Maki 13:27 - Kamano

²⁷ Anante ankero vahe'a huzmantena, Anumzamo huhampri zamante'nea vahera mona mopa ome tre emetre kazigatira ome zmavare eme zmavare hu'za zmazeri atru hugahaze.

Anumzamofo Routage Avantafere

²⁷ Anante ankero vahe'a huzmantena, Anumzamo huhampri zamante'nea vahera mona mopa ome tre emetre kazigatira ome zmavare eme zmavare hu'za zamazeri atru hugahaze.

Maki 13:27 ပူးပေါင်းရင်းမြစ်များ

Jenesis 49:10

Judaga kva vahe'mokizmi azompa kagripi mevava hugahie. Kva vahe azompamo agiarere amunompi me'nesigeno, Nafa'amo henka Sailo ehnatigahie, Hanige'za hakare ranra kumate veamo'za agri ke erizafa hugahaze.

Matiu 12:42

Hanki Seva'a sauti kazigati kuini a'mo Anumzamo'ma refakoma hania knarera otino, ama knafi vahe'motma keaga hurmantegahie. Na'ankure afete moparegati eno Solomoni knare antahintahi antahinaku e'ne. Sagi ko, Solomonima agtere'neazana ama me'ne.

Matiu 13:41

Ana knarera Vahe'mofo mofavremo'a ankero vahe'a huzmantesigeno, kumi'ma nehu'za vahe'mokizmia zmazeri kumipima nentaza vahera, Agra'a kumapintira zmazeri megi atregahie.

Matiu 13:49

Anahu kna huno mona mopa vgare knarera ankeromo'za e'za fatgo vahe amu'nompinti ke ontahi vahera eme zmavare'za,

Matiu 24:22

Hanki ana knamo atupama osanigeno'a, magomo'e huno omanigahie. Hu'neanagi huhampri zmante'nea vaheku huno knamofona eritupa hugahie.

Matiu 24:24

Na'ankure havige kraisi'a ene, havige kasnampa vahemo'za efore hu'za, tusi'a avame'zane kaguva'za hu'za zmazeri savari nehu'za, hampo'nama atisu'za, Anumzamo'ma huhampri'zmante namokizmia zmazeri savari hugahie.

Matiu 24:31

Hagi ankero vahe'zga'a huntesige'za ufena nere'za, mopa omete emete huneregati'ma Agrama huhampri'ma zmante'nemokizmi, monamofo mago agentega vuno mago agentegatira zmavare atru hugahaze.

Maki 13:20

Ramo'a ana knama eri atupa osanigeno'a, mago'a vahera omanigahie. Hianagi Nagri vahere hunefinti huhampri'nea vahekuma agesama antahiteno, ana kna eri atupa hugahie.

Maki 13:22

Na'ankure ana knafina mago'a havige kraisi'e huza efore nehu'za, kasnampa vahe efore hu'za, haviza hu'za kagu'vazane avame'za hugahaze. Anama hanazana Anumzamo'ma huhampri zmante'nea vahe'mokizmi, rezmataga hu'naku hugahaze. Hianagi zmagra Anumzamo'ma huhampri zmantenea vahe zmazeri savari hu'naku anara hugahaze.

Maki 13:28

Ama fronka kema fiki zafare'ma hanua fronka kereti antahizana eriho. Azanku'namo asinareno amosrema nehegetma, hago zgegna tava'o nehie hutma nentahize.

Luku 16:22

Anante amunte omane nera frige'za, ankero vahe'mo'za eri'za Abrahamu nemnia kumate vu'naze. Vutageno afufeno nera anante frige'za eri'za ome asentageno,

Luku 18:7

Hanki Anumzamo'ma huhampri zmantenea vahe'mo'za, hanine zgene antahigevava nehnageno'a, zmasuragizmanteno zavikezmia ontahigahio?

Joni 10:16

Ruga'a sipisipini'a ama kegina agu'afina omni'naze, Nagra anahu kna hu'na zamaresuge'za, nagerura nentahi'za, zamagra magoke afu kevu hu'za mani'nageno, magoke afu kva vahe manigahie.

Joni 11:52

Nehuno Jiu kuma vaheke Agra zamaza osugahie, e'inama hanuno'a hazagre'za vu'za e'za hu'naza vahera zamazeri mago hanige'za Anumzamofo mofavre manigahaze.

Romu 8:33

Anumzamo'ma huhampri zmantenea vahera iza keaga huzmantegahie? Agra e'i Anumzamo fatgo vahere huno hurantene.

Kolosi 3:12

E'ina hu'negu Anumzamo'ma huhampri ramantegeta ruotge hazageno'a, Agra tusiza huno avesiramantenegu, tamagra rumokizmia tamasunku huzmanteta zmazeri so'e nehutma, vahe'mofo knare tamavu'tamava hunezmanteta, anteramita nemanita, agazone tamavutamava nehuta, akoheno avega anteno mani tamavutmavara kukena hiaza hiho.

2 Tesalonaika 2:1

Nerefugata Ranti Jisasi Kraisi'ma esigeta, Agranema tagrama ome atru hanuna zamofonkura, menina anage huta tagra tamantahinegone.

2 Timoti 2:10

Na'ankure ana agafare maka vahe'mo'za knare hanazegu kna zampina mase'na oti'na nehue. Ana hanuge'za hamprima zamante'nea nagamo'za Krais Jisasi'a zamaresige'za manivava konariri msa'a (glori) erigahaze.

1 Pita 1:2

Anumzana Nafatimo'a, ko antahino keno hu'nea kante, Ruotge Avamumo tamazeri agru hu'nea nagamota, Jisas Kraisi amage'ma antageno, korama'a tagitreno sese huramante'nea nagamotma, asunku'zane rimpa fruzamo'a tamagrane aviteno mesie.