Maki 8:35 - Kamano

³⁵ Na'ankure iza'o, agra'a manizama'a eri so'e huku hanimo'a, asimu'a atregahie. Iza'o nagriteku'ene knare musenkere'ma asimu'a atresimo'a, manizama'a erigahie.

Anumzamofo Routage Avantafere

³⁵ Na'ankure iza'o, agra'a agu'vazino eri so'e huku hanimo'a, asimu'a atregahie. Iza'o nagriteku'ene Knare Musenkerema asimu'a atresimo'a agu'vazigahie.

Maki 8:35 ပူးပေါင်းရင်းမြစ်များ

Matiu 10:22

Hakare vahe'moza Nagri nagima hesaza'zanku ha'reramantegahaze. Hianagi aza'o oti hanavetino refare'ma vanimofona agu'vazigahie.

Matiu 10:39

Iza'o agra'a nomanizama'are asimu'a atresimo'a, asimura e'origahie. Hagi iza'o Nagriku huno nomanizama'a atresimo'a henka'a asimura erigahie.

Matiu 16:25

Na'ankure asimu'a eriso'e hunakure hanimo'a, asimu'a atregahie. Hianagi iza'o Nagriku huno asimu'a atresimo'a asimu'a erigahie.

Matiu 19:29

Hagi azago, nonka'o, kafuhe'mofono, ksarahehe mofono, negafano, negrerano, mofavre'kao, hoza'ka'ama Nagri'kuma hunka atresamoka, 100ti'a rugaterenka ama knafina enerinka, henka esia knafina manivava kasimu erigahane.

Maki 8:36

Mago vahe'mo'ma ama mopafi fenoza eri atruma nehanigeno, agu amema'a fnanema haniana, nankna aza hu'za erigahie?

Luku 17:33

Iza'o asimu'a azeri kona hunaku hanimo'a, asimu'a atregahianki, iza'o asimu'a atresimo'a, asimu'a erigahie.

Luku 9:24

Na'ankure iza'o asimu'a eriso'e hu'naku hanimo'a, asimu'a atregahie. Hagi iza'o Nagriku huno asimu'a atresimo'a, asimu'a erigahie.

Aposol 20:24

Hu'neanagi navufagura nagesa nontahue, tusi'a zana eri'zani'a erivaga nere'na, Ra Jisasi'ma eri'zama namino vahe'ma zamasmio hu'nea eri'za eri'na Anumzamofo asunku zankura knare nanekea vahera zamasmigahue.

Aposol 21:13

Anante Poli'a kenona zamirera anage hu'ne, Tamagra nahigetma zavira netetma, narimpamofona nazeri kna nehaze? Na'ankure nofinukera nazeri'za anaki nantehogukera trora osuanki, Ramofo Jisasi agire Jerusale fri'naku retro nehue.

Aposol 9:16

Na'ankure nama'a kna'zama Nagri nagire'ma eri'sia zana, Nagra averi hugahue.

1 Korinti 9:23

Ama ana miko'zama nehuana, knare musenkegu hu'na nehue. E'ina hanige'na anampintira nagra'a asomura erigahue.

2 Korinti 12:10

E'ina hu'negu, kema nasazano, nazeri haviza hanazo, knaza fore hanio, amuho erisua knafina rama'a muse nehuna, narimpa fru hu'na hanavenia omnea knafina nemanue. Na'ankure Kraisinku hu'na hanaveni'a omanea knafina, hanavenia e'nerue.

2 Timoti 1:8

Hu'negu Rantimofo naneke huama hu'zantera kagzegura osuo, nagrama Agri kinama hu'nogura kagazea osuo. Hagi nagrane tragotenka knazana knare musenkerera (gospol) Anumzamofo hanavefi erio.

Hibru 11:35

A'nemo'za zamavesi nentaza vahe'ma fri'nea vahera azeri otige'za nezmavrazageno, mago'amokizmia kanona zamizanagi, Anumzamofona otre kazigazi hu'za amage'anteza nevu'za, zamagra fripinti oti'za knare zmasimuma erisaza zanku antahintahi hu'naze.

Revalesen-Hufo Hu'ne 12:11

Zamagra ana ne'mo'ma ha'ma huzmantea hara, Sipisipi anentamofo koranteti'ene agenke'ama huama hazareti agatenere'za, zamagra zmavufagura nontahi'za, zamagri'ma zmahe frizanku enena korera osu'naze.

Revalesen-Hufo Hu'ne 2:10

Hanki ko, kagrama knazampi ufresnana knamo'a kofta nehianki korera osuo. Sata'a hanige'za mago'a nagatamia avare'za kina hunente'za, reramahe'za kesageta 10ni'a gnamofo agu'afi knazana erigahazanki, kazigazi huta nevuta ome frisagena, Nagra asimu erino mni fetori tamamigahue.

Revalesen-Hufo Hu'ne 7:14

nagra anage hu'na asami'noe, Ranimoka kagra antahinane hu'na hugeno, Agra anage huno nasami'ne, ama'i zmagra tusi'a hazenkezampi ufretageno ha' vahe'mo'za nezamahazageno, zaza kukenazamia Sipisipi Anentamofo koranteti sese hugaru huzmantageza efeke hu'namoze.