Matiu 5:18 - Kamano

¹⁸ Nagra tamagerafa hu'na neramasmue, monane mopane vga'oreno me'nena, mago onensa avoma kasegefi me'nea zamo'a vgaore me'nenkeno, hakare zamo'a efore hugahie.

Anumzamofo Routage Avantafere

¹⁸ Nagra tamagerafa hu'na neramasmue, monane mopane vaga'oreno me'nena, mago onensa avoma kasegefi me'nea zamo'a vagaore me'nenkeno, hakare zamo'a efore hugahie.

Matiu 5:18 ပူးပေါင်းရင်းမြစ်များ

Matiu 10:15

Tamage hu'na neramasmue, Anumzamo'ma keagama refako huzupa, Sodomune, Gomora kumate korapa hu'neazana, agatereno ranknaza erigahie.

Matiu 10:23

Hianagi mago kumate'ma vnageno tmazanva hanagetma atretma ru kumate viho. Tamage hu'na neramasmue, Israeli kumapina vuvga ore'nesageno, Vahe'mofo Mofavrea egahie.

Matiu 10:42

Hagi azago zasi tintafama taginka namage'ma nentaza nagapinti mago agima omane'nesi mofoma amisamoka tamagerafa hunka mizanka'a erigahane.

Matiu 11:11

Tamage hu'na Nagra neramasmue, a'nemo'za kasema zamante'nafintira, mago'mo'e huno mono tima frezamante Joni knara osu'ne! Ana hianagi Anumzamofo kumapima osi hu'nemo, anamo agrira agatere'ne.

Matiu 13:17

Tamage hu'na neramasmue, korapa rama'a kasnampa vahe'mo'zane, fatgo vahe'mo'za amama negaza'za kenaku hu'nazanagi onke'za, nentahizankea, antahinaku hu'nazagi ontahi'naze.

Matiu 16:28

Nagra tamage hu'na neramasmue, meni ama otitma mni'nafintira mago'amota ofri'mni'netma negesageno Vahe'mofo mofavremo'a kini manino egahie.

Matiu 17:20

Jisasi'a anage huno zmasmi'ne, na'ankure tamagra osi'a tamentinti hu'naze. Nagra tamage hu'na neramasmue, masteti zafamofo osi avima'agna tamentintimo hu'nena, anage hutma ama agonagura hugahaze. Amarera atrenka anture vuo hanageno'a, amne vugahie. Mago'zamo'a amuho huormantegahie.

Matiu 18:18

Nagra tamage hu'na neramasmue, inankna zama mopare'ma anakisnaza zana, anazanke huno monarera anakigahie. Hagi inankna zama mopare'ma vakane atresnaza zana, anahu'kna huno monarera vakane atregahie.

Matiu 18:3

amanage hu'ne. Nagra tamage hu'na neramasmue, Kagra ruzahe hunka osi mofavre'gna osnunka, mona kumapina ovutfa hugahane.

Matiu 19:23

Jisasi'a amage'ma nentea disaipol nagara anage huno zmasamine, Tamage hu'na neramasmue, afufeno ne'mo mona kumate vunaku haniana, tusi amuho huntegahie.

Matiu 19:28

Jisasi amanage huno zmasmi'ne, Tamage hu'na neramasmue. Miko zama azeri ksefa'ma hania knarera, Vahe'mofo mofavremo'ma, Agri'a msanentake tra'are umnisigenka, tamagra ma namage'ma nentamotma tamagra nena 12fu'a kini trate umani'neta, 12fu'a Israeli naga nofira refako huzmantegahaze.

Matiu 21:21

Hu'za hzageno, Jisasi'a anage huno kenona zmirera hu'ne, Tamage hu'na neramasmue, tamentinti nehutma tare tagufa tamagesa ontahisnutma, tamagra fiki zafa huntoa kna'zana ageteretma amne hzasine. Hianagi ama'na agonagu hutma, otinka hage rimpi tka'uro hanageno'a amne ana hugahie.

Matiu 21:31

Taremokiznifintira inamo nefa avesizana avaririne? Zamagra hu'za Pusante'mo'e, hzageno Jisasi anage huno, Nagra tamage neramasmue, zgoma vahepinti zonegiza vahe'ene, monkote'ma nehaza vahe'mo'za tmagrira tmagatere'za Anumzamofo kumapina vugahaze.

Matiu 23:36

Nagra tamage hu'na neramasmue. Amana knafi vahe'motmage', ama ana knazana erigahaze.

