Matiu 5:28 - Kamano

²⁸ Hianagi Nagra neramasmue, aza'o mago a' negeno kesane hanimo'a, hago ana a'ene monko'za agu'afina hu'ne.

Anumzamofo Routage Avantafere

²⁸ Hianagi Nagra neramasmue, aza'o mago a' negeno kesane hanimo'a, hago ana a'ene monko'za agu'afina hu'ne.

Matiu 5:28 ပူးပေါင်းရင်းမြစ်များ

Jenesis 34:2

Sekemu'a Hamori nemofo'e, Hivai vahe'mokizmi kva (prins) nekino negeno kefoza huntenaku, hankvetino avazu huno kefoza hunte'ne.

Proveps-Knare Nomaniza 6:25

Ana a'mofo agi agonagura kegasanea osuge, atregeno kavazu hunaku'ma avuretima revumima hugamisia zamo'a kavazua osino.

Matiu 15:19

Na'ankure agu'afinti havi antahintahizane, vahe ahe fri'zane, monko'zane, arave osu'neno monko'za hu'zane, kumzafa sezane, havigegu eri tamage hu'zama, knare vahe'mofo huhaviza hunte'zana ne-e.

Matiu 5:22

Hianagi Nagra anage nehue, iza'o nefuma rimpa kna huntesimo'a, agra keagare otigahie. Aza'o mago nefuma huhaviza hunte'simofona, avare'za kansol kva vahete (Sanhedrin) vugahaze. Hagi iza'o neginagi ke nehie huno hanimofona, tusi'a tevefi avare tregahaze.

Matiu 5:39

Hianagi mago'ene anage hu'na neramasmue, haviza huramante simofona, azeri arava hiho, hianagi iza'o tmaga kaziga kameragente'ma kahena, rukrehe hugeno, mago kaziga kameragente kaheno.

Romu 7:14

Hu'negu, kasegefina hazenkea omanene, na'ankure mopare navufga erina maninogu kumimofo kazokzo eri'za vahe' mizante atreankna nehie.

2 Pita 2:14

Maka kna, zamagra rumofo a'ene, rumofo venema savrima huzankuke nentahiza, havi zamavu'zamavama huzana otre'za huvava nehu'za, zamagra mago'a vahe'mofona fru hu'za rezmatga nehazageno, zamagraguke antahi antahintahi zmimo'a avi'nete. Hianagi zamagra hazenkegu nehakaze!

1 Joni 2:16

Na'ankure maka mopafi me'neazana, avufamofo avesi'zane, kenunu hu'zane, agraguke antahi'enena ama mopafizane. Nerafapintira nome-e, hianagi ama mopafinti fore hu'ne.