Maki 10:17 - Kamano

¹⁷ Jisasi'a otino kantega nevigeno mago ne'mo negeno, agareno agafi rena omenereno anage huno hu'ne, knare rempi hurami ne'moka, nankna hanuna manivava asimura erigahue?

Anumzamofo Routage Avantafere

¹⁷ Hagi Jisasi'a otino kantega nevigeno mago ne'mo negeno, agareno agafi rena omenereno anage huno hu'ne, knare rempi hurami ne'moka, nankna hanuna manivava asimura erigahue?

Maki 10:17 ပူးပေါင်းရင်းမြစ်များ

Matiu 17:14

Hakare vea kevufi enehnatigeno, mago ne'mo eno, Jisasi agafi rena reno,

Matiu 25:34

Anante kinimo'a azantmaga kazigama mani'namokizimigura amanage huno hugahie. Nafa'nimo'a asomu huramante'neanki, etma mona mopa tro osu'nenoma retro huramante'nea kuma emeriho hugahie.

Matiu 28:8

Higeke ana keria atreke kore nehune tusi musezampi zanagareke amage nentaza nagatega ananke zamasminaku vu'na'e.

Maki 1:40

Hagi mago fugo namurenea ne'mo Jisasinte eno kepri huno agiafi traka humaseno, muse hugantoanki Kagrama nazeri knamrenaku hanunka, amne nazeri agru huo, huno antahigene.

Maki 10:18

Higeno Jisasi'a anage huno ana nera asami'ne, na'a higenka kagra knare hu'nane hunka nehane? Mago vahe'mo'e huno knare osu'neanki, Anumzamo Agrake knarera hu'ne.

Maki 12:14

Zamagrama Jisasinte'ma ne-eza anage hu'naze, Hurami ne'moka, tagra antahi'none, kagra tamagege nehunka, mago vahekura koro nosunka, havi vahe'ene fatgo vahe'ene mago'zanke hunka Anumzamofo fatgo kankura rempi huneraminketa nentahune. Hagi knare Sisana takesia amigahumpi omigahune?

Maki 9:25

Jisasima keama rama'a vahe'mo'za ame hu'za eritru nehazageno, havi avamura hanavetino hunteno, kagra vahe'mokizmi zmazeri negi nenenka zamagi zamazeri antrako nehana havi avamumoka, hugantoanki agu'afintira atiraminka nevunka, mago'anena eofro.

Luku 10:25

Hagi mago ne'ra kasegere ugota hu'nea ne'mo otino, Jisasi reheno kenaku anage hu'ne. Rempi hurami nemoka, nankna hutena manivava asimura erigahue?

Joni 3:2

E'i ana ne'mo'a kenage hanimpi Jisasinte eno amanage huno antahige'ne. Hurami ne'moka antahi'none, Kagra hurami ne' Anumzamofontegati e'nane. Mago'mo'a Kagra hanaza huno amanahu avame zana osugahie, Anumzamo agrane mani'nesimo hugahie.

Joni 5:39

Tamagra Anumzamofo avontafepi nehakraze, na'ankure tamagra mani'vava mani'zana hago eri'none hutma nentahize. Hianagi e'i ana avontafemo'a Nagriku huama nehie.

Joni 6:40

Na'ankure Nenfa avesi'zana amanahu hu'ne, maka'mo'za Nemofo nege'za Agrite zamentinti huntesamo'za manivava zamasimu erisage'na, vgamaresia knarera Nagrani'a azeri otigahue.

Aposol 16:30

Anante otino zanavreno atiramino fegi nevuno, amanage huno zanantahige'ne, Ina kna hanugeno kefo zaniafinti nahoke ahegahie?

Aposol 2:37

Ana kema zamagrama nentahizageno, kemo'a zamarimpafi agonaza zamareaza hige'za, Pitanku ene ruga'a aposol nagaku anage hu'naze, tafuhete tagra na'a hugahune?

Aposol 20:32

Hagi menina nagra Anumzante'ene, Agri asunku'zamofo kere maniho hu'na huneramantoe. Ama kemo'a tamazeri hanave netina, ruotage'ma hu'za mani'naza nagapi tamagra erisanti haregahaze.

Aposol 9:6

Hu'neanagi otinka ana kumapi ufrenka vuge'za, kagrama nankna'zama hanana zamofo kea kasmigahaze.

Romu 2:7

Iza'zo knare zamuzma huvava hu'za nevu'za, ra zmagima erisagu nehake'za, himamu hankave erisigu nehake'za, haviza osniazanku nehakesamokizmia, Anumzamo manivava zmasimura zamigahie.

Romu 6:23

Na'ankure kumimofo mizana fri'zane. Hu'neanagi Anumzamofo muse'zana, Kraisi Jisasi Rantimofompi mago'za hunterompge, amne manivava asimura tamine.

Efesasi 1:18

Nagra nunamu nehuankino antahintahitamofona msa tamina, tamagu'amofo avurgamo hari nehanigetma, Agrama kezatino fore hugahie huno tamagima nehiazana, tamagra kegahaze. Mizama'a mreri'nea zantmi, hihamu'ane msazama'afi Anumzamo'a tamina, Agrite mni ruotge nehaza vahe'mo'zane, tamagra erigahaze.

Taitus 3:7

Hu'neankita tahokeheno asunku zama'areti, kumipinti tazeri fatgo hu'negu huhamprima tantegeta avegama ante'nona mani'vava mani'zana erigahune.

Hibru 1:14

Hagi ankero vahera eri'za vahere, zamagra avamutaminkino Anumzamo'a zamahokeno zmavaresia vahete kegva huzamante'nigu huzmantege'za e'naze.

1 Pita 1:4

Ana kasefa tasimu erisanti harenunana, vga oreno, havizana osuno, fnanene osaniaza monafinka Anumzamo'a anteramante'ne.

1 Joni 2:25

Agra'ama huvempa kema hurante'neana, mani'vava asimu erigahaze huno hurante'ne.