Proveps-Knare Nomaniza 26:12 - Kamano

¹² Neginagi vahe'mo'za amuhama hazazamo'a, ama' antahizane vahe'ma mani'none hu'za antahiza vahera zamagateneraze.

Anumzamofo Routage Avantafere

¹² Neginagi vahe'mo'za amuhama hazazamo'a, ama' antahi'zane vahe'ma mani'none hu'za antahiza vahera zamagateneraze.

Proveps-Knare Nomaniza 26:12 ပူးပေါင်းရင်းမြစ်များ

Proveps-Knare Nomaniza 29:20

Zamagesa ontahi ame'ama kema nehaza vahera nezamagano? E'i ana vahera neginagi zamavu'zamava'ma nehaza vahe'mo'za zmaza huzama erisaza kamo'a zmagetere'ne.

Romu 12:16

Ovesinte avesinte huta magoke avamente maniho. Tamagra tamavufga erisaga osiho, hianagi agi omane vahe'ene manizanku tamavesino. Tamagra ana miko'zana antahi'none huta osiho.

Proveps-Knare Nomaniza 28:11

Feno vahe'mo'a agra'aguma antahiana ama' antahizane vahe mani'noe huno hugahianagi, zamunte omane ama' antahizane vahe'mo'za, amane agrira age'za antahiza hugahaze.

Revalesen-Hufo Hu'ne 3:17

Na'ankure kagra anage hunka nehane, rama'aza ante'nena, tusi'a fenone vahe mani'noe hunka nehunka, mago'zankura upara osu'noe hunka nehananagi, kagrama havizantfama hunka, kasunku hugantega kante mni'nenka, kamunte omaneno, kavu asu higenka, kavufa kavapa mni'nanana kagra nonkane.

Matiu 21:31

Taremokiznifintira inamo nefa avesizana avaririne? Zamagra hu'za Pusante'mo'e, hzageno Jisasi anage huno, Nagra tamage neramasmue, zgoma vahepinti zonegiza vahe'ene, monkote'ma nehaza vahe'mo'za tmagrira tmagatere'za Anumzamofo kumapina vugahaze.

Proveps-Knare Nomaniza 26:5

Antahiso'e hutenka neginagi vahe'mo'za, neginagi nanekema hanaza nanekerera, kenona zmia huzamanto, ru zamagra antahisazana knare antahiza eri'none hugahaze.

Luku 18:11

Farisi ne'mo'a otineno anage huno agra'agu nunamu hu'ne. Anumzamoka nagra susus huna muse nehue, mago'a vaheknama osu'na havige huno musufa nesea vaheknara nosuna, kefoza nehaza vahekna osu'na, arave netanaza vahekna nosuna, ama takesi zgo eneria ne'kna osu'noe.

Luku 7:44

Anante rukrehe huno ana ara negeno, Saimoninku huno, kagra ama'i ara negano? Nagra nonka'afi emarerugenka nagia sese hanua tina afi onami'nane. Hianagi ko, ama a'mo'a avunuteti nagia sese nehuno, azokateti erihomu hunante'ne.

Proveps-Knare Nomaniza 26:16

Feru vahe'mo'a agraguma antahiana, 7nia knare antahizane vahera, nagra zamageterenoe huno nentahie.

Proveps-Knare Nomaniza 22:29

Eri'zama eri antahizama eri'nea ne'mofo erizana negano? Agra kini vahe'mokizmi eri'za vahe nemanino, agi omane vahe'mofo eri'za vahera omanigahie.

Proveps-Knare Nomaniza 3:7

Kagraka'a antahizankura knare hu'ne hunka eri antesga osunka, Anumzamofonku koro huntenka agorga'a nemaninka, havi avu'avazana kamefi humio.

Joni 9:41

Jisasi'a anage huno zamasmi'ne, tamavurgamo asu hu'neasina kumi'tmia omne sine, hianagi tamagra huta tavua negone nehzagu, kumi'mo'a tmagripina megahie.

Proveps-Knare Nomaniza 12:15

Neginagi vahe'mo'zama zamagesama antahizana, zamagrama nehazazamo'a fatgo hu'ne hugahazanagi, ama antahizane vahe'mo'za rumo'zama antahintahima zamiza kea nentahize.

Proveps-Knare Nomaniza 28:26

Iza'o agra'a antahizanku'ma knare hu'neankina amne hugahuema hanimo'a, neginagi vahe kna nehie. Hianagi iza'o ama' antahizampima vanimo'a, knazana agateregahie.