Matiu 24:2

Hianagi zamagriku anage Jisasi'a hu'ne, amama me'nea nontamina negazafi? Nagra tamage hu'na neramasmue, mago havemo'e huno mago havemofo agofetura omanetfa hugahie. Ana miko'mo'a tagnavazi ramigahie.

Matiu 24:47

Tamage hu'na Nagra neramasmue, kva'amo eri'za nera huntesigeno, miko zama'arera kegva hugahie.

Matiu 25:12

Hianagi ke nona huzamanteno, tamage hu'na neramasmue, nagra ontamage'noe huno hu'ne.

Matiu 25:40

Kini ne'mo kenona huzmanteno amanage hugahie, tamage hu'na neramasamue, amama zmagima omane nafuhe'impinti mago zmimofoma nankna avu'ava huzmante'nazana, Nagri hunante'naze.

Matiu 25:45

Hanageno Agra ke nona huzmantegahie. Tamage hu'na neramasmue, amama zamagi omne'nea vahe'pinti, mago zmimofoma mago'zama huonte'nazana, Nagri huonte'naze.

Matiu 5:26

Tamage hu'na kagrira negasmue, kagra anampintira atioramitfa hugahane, hagi agima ahegantesiama'a mizase varesunka henka kina nompintira atiramigahane.

Matiu 6:16

Ne'zama a'o hanuta (fast) tavre vahe'mo'za nehaza knara hutma havi tamugosa osiho. Na'ankure e'inahu tamugosa nehnage'za, vahe'mo'za nege'za, neza a'o hu'ne hu'za hugahaze. Nagra tamage hu'na neramasmue, ko zamagra mizama'a eri'naze.

Matiu 6:2

Hanki kagrama zamunte omne vahe'ma zamaza hunka zamisunka, ufenkrafahu vahera huzmantege'za ufre'za ugota osiho, havige vahe'mo'za mono nompine (sinagog) kantegane nehaza knara osiho, e'ina hanankeno'a vahe'mo'za kagi erisaga hugahaze. Nagra tamage hu'na nermasmue, hago zamagra mizazmi'a eri'naze.

Matiu 8:10

Jisasi ana ke nentahino'a, tusi antri nehuno, amage'ma vu'naza nagara anage huno zamasmi'ne, Nagra tamage huna neramasmue, mago nera Israeli vahepina amanahu hanave amentintine nera, Nagra onketfa hu'noe.

Maki 10:15

Tamage hu'na neramasamue, iza'o Anumzamofo kumama mofavre'moma eneriaza huno e'orisimo'a, uofretfa hugahie.

Maki 10:29

Jisasi'a anage hu'ne, tamage hu'na neramasamue, iza'o Nagriku ene knare muse kereku'ma huno nozmifi, afuhe'impi, asarhehe'impi, nererampi, nefampi, mofavre'zga'afi hoza ramima'ama atresimo'a,

Maki 11:23

Tmage hu'na neramasamue, mago vahe'mo'ma ami agonagu'ma huno, otinka hagerimpi takauro huno tare agesa ontahi amentinti nehuno hanigeno'a, amane ke haniaza huno fore hugahie.

Maki 12:43

Jisasi'a amage'ma nentaza disaipol nagara ke hige'za ageno anage huno zmasami'ne, tamage hu'na neramasmue, ama amunte omane kento a'mo rama'a zagoa ruga'a vahera zmagetereno taferopina eme ante'ne.

Maki 13:30

Tamage hu'na tamagrira neramasamue. Ama knafi veamota ofri mani'nesnageno, ana zana fore hugahie.

Maki 14:18

Ne'zane sipare mani'neza ne'za nenageno, Jisasi'a amanage huno zamasmi'ne, tamage hu'na neramasamue, amafima magoka nezama nenompinti, mago'moka komoru hunka ha' vahe zmazampi navrentegahane.

Maki 14:25

Tamage hu'na neramasmue, Ama waini ragamofo tima'a mago'ene one'na henka'a Anumzamofo kumapi kasefa waini negahue.

Maki 14:30

Pitana kenona Jisasi'a amanage huno asmi'ne, Tamage hu'na negasamue, meni kenagera tare zupa kokoremo'a krafa osu'nesigenka, tagufa zupa Jisasina onke'noa nere hunka vahane hugahane.

Maki 14:9

Nagra tamage hu'na neramasamue, inantego knare musenkeni'a, eri'za kokankoka ome huama hanarega, ama a'mo hu'nea avu'avamofo agenkea, nehnage'za antahigahaze.

