Revalesen-Hufo Hu'ne 12:1 - Kamano

¹ Mago ruzahukna huno tusi'a avame'za monafina efore higena kogeno, mago a'mo'a zgenu kukena hunegeno, ikamo'a agafi menegeno, asenifina 12fu'a hanafimo kini fetorikna huno asenire me'ne.

Anumzamofo Routage Avantafere

¹ Mago ruzahukna huno tusi'a avame'za monafina efore hige'na kogeno, mago a'mo'a zagenu kukena hu'negeno, ikamo'a agafi menegeno, asenifina 12fu'a hanafimo kini fetorikna huno asenire me'ne.

Revalesen-Hufo Hu'ne 12:1 ပူးပေါင်းရင်းမြစ်များ

Matiu 12:38

Anante mago'a kasegere ugagota hu'naza vahe ene Farisi vahe'mo'za anage hu'za asmi'naze, Rempi Hurami ne'moka, mago avame'za Kagra hananketa kesunegu nehune.

Matiu 24:30

Ana hanigeno Vahe'mofo Mofavremofo avame'zana monare fore hanige'za, mika kazigati nagate nofite vahe'mo'za zmasunku nehu'za negesageno, Vahe'mofo Mofavre'a tusi'a hanave' ane masazama'afi mona hamponte eramigahie.

Maki 13:25

monafinti hanafi tamimo'za atafri neraminke'za, monafi me'nea hanave zantamimo'za tore hugahaze. (Aisa 13:10, 34:4, Joel 2:31-32)

Luku 21:11

tusi'a imi enerisigeno, mago'a kaziga tusi'a kri fore nehinkeno, mago'a kaziga tusi'a zamaga netenkeno, monarera ruzahu ruzahu avameza fore huno vahera zmazeri zmagogofegahie.

Luku 21:25

Jisasi'a anage hu'ne, avame'zana zgerema ikante'ma ofunte fore nehina, mopafina vahe'mokizmia antahintahizmimo'a savri nehina, hanavezmi nomnenkeno, hagerimo kranto kranto huno tusi'a agasasa nerina nentahiza tusi'a kore hugahaze. (Joel 2:31)

Joni 3:29

Mago vemo'ma a'ma erinaku nehigeno rone'amo oti'neno antahi nemino, aravema huku hia vahe'mofo ageruku muse nehie, e'ina higu nagrira muse zamo'a avite'ne.

Aposol 2:19

Nagra monafina ruzahu'za eri fore nehu'na, kaguva avame'za ama mopafina erifore nehu'na, korane, tevene, hampone tokira hugahie.

Romu 13:14

Hu'neanagi atrenkeno, Ramo, Jisas Kraisi tamagripina mani'neno, kefozama hu tavesizana eri atreno.

Romu 3:22

Tagrama fatgo huta Anumzamofonte manisune hanuta, Jisas Kraisinte tamentintia hanunkeno, Anumzamo'a ftago vahe mni'naze huno hurantegahie. Mago kana omnetfa hu'ne. I'o.

2 Korinti 11:2

Kraisinte knare hutma mnisazegu hanave antahintahi nehue. Nagrama magoke vere, Kraisinte manisazema hu'noane. Vene omaseno agru hu'nea a'kna hu'nesage'na, tamagrira Kraisinte tamavrentesuegu nehue.

Galesia 3:27

Na'ankure tamagra maka'mota Jisas Kraisinte mono tina nefreta, Kraisina kukena hiaza nehaze.

Galesia 4:26

Hianagi anagamu monafi me'nea Jerusalea, tagri nerarera kazokzo osu a'mo hu avame huno mani'ne.

Galesia 6:14

Hianagi nagra mago'zantere hu'na navufga erisaga osugahuanki, Rantimo Jisasi Kraisi nagriku huno rugeka zafare fri'nea zankuke navufga ra nehanugeno, Rugeka zafare'ma Kraisima eri'nea eri'zanteti ama mopafi kefo navu'nava'zamo'a ko nagripintira frigena, nagranena ama mopafi avu'ava zampina ko fri'noe.

Efesasi 5:32

Amama oku'a me'nea antahi'zamo'a, razantfa se'ne, hu'neanagi nagrama nehuana Kraisinku ene, mono kevu'agu nehue.

Revalesen-Hufo Hu'ne 1:20

Kagrama 7ni'a hanafi'ma tamaga nazampima me'negenka negenka, kolire tavima rekru hunte azotama ke'nanana oku'a agu'agesamo'a amanahu hu'ne, 7ni'a ofuna, 7ni'a mono kumate ankero vahetami ke'nane, tavi'ma rekru hunte azotama, kolire tro huntenegenka 7ni'a ke'nanana, 7ni'a mono kuma me'negenka ke'nane huno nasamine.

Revalesen-Hufo Hu'ne 11:19

Hagi monafima me'nea Anumzamofo ra mono nomofo kafamo'a anagi hagro higeno, Agrama huvempa ke huno huhagerafi'nea vogisimo'a, Agri mono nompintira efore higeno, kopasinamo'a trege huno vuno eno higeno, ranke huno monage nehigeno, imi e'nerigeno, tusi ko'mopa ko ru'ne.

Revalesen-Hufo Hu'ne 12:3

Anantera ru avame'za monafina efore higena kogeno, mago agaza hunte koranke osifavemofona, 7ni'a agenopa me'negeno, 10ni'a pazive hanatinegeno, aseniramintera 7ni'a kini fetori me'ne.

Revalesen-Hufo Hu'ne 15:1

Hanki anantera monafina tusi'a ruzahu avame'za fore nehige'na negogeno, 7ni'a ankeromo'za, tusi'a rimpahe knazana 7ni'a eri'naze. E'ina knazana Anumzamofo vgare rimpa he'zane. Na'ankure Anumzamofo rimpa hezamo'a, e'i ana knazampi vgaregahie.

Revalesen-Hufo Hu'ne 21:14

Ana rankumamofo keginama hu'neana, 12fu'a havenu trara anteteno, ana haveramimofo agofetu regrino kegina hu'ne. Ana 12fu'a haveramintera, Sipisipi anentamofo 12fu'a aposol nagamokizmi zmagi metere hu'ne.

Revalesen-Hufo Hu'ne 21:23

Hanki ana rankumamofona zgemo ene ikamo'enena remsa huontene. Na'ankure Anumzamofo msamo remsa nehigeno, Sipisipi anentamo'a ana kumamofo lamu tavikna huno remsa hu'ne.