Luku 6:30 - Kamano

³⁰ Mago'a zanku kantahi'gesagenka zami'nenana vahe'mokizmia, ete ome hanavege huzmantenka e'orio.

Anumzamofo Routage Avantafere

³⁰ Mago'a zanku kantahi'gesagenka zami'nenana vahe'mokizmia, ete ome hanavege huzmantenka e'orio.

Luku 6:30 ပူးပေါင်းရင်းမြစ်များ

Proveps-Knare Nomaniza 19:17

Iza'o amunte omane vahe'ma knare avu'avama hunentemo'a, Ra Anumzamofo anara hunente. Hagi agrama hania avu'avamofo avamente, mizana amigahie.

Proveps-Knare Nomaniza 21:26

Feru ne'mo'a mika'zama eri'zankura antahi'vava nehie. Hianagi fatgo ne'mo'a agra'agura ontahino, mika feno'zana vahera nezamie.

Proveps-Knare Nomaniza 22:9

Iza'o zamunte'ma omane nagama muse zampintima ne'zama amisia vahera, Ra Anumzamo'a asomu huzamantegahie.

Matiu 18:35

Ana hu'negu, mago mago'mokama negfuma kagu'areti kumi'ama apase ontesanana, monare Nenfa'a tmagrira anazanke hurmantegahie.

Matiu 5:39

Hianagi mago'ene anage hu'na neramasmue, haviza huramante simofona, azeri arava hiho, hianagi iza'o tmaga kaziga kameragente'ma kahena, rukrehe hugeno, mago kaziga kameragente kaheno.

Matiu 6:12

Kumitia atre'rantegeta, anahu kna huta kumi hurante'namokizmi'a atre'zmanta maneno.

Luku 11:41

Tamagrama erinenaza zama, muse nehutma tamaguareti zmamunte omne vahema zmamisazana, tamagrira maka zantamimo'a agru hugahie.

Luku 12:33

Afufeno tamia zgore atretma, zgo erita amunte omne vahe nezminkeno monafi fenozantamimo'a meno, anazamo'a monafina havizana osuno, kumzafa noseno, havi kfamo'za eri haviza osu kumapi antegahaze.

Luku 18:22

Jisasi' ana ke antahiteno amanage huno ana ne'mofona asmi'ne, mago zantfa atupara hu'nane, maka zanka'a zgore atrenka zgo erinka, zamunte omne vahe nezamigeno, monafi fenonka'a mesigenka enka eme namage anto.

Luku 6:29

Kameragente kahesimofona, rukrahe hugeno mago kazigane kaheno. Nakre kuka'a erisimofona, atregeno sioti ka'ane erino.

Luku 6:31

Kagri'ma rumo'zama so'e zmuzma hugantesazegu'ma kave'nesiankna hunka rumokizmia, kagra so'e kavukva huzmanto.

Luku 6:38

Vahe'ma kagrama zaminankeno'a kagri'enena anazanke huno negamino, knare'za huno rentrako traku huno kamina, aviteno herafiramino evugahie. Na'ankure kagrama vahe'ma zamisana avamente, kagri enena anazanke huno kamigahie.

Aposol 20:35

Ana mika zampina nagra ko hugaveri'noe, anahu'ma hunka hanavetinka eri'zama erisanana, hanave'a omane vahera aza nehunka, Ramofo Jisasinkere kagesa antahio, Agra'a anage hu'ne, ami'zamofo asomumo'a, eri'zamofona agatere'ne hu'ne.

2 Korinti 8:9

Na'ankure Rantimofo Jisasi Kraisi asunku'zana tamagra antahi'naze. Fenone nemo'agi, tamagriku huno amunte omne nekna hu'ne, e'i anama hu'neana Jisasi amunte omnezama'afinti feno vahe tamazeri feno vahe fore hanigure.

Efesasi 4:28

Musufa ne'ma mani nesuno'a musufa oseno. Hianagi agra azampinti eri'za erino knare'zana erifore nehuno, zamagrazmi zamaza huga osu'nesaza nagara zamaza hugahie.