Proveps-Knare Nomaniza 4:18 - Kamano

¹⁸ Hianagi fatgo vahe'mofo manizamo'a, zgemo zahufa nehnatino remsa hume ne-eno, eme remsa huno feru aseankna nehie.

Anumzamofo Routage Avantafere

¹⁸ Hianagi fatgo vahe'mofo mani'zamo'a, zagemo zahufa nehanatino remsa hume ne-eno, eme remsa huno feru aseankna nehie.

Proveps-Knare Nomaniza 4:18 ပူးပေါင်းရင်းမြစ်များ

Proveps-Knare Nomaniza 13:9

Fatgo vahe'mokizmi lamu tavimo'a, ru masa nehige'za, muse nehaze. Hianagi kefo zamavu'zamavama nehaza vahe'mokizmi lamu tavimo'a, asu nehie.

Proveps-Knare Nomaniza 15:24

Knare antahi'zane vahe'moma asimu erisia kamo'a anagamu marenerino, fri vahe kumapima uramizankura kegva hunente.

Proveps-Knare Nomaniza 2:20

E'ina hu'negu knare vahe'mo'ma nevia kante nevunka, fatgo avu'avama nehia vahe'mofo kante vugahane.

Proveps-Knare Nomaniza 2:9

Ana nehunka fatgo avu'avazane, fatgo huno ke refkohu avu'ava ene, maka vahe'ma mago avamente avu'avama hunte'zana antahi ankeregahane.

Matiu 5:14

Tamagra ama mopamofo tvi mani'naze. Mago rankumamo agonare me'nesia rankumamo'a fra okigahie.

Matiu 5:16

Anahu kante tavika'a atregeno, vahe'mokizmirera remsa hanige'za, knare kavu kvara nege'za, monafi mani'nea Negfana ra agi amigahaze.

Matiu 5:45

E'inama hanuta monafi nemnia Nfatimofo mofavre manigahaze. Agra zgegu higeno, zgea knare vahete ene, havi vahetera neregeno, fatgo vahete'ene, fatgo osu vahete enena kora atregeno nerie.

Joni 8:12

Anante Jisasi'a mago'ene anage huno zamasmi'ne, Nagra'ni'a ama mopamofo Msa mani'noe, aza'o namge'ma esimo'a hanimpina vano osugahie. Hianagi asimu eri Msa erigahie.

2 Korinti 3:18

Hianagi miko tavugosa refi'ote vahe'mota, Ramofo msazama'amo'a tagrite remsa nehigeta, kapomo hiankna huta remsa huta Agri'kna hunkeno, Ramo'a avamukino, agri msazamo'a mago'ane tagripina remsa nehie.

Filipai 2:15

Anama hanage'za, vahe'mo'za neramagesagetma fatgo hutma, ketmia omnesigetma nemanitma, Anumzamofo mofavre tro hutma nemanitma, havige huormantesagetma, kazaki'zampi kazigzi nehnaza vahe amu'no zamifina nemanitma, ofumo remsa hiaza hutma ama mopafina remsa huzmantegahaze.

2 Pita 1:19

Ana higeta tagra kasanampa vahe'mozama hu'naza kea antahi amama nehuta tamentinti hu'none, e'ina hu'negu tamagra ana kemofona keni nehinkeno, zamagri kemo'a hanimpima tavimo remsa huno viankna nehina, nantera ofumo, Kraisi'a tamaguafinti remsa hugahie. (Nam-Ham 24:17, Rev-Huf 22:16)

2 Pita 3:18

Hianagi Ranti Taguvazi Ne' Jisasi Kraisi asunkuzane, Agri antahintahi zampi hageta ra hiho. Menine henkanena, Agra'a hihamu msa'afi ra agi'a erivava hugahie. Tamage.

Revalesen-Hufo Hu'ne 21:23

Hanki ana rankumamofona zgemo ene ikamo'enena remsa huontene. Na'ankure Anumzamofo msamo remsa nehigeno, Sipisipi anentamo'a ana kumamofo lamu tavikna huno remsa hu'ne.

Revalesen-Hufo Hu'ne 22:5

Hanki ana kumapina hanima hu'zana omnetfa hanigeno, lamumofo msane, zgemofo masagura ontahitfa hugahaze. Na'ankure Ra Anumzamo Agra'a tvi msa'a, ana kumamofona manino remsa huzmantenige'za, zamagra kva vahe mni'vava hugahaze.