Maki 3:28

Tmage hu'na neramasmue, Anumzamo'a vahe'mo'za ana miko kumi'ma hanazane huhavizama huntesaza kumira apase zmantegahie.

Maki 6:11

Mago kumate nevanage'za oramavrege, naneketimi ontahisagetma zamatreta nevuta, tmagareti kugusopa ru popo hunetretma vinke'za, anazama hanaza zamo'a hazenkefi mani'naze huno zmaveri hino.

Maki 8:12

Jisasina rimpamo kna nehigeno anage hu'ne, Na'a hige'za meni knafi vahe'mo'za avame'za kenakura nahaze? Nagra tamage hu'na neramasamue, mago avame'zana ama knafi vahe'mo'za onkegahaze.

Maki 9:1

Jisasi'a mago'ane zmasamino, tamage hu'na neramasmue, amafi otiza mni'naza vahepintira, ofri mani'ne'za Anumzamofo kumamo'a hanave'ane esige'za kegahaze.

Maki 9:41

Na'ankure tamage hu'na neramasamue, iza'o, Kraisi amage'ma nentaza disaipol naga zmaza hanue huno nehuno, tima afi tamisimofona, mizama'amo'a fanane osugahie.

Luku 11:51

Ebolima ahegeno korama'ama tagiraminereti eno, kre sramna vu itane ra mono nomofo amu'nompima Sekaraiama ahazageno, korama'ama tagitre'nea knarema ehanatinea vahe'mokizmi koramofo nona'a, tamage ama knafi vahe'motare refko huno nona huramantegahie.

Luku 12:37

Kazokzo eriza vahe'mo'za, kva zmimoma esigu kva hu'za mni'nesaza vahe'mo'za muse hugahaze. Tmage hu'na neramasamue, Agra'a ana kva nemo amu'nofi nehuno, kukena'a eri atupa huteno, eri'za vahe'a hanige'za zmaza tununte mni kaginesageno, kavera agra eme zamigahie.

Luku 13:35

Antahiho, nonkumatmimo'a vahe omni kokankna hugahie. Nagra anage hu'na neramasamue, tamagra Nagrira onage maninesageno mago knama esigetma, anage hugahaze. Ramofo agifi ne-emofona asomu huntesie hutma hugahaze.

Luku 16:17

Hu'neanagi amane fru huno monane, mopanena fanane hugahianagi, osi avone kasegemo'a vaga oregahie.

Luku 18:17

Tmage hu'na neramasmue, iza'zo ama mofavre'mo'za enerizankna hu'za Anumzamofo Kumama e'orisamo'za, uofregahaze.

Luku 18:29

Higeno Jisasi'a anage huno zmasami'ne, tamage hu'na neramasamue, magomo'a noma'o nenarono, afu aganano, nererano nefano, mofavre'ama Anumzamofo Kumaku'ma huno atresimo'a,

Luku 23:43

Jisasi'a anage huno ana nera asami'ne, tamage huna negasamue, kagra menina nagrane mona avasesezama'ane kumapina Paradais umanigahane.

Luku 4:24

Tamage hu'na neramasamue. Magore huno kasnampa vahe'mofona kuma'afinti vahe'mo'za ke'a antahi omigahaze.

Joni 1:51

Higeno Agra amanage huno Natanielina asmi'ne, Tamagerafa hu'na Nagra kagrira negasamue, kagra negesankeno mona kafamo'a anagisigeno, Anumzamofo ankero zgamo'a, Vahe'mofo Mofavrere mrerino tamino nehnigenka kegahane.

Joni 10:1

Nagra tamagerafa hu'na neramasmue, iza'o sipisipi keginamofo kafanteti agu'afi uofreno, ruganteti tka'uresimo'a, kumzafa ne'kino, vahe'za avazu hugahie.

Joni 10:7

Ana hzageno Jisasi'a mago'ene zamasmino, Tmagerfa hu'na tmagrikura nehue, Sipisipimokizmi kafana Nagra'ni'a mani'noe.

Joni 12:24

Tamage hu'na neramasmue, witi rgamo'ma mopafi taniramino ofrisigeno'a anante megahie. Hianagi taniramino mopa agu'afi frisigeno'a rama'a rga'a rentegahie.

Joni 13:16

Tamage hu'na Nagra nermasmue, kazokzo eri'za vahe'mo'a kva'amofona agateoregahie. Kema erino vnimo'a, katogema huntegeno vu'nemofona agateore'ne.

