Proveps-Knare Nomaniza 1:22 - Kamano

²² Antahiza omane vahe'motma nama'a zupa musena hutma antahizantmi omane vahera manigahaze? Kiza zokago kema knare antahizanku'ma nehzazana, taganetma omanigahafi?

Anumzamofo Routage Avantafere

²² Antahiza omane vahe'motma nama'a zupa musena hutma antahizantmi omane vahera manigahaze? Kiza zokago kema knare antahizanku'ma nehzazana, taganetma omanigahafi?

Proveps-Knare Nomaniza 1:22 ပူးပေါင်းရင်းမြစ်များ

Proveps-Knare Nomaniza 5:12

anage hugahane, na'a higena navumaro kema nenasimige'na, nagokura hu'na navesra hunentena, nazeri fatgo nehigena, ana kea ontahi'noane hugahane.

Proveps-Knare Nomaniza 1:29

Na'ankure zamagra, antahi'zama erizankura zamesra hunente'za, Ra Anumzamofona kore hunte zamagesa ontahi'naze.

Revalesen-Hufo Hu'ne 22:17

Hagi Avamu'ene, Sipisipi anentate'ma vema erinakuma nehimo'a eno nehaku, ama nanekema nentahisimo'enena, eno hina, tinkuma avenesinimo'a eno hina, mizama'a omne asimu eri tinkuma avenesinimo'a, amane emerino.

2 Pita 3:3

Hu'neanangi tamagrama ketma antahitma hanazana, vgama reknafina, tamage kema huhaviza hu vahe'mo'za, tamage kemofona huhaviza nehu'za, zamagra'a havi zmaguzmagesa nevaririza,

Joni 3:20

Aza'o hvizama nehia vahe'mo'a, tvi'mofona zamesra hunente'za, msarera nomaze. Na'ankure haviza nehazazamo eama huzanku nomaze.

Luku 19:42

anage hu'ne, ama knare'ma kagrima krimpa fruma hu'zama fore'ma nehiazana, kagra nonkane! Hianagi kagri kavurera rimpa fruzamo'a frakino me'negenka nonkane.

Matiu 9:13

Jisasi'a zmasamino, vutma ome zaganeta antahiho ama kemo'a na'ane hu'nefi, Nagrira rumofo asuragintezanku navenesie, hagi (ofagura) kresramangura nave'nosie. a'ankure Nagrama e'noana, fatgo vahe zamagi huku ome'noe, hagi kumi vahe zamagi hanuge'za, zamagu'a rukrahe hihogu e'noe. (Hos 6:6)

Proveps-Knare Nomaniza 21:11

Vahe'ma huhaviza'ma hu vahe'ma knoma amiza azeri fatgoma hazageno'a, antahi ama osu vahe'moza negeza ama' antahi'zana erigahaze. Hianagi knare antahizama eri'nesaza vahe'mo'za zamazeri fatgohu kema zamasamisage'za mago'ene antahi'za erigahaze.

Matiu 23:37

Jerusale vahere, Jerusale vahere. Kasnampa vahe zamahenefritma, huzmantege'za tmagritega aza vahera have knonu zmahe'naze. Nama'a kna mofavre'zgatmia kokoremo anenta'a zga agekonanu zmazeri atru huno refite zmanteankna hunaku nehuanagi tamagria tamavenosie.

Matiu 17:17

Jisasi'a kenona huno, tamagra tamentinti nosuta fatgo tamagutmagesa ontahi vahe mni'naze! Nama'a kna Nagra tamagra nena manigahue? Nama'a zupa knaza tmia erigahue? Nagrite avretma amare eho.

Proveps-Knare Nomaniza 19:29

Vahe'ma huhavizama hunezmantaza vahe'mokizmi'a, mizazmia ko tro huzmantegeno me'neankiza erigahaze. Nehanage'za neginagi hanaza vahera, knonkeve zamigahaze.

Proveps-Knare Nomaniza 15:12

Veganokno kema hu vahe'mo'za, azeri fatgoma hanimofona avesra hunenteno, ama' antahizane vahe'mofontera aza hinogura urava'o osugahie.

Proveps-Knare Nomaniza 14:6

Hagi kiza zokago kehu vahe'mo'ma, knare antahizanku'ma hake'suno'a, keno eri fore osugahie. Hianagi ama' antahizane vahe'mo'a, fru huno antahizana erigahie.

Proveps-Knare Nomaniza 8:5

Antahizantmi omane vahe'motma eta refakomahu antahizana emeriho, neginagi antahi'zane vahe'motma, eta antahi amahu antahi'zana emeriho.

Proveps-Knare Nomaniza 7:7

mago'a nehazave enevazafina kogeno amuno zamifina, mago nehaza ne'kanora, knare antahizama'a omanenea ne' ke'noe.

Proveps-Knare Nomaniza 6:9

Eri'zama e'ori feru vahe'motma, nama'a zupa tamavura masegahaze? Nazupa masetamavuna segahaze?

Proveps-Knare Nomaniza 3:34

Vahe'mokizmima azanava kema huzmante vahe'mofona, Ra Anumzamo'a agri'enena azanava ke huntegahie. Hianagi anteramino manimofona, asunku hunente.

Proveps-Knare Nomaniza 1:7

Anumzamofonku kore hunteno agorga'a manizana, antahizama erizamofo agafa'a me'ne. Hu'neanagi neginagi vahe'mo'za knare antahi'zane avumro kegura amagena humigahie.

Proveps-Knare Nomaniza 1:4

Hagi ama ana nanekemo'a, antahi'zama'a omane'nesia vahera knare antahintahi nezaminkeno, ne'mofara antahiza nezaminke'za knare hu'za maka zana refko hugahaze.

Proveps-Knare Nomaniza 1:21

Ana a'mo'a tusi kereso nehaza kamofo atuparegati kezatino, rankumapi ufre kafante mni'neno kea nehie.

Proveps-Knare Nomaniza 1:32

Antahintahizmi omane vahe'mokizmia, neginagi zmavu'zmavamo zamahe nefrinkeno, knare hu'none hu'zama hanaza zamo, zamahe frigahie.

Proveps-Knare Nomaniza 21:24

Vahe'ma huhavizama huzamante vahe'mo'a, avufga ra nehuno, vahera zamage fenkami netreno, agra'a avufga erisga hu'zanke nehie.

Proveps-Knare Nomaniza 22:3

Ankere antahizane vahe'mo'a, hazenke zama ne'esigeno negeno maniganesigeno agateregahianagi, knare antahizama omane vahe'mo'a, hazenkema fore'ma nehanigeno'a, negeno nevuno ana hazenkezana erigahie.