Maki 10:21 - Kamano

²¹ Jisasi'a ana nera negeno avesinteno anage hu'ne, mago'zanku upa hu'nane, vunka inanknazama ante'nesnana zana, maka zagore ome atrenka eritenka, ana zago erinka zamunte omane vahe nezamigeno, monafi fenonka'a meno. Ana nehunka kagra, Nagri eme namage'anto.

Anumzamofo Routage Avantafere

²¹ Jisasi'a ana nera negeno avesinteno anage hu'ne, Mago'zanku atupa hu'nane, vunka inanknazama ante'nesnana zana, maka zagore ome atrenka eritenka, ana zago erinka zamunte omane vahe nezamigeno, monafinka fenonka'a meno. Ana nehunka kagra, Nagri eme namage'anto.

Maki 10:21 ပူးပေါင်းရင်းမြစ်များ

Jenesis 34:19

Ana nehaza ne' Sekemu'a anagema hza nentahino, hantka huno ana kemofo amage' ante'ne, na'ankure Jekopu mofate agu'a me'negeno'e. Sekemuna nefa nagamo'za antahi nemiza nere.

Proveps-Knare Nomaniza 23:23

Tamage ke'ma mizase'nenunka zgorera otro, ama' antahizanki, huoguma rempima hugamisiazanki, antahi'ama huno refkoma hu'zana erio.

Matiu 16:24

Anante Jisasi'a amage nentaza disaipol naga'agu zmasamino, mago vahemo Nagri namage antenaku hanuno'a, agra'a avesizana, atreteno rugeka zafa'a erino namage eno.

Matiu 19:21

Jisasi agriku anage hu'ne, Kagrama fatgo hugahuema hanunka, vunka zgore afufenonka'a ome atrenka, ana zgoa erinka zmunte omne vahe ome nezminka, hagi kagra monafinka feno eri santi haregahane. Hutenka Nagrira eme namage anto.

Maki 10:22

Ana naneke nentahigeno, avugosamo ruzahe higeno, rama'a afufeno ante'negu rimpagna nehuno atreno oti'no vu'ne.

Maki 8:34

Anante Jisasi'a maka veamokizmi ke hige'za, amage'ma nentaza disaipol naga ene emetru hazageno, anage huno zmasami'ne, mago vahe'mo nagri namage'ma antenaku'ma hanuno'a, agra'a avesi'zana netreno, keka zafa'a erigofino namage egahie.

Luku 10:42

Hianagi magoke'zantfa razana me'ne, e'i anazana Meri'a hentofaza huhampriankino, anazana agripintira eri otregahaze.

Luku 12:33

Afufeno tamia zgore atretma, zgo erita amunte omne vahe nezminkeno monafi fenozantamimo'a meno, anazamo'a monafina havizana osuno, kumzafa noseno, havi kfamo'za eri haviza osu kumapi antegahaze.

Luku 16:9

Amanage hu'na nagra neramasmue, fenoma erinka ama mopafi fatgo osu'zantema netrana zana, netrenka vahera zamazeri knampa huzmante'negeno, ana fenoma vagama resige'za, muse hu'za kavare'za mani vava nozamirega vugahaze.

Luku 18:22

Jisasi' ana ke antahiteno amanage huno ana ne'mofona asmi'ne, mago zantfa atupara hu'nane, maka zanka'a zgore atrenka zgo erinka, zamunte omne vahe nezamigeno, monafi fenonka'a mesigenka enka eme namage anto.

Luku 19:41

Jisasima Jerusale kuma tvaonte vugofa huno, ana ran kuma'ma negeno zavi neteno,

Luku 9:23

Anante Jisasi'a ana maka'mokizmigu anage huno zmasami'ne, iza'o namage'ma antenaku'ma hanimo'a, agra'agura age'neknino maka knafina keka zafa'a erino navaririgahie.

Joni 12:26

Iza'o, Nagri eri'za erinaku hanimo'a, namage eno, Nagrama umnisure, eri'za vahe nimo'enena anante umanigahie, iza'o, Nagri eri'za erisimofona, Nenfa'a ra agi amigahie.

Joni 16:33

Ama'ina naneke Nagra neramasmuana, Nagripinti tamarimpa fru erigahaze. Ama mopafina hazenke zane, kasuzamo egahianagi, oti hanavetiho, na'ankure Nagra ama mopa hago agtere'noe.

Aposol 2:45

mago'a zazamine, mopa zaminena agafa hu'za zagore atrage'za, miza'sage'za zago eri'za upama hu'naza vahe refako hu'za zami'naze.

2 Korinti 12:15

Tamagri manizanku hu'na nagra navufgane, maka'zaniane neramue. Hagi rama'azampima navesineramantesugeta, tamagra osi'a tamavesinantegahazo?

2 Timoti 3:12

Tamage, aza'o Krais Jisasimpi hagerfino Anumzamofo avu'avate mani'naku hanimofona, vahe'mo'za knara zamante'za zamazeri haviza hugahaze.

Hibru 10:34

Kagra kina nompima zamavrentaza vahe enena magoka zamagranena kata enerinka, miko zanka'ama erizagenka muse nehunka, zmatranke'za e'nerize. Na'ankure mevava knare fenozanka'a monafi me'negenka kagra antahinane.

Jemisi 2:10

Na'ankure, aza'o ana mika kasege amage'nenteno, anampinti Anumzamofoma magoke kasege'a ruhantagisiana, ana mika kasege ruhantagigahie.

Revalesen-Hufo Hu'ne 2:14

Hianagi Nagra osiazanku kea kagrikura huza hue, na'ankure mago'amo'za Baramu'ma rempima Barakima humino, Israeli vahema kumi hihogu zmazeri trakama hukema huno, havi anumzante kre sramna vuntenaza ne'za nene'za, monko avu'avazama hihoguma hu'neazana kagra antahinane.

Revalesen-Hufo Hu'ne 2:20

Hianagi Nagra anage hu'na hanaveti'na keaga hugantegahue. Jesebelina kasnampa a' mni'noe nehia ara atrankeno, kagrane mani'neno, kazokazo eriza vaheni'a rempi hunezamino, zmavreno havi kante nevige'za, monko avu'avazana nehu'za, havi anumzante kresramna vunte'nea ne'zana ne'naze.

Revalesen-Hufo Hu'ne 2:4

Hianagi kagrira anage hu'na hugantegahue! Kagrama koma navesi nanteneankna hunka menina, navesi nonantane.