagri Anumzamofo avure agra havige kegaga hunezmantea nera asgahu atregeno urami'ne.

Revalesen-Hufo Hu'ne 12:10 ပူးပေါင်းရင်းမြစ်များ

Matiu 26:64

izo Kagraka'a hago nehane. Hianagi amanage hu'na mika motmagura nehue, henka'a Vahe'mofo mofavremo'a, negesnageno Anumzamofo azantmaga kaziga manino hihamu'ane mona hampompi ne-enketa kegahaze.

Matiu 28:18

Anante Jisasi zmagrite eno amanage hu'ne, maka monafine mopafinema kegvahu hihamu'a, Anumzamo'a ko Nagri namine.

Matiu 6:10

Kagri mona kumara esie, Kagri kavesi'zana monafinka nehazankna huno, ama mopafi efore hanie.

Luku 11:2

Agra anage huno zmasami'ne, nunamuma hanutma anage hiho, Tfatimoka Kagri Kagimo'a ruotge huno mesie. Kagri kumamo'a e'nie.

Luku 22:31

Saimonivoe Saimonivoe, Kagra antahio, witi rgamofo anoma'a hareankna huno Sata'a regaheno kenaku nehie.

1 Korinti 5:4

Tamagrama Rantimofo Jisasi agifima eritruma hanafina, Rantimofo Jisasi hanavefi, avamupi tamagra ne manigahue.

2 Korinti 12:9

Hianagi Ramo'a amanage huno nasmine, Nagri nasunkuzamo'a knare kagrira hugantene. Na'ankure hanave ka'a omanesirera, Nagri hanavemo'a knare hugantegahie. E'ina hu'negu, Ramofo hankavemo'a knarezantfa huno refite nantegahiankina hanaveni'a omanesifina muse nehuna navufga ra hugahue.

Taitus 2:3

Ana zanke hunka ranra a'ne rempi huzamige'za, mikaza hanafina Anumzamofo agorga mani'ne'za, vahe agenke osu' aka timo'a zamazeri havia osnige'za knare'za rempi huzamiho.

1 Pita 5:8

Tamagra negia onetma, kva hutma maniho. Ha' vahe'timimo Sata'a agra laionigna huno akoheno rerakaureno krafa huno vano nehuno, ahenoma nesia vaheku nehake.

Revalesen-Hufo Hu'ne 11:15

Anante nampa 7ni ankeromo ufe regeno, ranke hu'za monafintira kezati'za anage hu'naze, Ama mopafi rankumamo'a, tagri Ramofo kuma nesenkeno, Agri Kraisi kuma fore hinkino, Agra kini manino kegva huvava hugahie.

Revalesen-Hufo Hu'ne 2:26

Iza'o ha'ma agatenereno, Nagri navunava huno vgare knarema vanimofona, anamofona Nagra hanave amisugeno, rama'a vahe kegva krizmantegahie.

Revalesen-Hufo Hu'ne 7:10

Zamagra ranke hu'za anage hu'naze, tagri Anumzama tratema mni'nemo ene, Sipisipi anentamo'ene, tagu'vazine tahokehena'e hu'za hu'naze.