Matiu 13:19 - Kamano

¹⁹ Mago'a vahe'mo'za Anumzamofo kumamofo knare naneke nentahi'za, antahi ama osaza nagamofona, Sata eno rimpafi me'nea ke emeri atre'ne. Amana hu'ne, kamofo ankinafi avimza kri'nea kna hu'ne.

Anumzamofo Routage Avantafere

¹⁹ Mago'a vahe'mo'za Anumzamofo kumamofo knare naneke nentahi'za, antahi ama osaza nagamofona, Sata'a eno zamarimpafi me'nea kea emeri atre'ne. Amana hu'ne, kamofo ankinafi avimza kri'nea kna hu'ne.

Matiu 13:19 ပူးပေါင်းရင်းမြစ်များ

Proveps-Knare Nomaniza 1:7

Anumzamofonku kore hunteno agorga'a manizana, antahizama erizamofo agafa'a me'ne. Hu'neanagi neginagi vahe'mo'za knare antahi'zane avumro kegura amagena humigahie.

Proveps-Knare Nomaniza 17:16

Neginagi vahe'mo'za knare antahi'zama rempima hu'za eri zmave'sizama omane'nege'za, na'a higeza avono hu zgoa zamazampina eri'naze?

Matiu 12:26

Ana hu'neanagi Satama, Satanima humegi atesiana, agra'a ha' arentegahie. Inankna huno agri rankumamo'a megahie.

Matiu 13:20

Mago avimazamo have mopafi evurami'neana, amanahu kna vaheku hu'noe. Anumzamofo naneke nentahino, ame'ama huno muse hu'ne.

Matiu 13:38

Hagi hoza, ama mope, knare avimzana, Anumzamofo mofavrermine, havi trazana, Sata mofavreramine.

Matiu 4:23

Jisasi'a, maka Galili kaziga vono nehuno, osi mono nozmifi (sinagog) mrerino knare musenke (gospol) mona kuma'mofo naneke rempi hunezmino, maka zamufa haviza hu'nea kri vahe ene krimo amu'nozmifi me'nea vahera zamazeri so'e huzmante'ne.

Matiu 5:37

Hianagi kema hananana, izo hanunka, izo huo, i'oma hnunka i'o huo, mago'a amana kema agtereno hanuno'a, hankro'mofontegati eanke hugahie.

Maki 4:15

Mago'a avimaza kamofo ankinarega evurami'neana, mago'a vahe'mo'za Anumzamofo kea nentahizageno, Sata'a ame huno zamagu'afima krinea kea eritrene.

Luku 10:9

Ana kumate kri erinesaza vahera krizmia zmazeri so'e nehutma, anage hutma zmasamiho. Anumzamofo kumamo'a tmagrite erava'o nehie hiho!

Luku 9:2

Hanki Anumzamofo Kumamofo huama nehu'za, kri vahe zmazeri knamarehogu huzmante'ne.

Joni 18:38

Paeroti'a antahige'ne, tamage nanekea inanknahu ke me'ne? Anagema huteno'a, megi'a atiramino Jiu kva vahete vuno anage hu'ne, Mago havizana nagra, Agripina ke'na erifore osue.

Joni 8:43

Nahigeta kema hua nanekea antahi amara nosaze? Na'ankure Nagrama hua nanekea antahi ama nosazagu, ana nehaze.

Aposol 17:32

Fri'nefinti azeri oti'nea naneke nehige'za nentahiza, mago'amo'za agiza re'naze. Hianagi mago'amo'za anage hu'naze, mago'ane ama nanekea hananketa antahigahune hu'naze.

Aposol 18:15

Hianagi amama hunentaza kemo'a tamagra kegu'ene tamagigu'ene, tamagratmi kasege eri hankave netizanki tamagratmi erifatgo hiho. Nagrira nave'osigu ama'na naneke'a erifatgo osugahue.

Aposol 20:25

Hagi menina nagra antahi'noankitma, azago menima Anumzamofo kumakuma neramasmumota, mago'enena nagri navugosafina onke'tfa hugahaze.

Aposol 28:23

Agranema atru hu'za keaga husnaza knama erinte fatgoma hutage'za, rama'a vahe'mo'za nemasefinka e'za eme negageno, ana zupa Mosese kasegefinti ene kasnampa vahe'mo'zama krente'naza kefinti erino Anumzamofo mona kuma avu'avazana hu'ama huno nezmasmino, ama ana Jisasi avu'ava zante'ma zamentinti hanagu nanterana agafa huno nezmasmigeno kinaga ome ase'ne.

Romu 1:28

Zamagrama Anumzamofo zmefi hunte'za agorga'ama omninazana neginagi zane hu'za nehaza zanku, Anumzamo'a atregeno havi antahintahizazmimo rentrako hige'za, osuga avu'avazana nehaze.

Romu 14:17

Na'ankure Anumzamofo Kumara, neza ne'zane, ti nezana omanene. Hianagi Ruotge Avamupi fatgo avu'avazane, arimpa fru'zane, musenkase hu'za me'ne.

Romu 2:8

Hu'neanagi Agra rimpa he'zana rukaha hutresigeno, iza'zoma zamagraguke nentahiza, tamage ke'mofo amage'ante zanku zamagena hunemiza, kefo avu'ava nehanaza vahete egahie.

Efesasi 3:8

Nagra mago'a mono eri'za (saints) vahepina, osi'tfa hu'nogeno asunku hunanteno, urefa erefa'a omne naneke megi'a vahepi huama huo huno namige'na, Kraisimpi knare'za me'neaza eriama hu'na neramasmue.

2 Tesalonaika 2:12

tamage kerera zamentinti nosu'za, havi avu'avazama hu'zanku muse nehazankino, ana miko'mokizimia refko huzamanteno knazana zamigahie.

Hibru 2:1

Na'ankure e'ina agafare ko'ma antahi'nona kemofona antahini' nehuta atreta akoheta ogamu'a ovanune.

1 Joni 3:12

Kenima hu'neankna osuta, havi ne'mofo avu'ava erino Ebolina avareno ome ahe fri'nea knara osanune. Na'a higeno ahe fri'ne? Na'ankure avu'ava'mo'a haviza hu'negure. Hianagi negna'a fatgo avu'ava hu'neazanteku huno ahe'ne.

1 Joni 5:18

Tagra antahi'none, Anumzamofo mofavre mani'naza naga'mo'za kumira nosaze, hianagi Anumzamo'a mofavre'a nagara kva kri nezmanteankino, Sata'a eme zamavakora osugahie.

1 Joni 5:20

Tagra antahita keta nehune, Jisas Kraisi, Anumzamofo Nemofo eno tamage Anumzana taveri hu'ne. Na'ankure antahi'none, Jisasi'ma e'neazamo tamage Anumzanehu antahintahia tamigeta, tamage Anumzane nehuta, tagra Agripina nemanita, Nemofo Jisas Kraisimpina nemanune. Tamage Anumzane nehuta manivava asimure huta nehune.