Matiu 10:17 - Kamano

¹⁷ Hu'neanagi vahekura kvahiho, na'ankure kanisol vahete zamagra tamavre'za vuza keaga hunermante'za, osi mono nompi omermante'za sefukno tamigahaze.

Anumzamofo Routage Avantafere

¹⁷ Hu'neanagi vahekura kvahiho, na'ankure kanisolo vahete zamagra tamavre'za vu'za keaga huneramante'za, osi mono nompi omeramante'za sefukno tamigahaze.

Matiu 10:17 ပူးပေါင်းရင်းမြစ်များ

Matiu 10:18

Ana nehu'za mago'ene tamavre'za Gavanane, kini vahetaminte vugahaze. Na'ankure tamagra Nagri namage'nentaza nagare. Hagi Nagri nanekea Jiu vahera nezmasamita, megi'a vahera anahu hutma zamasmiho.

Matiu 20:19

Ana nehu'za avare'za mono ontahi megi'a vahete vnage'za, kiza zokago ke hunente'za sefu knonteti knonkeve nemiza ahe'za hantigahaze. Hanageno tagufa knarera agra otigahie.

Matiu 23:34

E'ina hu'negu keho, Nagra kasnampa vahe'ene, antahi'zane vahe'ma, kasegere ugagota hu'naza vahezga, huzmantoge'za neaze, mago'amokizimia, zmahetma hantigahaze, mago'amokizmia osi mono'nontamifi zmazeritma nofi knonu sefu nezamitma, ra kumate kumate zmazeri haviza hutma vano hugahaze.

Matiu 26:59

Ugagota prisi vahe' mo'zane ana miko kanisol (Senhitren) vahe'mo'za, Jisasi havige huntesage'za ahefrisaza vaheku hakare'naze.

Matiu 5:22

Hianagi Nagra anage nehue, iza'o nefuma rimpa kna huntesimo'a, agra keagare otigahie. Aza'o mago nefuma huhaviza hunte'simofona, avare'za kansol kva vahete (Sanhedrin) vugahaze. Hagi iza'o neginagi ke nehie huno hanimofona, tusi'a tevefi avare tregahaze.

Maki 13:12

Ana knafi nefuna ahe frinogu avare nezaminkeno, nefa'a nemofona avreno ahe frinogu anazanke nehinkeno, mofavremo'za anazanke huza nerera nefana zmahe frinogu avare zamigahaze.

Maki 13:9

Hanki tamagra tamia kva hutma maniho. Kanisol vahete tmavare'za nevu'za, osi mono nompi tamavre'za knonkeve ome nerami'za, rankuma kva vahete'ene kini vahe zamavure tmavrentesageta otigahaze. Na'ankure nagriteku ana hanageno, e'i anazama fore'ma haniana nagri nagenkema eri'ama hutma nezmasami'za zanteku fore hugahie.

Luku 12:11

Hu'neanagi, osi mono nonte kva vahete'ene, ruga'a kva vahetema tamavre'za vnageta, nanege hugahune hutma tamagesa ontahiho.

Joni 11:47

E'ina higeno, vugota mono vahe'ene (Sanhedrin), Farisi vahe'mo'za magopi eme atru hu'za anage hu'naze, Na'a menina hugahune? Ama ne'mo'a rama'a kaguvaza nehie.

Joni 16:2

Jiu vahe mono nompinti (sinagog) tmahe anati atregahaze, mago kna ne-eankino, tmahefrisu'za zamagesa antahisazana Anumzamofo eri'za e'nerune hu'za antahigahaze.

Aposol 17:14

Anante Anumzante mani'naza naga'mo'za, Polina huntageno ame huno hagerinkena vu'ne, hianagi Sailasi'ene Timotikea anante Beria kumate mani'na'e.

Aposol 22:19

Nagra kenona'a anage hu'noe, Ramoka Kagrite'ma osi mono nompi mono nehu'za, zamentintima nehaza vahe'ma kina nompi zamare nente'na, zamazeri havizama nehu'na zamahe'noazana ko antahi'naze.

Aposol 26:11

Hanki hakare zupa maka osi mono nompi mareri'na Anumzama huhaviza hunteho hu'na zamahe'noe. Na'ankure nagra tusi'za hu'na narimpa hezmante'noe. Ru moparegane me'nea ra kumapina ufre'na zamahe'noe.

Aposol 9:2

ome antahigegeno mago'a avona kremigeno erino Damaskasi vuno atruma nehu'za mono nehaza nontamimpi (sinagogs) marerino huama huno, agrama veo, aro Kraisti amage' nentaza vahe'ma zamagesuno'a, kina rezmanteno eteno zamareno Jerusale vugahie huno kre'ne.

Filipai 3:2

Kragna vahekura kva hiho, havi mono eri'za vahekura kva hiho, havige hu'za zamufa tga nehaza vahe'kura kva hiho,

2 Timoti 4:15

Kagra ana ne'kura kvagrio, na'ankure agra hanavetino huama nehuna kerera hara renerante.

Hibru 11:36

Mago'amokizmia kiza zokago ke hu'nezamante'za sefu kanonkeve zamiza zmavufga zmahe tragatrogo nehu'za, mago'amokizmi'a kina rezmante'za zamavre'za kina hu'nezmantaze.