Matiu 27:32 - Kamano

³² Anama atinerami'zageno mago nera Sairini kazigati Saimoni'e hu'za nehaza ne' eme nege'za, Jisasi rugeka zafa eri kofino vinogu tutu hunte'naze.

Anumzamofo Routage Avantafere

³² Anama atinerami'za mago nera Sairini kazigati Saimoni'e hu'za nehaza ne' eme nege'za, Jisasi rugeka zafa eri kofino vinogu tutu hunte'naze.

Matiu 27:32 ပူးပေါင်းရင်းမြစ်များ

Matiu 16:24

Anante Jisasi'a amage nentaza disaipol naga'agu zmasamino, mago vahemo Nagri namage antenaku hanuno'a, agra'a avesizana, atreteno rugeka zafa'a erino namage eno.

Matiu 5:41

Iza'o kagri'ma tutu huno fenoni'a erinka, mago kilo mita vuo hanigenka, eriagaterenka tare kilo mita vuo.

Maki 15:21

Sairini kumateti ne' Saimoni, (Aleksendane Rufusikizni neznafa) fegu'ati enevige'za, keka zafa'a erio hu'za hunente'za kofintageno eri'ne.

Luku 23:26

Jisasima avare'za nevazageno mago Sailiniti (Afrika) nera agi'a Saimonikino, Jerusale ne-ege'za kantega ome nege'za, Jisasi rugeka zafa erio hu'za eri kofintageno erino Jisasina avaririno vu'ne.

Joni 19:17

Anante Jisasi'a keka zafa'a erino, vahe anu zaferine nehaza mopare, Hibru kefina Golgote nehazare erino vu'ne.

Aposol 11:20

Hu'neanagi Saipras vahe'ene Sairini vahe'mo'za zamagripinti mago'a Antioku e'za, agafa hu'za Ramofo Jisasi knare musenkea huama hu'za Griki vahe zamasmi'naze.

Aposol 13:1

Antiokua mono nontema menima mani'naza kasnampa vahe'ene, rempi huzmi vahera ama'a mani'naze, Banabasiki, Simioni (aganumpa nere hu'za nehaze ne'ki), Lusiusi'a Sairini ne'ki, kumate ugagota kva (Gavana) ne' Heroti knampa, magoka ositeti rasena'a ne' Maeniaki, Soliki hu'za mani'naze.

Aposol 2:10

Frigia mopareti'ene, Pamfilia mopareti'ene, Isipi mopareti'ene, Livia kazigati'ene, Sairini mopareti ene, Romuti nantu vahe'ene, Hibru vahe'ene, megi'a vahe'mo'za zamagu'a rukrahe hu'naza vahe'enene.

Aposol 6:9

Hianagi mago'a vene'nezga, Hibru osi mono nona (Sinagog) vahe zamazeri atre monore nehazafinti Sairini kumate'ene Aleksandria kumate'ene, mago'a Silisiane, Esia rankuma'mo kegva hu'nefinti (provins) vahe'mo'za oti'za Stiveni keha rente'naze.

Aposol 7:58

Rankumapinti retufe'za megiama ete'za, agafa hu'za have knonu ahe'naze. Ana nehazage'za, havige hunteza huama hanigeta antahi sune hu'naza vahe'mo'za amega nakreku'zamia hate'za mago nehazavea, Soli'e nehaza ne'mofo agafi eme ante'naze, (Apo 6:13)