Joni 13:38

Jisasi'a kenona'a anage huno asmi'ne, Nagriku hunka frigahano? Tamage hu'na negasmue, Nagrikura onke'noe hunka 3'a zupa vahane hutesankeno, henka kokoregea hugahie.

Joni 14:12

Tamage hu'na Nagra neramasmue, iza'o Nagrite amentinti hanimo'a, Nagrama e'nerua eri'zana anahu kna huno kaguvazama eri forehu eri'za e'nerino, Nagatereno ra eri'za erigahie, na'ankure Nagra Nenfantega vugahue.

Joni 16:20

Tamagerfa hu'na neramasmue. Tamagra tamavunu nehina ranke huta zavira ategahaze, hianagi ama mopafi vahe'mo'za muse hugahaze. Tamagra tamarimpa kna hugahazanagi ete tmarimpa knamo'a eri rukrahe hanigeta, muse hugahaze.

Joni 16:23

Ana knarera Nagrira mago'zankura nantahi onkegahaze. Tamagerafa hu'na tamagrira neramasmue, Nenfama mago zanku'ma Nagri nagifima antahigesageno'a, amne tamigahie.

Joni 21:18

Tmagerfa hu'na negasmue, Kagrama kahefa'ma mani'nantera kenakarera kamu'nofi hunka kvesi'zante kana vano hu'nane, hianagi ranafa resunka, kzana rutaresanke'za rumo'za kagrira kukena hugante'za, ovuku hanantega kavare'za vugahaze.

Joni 3:11

Tmagerfa hu'na negasmue. Kema nehunana, antahita keta hu'nona zanku huama nehunkenka, ana nanekegura kagra antahi noramine.

Joni 3:3

Jisasi kenona'a amanage huno asmi'ne, tamagerafa hu'na ama kea negasmue. Runema ksefa osnimo'a, Anumzamofo kumapina uofregahie,

Joni 3:5

Higeno Jisasi'a ana kemofo nona'a amanage huno asmi'ne, Tamagerafa hu'na kagrira negasmue. Aza'o tinteti'ene Avamuteti'ene ksefa osnimo'a, Anumzamofo kumapina uofregahie,

Joni 5:19

E'inage hzageno Jisasi kenona zmirera amanage huno zamasmi'ne, Nagra tamagerafa hu'na neramasmue, Nemofo'a Agra'a avesitera mago'zana hugaosu'neankino, ke'nesigeno Nefa'ma huveri'nesia zanke, Nemofo'a anazanke hugahie.

Joni 6:26

Jisasi'a kenonazmia anage huno zamasmi'ne, Tamage hu'na Nagra neramasmue, tamagra Nagriku nehakra'zana, kaguvazma hua zantekura nohakraze. Hagi tamagra bretima nazageno tmu'ma hia zanteku nehakraze.

Joni 6:32

Anante Jisasi'a zamagrira zamasmi'ne, Nagra tamage, rfa hu'na neramasmue, Mosese'a monafinti bretia agra ontami'ne, hagi menina tamage bretia Nagri Nenfa monafinti neramie.

Joni 6:47

Tamage hu'na Nagra neramasmue, aza'o amentinti hanimo manivava asimura erigahie.

Joni 6:53

Ananku Jisasi'a anage huno zamasmi'ne, Tamage rfa hu'na neramasmue, Vahe'mofo Mofavre'mofo avufane, korane onesutma tamasimu eritma mani'zana tamagripina omnegahie.

Joni 8:34

Jisasi'a anage huno zamasmi'ne, tamagerafa hu'na tamagrira nermasmue, maka kumi'ma nehza vahe'mo'za kumi'mofo kazokzo vahe mani'naze.

Joni 8:51

Tamagerfa hu'na neramasmue, Keni'a nentahimo'a, agra ofrigahie.

Joni 8:58

Jisasi'a anage huno zamasmi'ne, tamagerafa hu'na neramasmue, korapa Abrahamuna kse onte'nage'na, Nagra mani'noane.

1 Pita 1:25

Hianagi Anumzamofo nanekemo'a mevava hugahiankiza, ama'i ana naneke huama hu'za tamasami'naze. (Ais 40:6-8)

Revalesen-Hufo Hu'ne 20:11

Anantera tusi'a efeke kini tra kogeno, ana tratema Mni'nemofo avu kore huke monane mopanemokea frakeno, mago kumara omnetfa hu'ne.