Kolosi 3:25 - Kamano

²⁵ Hianagi iza'o hazenkema hanimofona, Anumzamo'a hazenkema hanirera nona'a huntegahie, hagi magomofonkuke hu Anumzana omani'ne.

Anumzamofo Routage Avantafere

²⁵ Hianagi iza'o hazenkema hanimofona, Anumzamo'a hazenkema hanirera nona'a huntegahie, hagi magomofonkuke hu Anumzana omani'ne.

Kolosi 3:25 ပူးပေါင်းရင်းမြစ်များ

Matiu 16:27

Vahe'mofo mofavremo ankero tmima'ane, Nfa'amofo hanavefi esuno'a, Agra magoke magoke'moma hu'nenia avu'avate anteno mizana amigahie.

Luku 20:21

Zamagra anage hu'za Jisasina agenoka hu'za, tagra antahinone, Rempi hurami nemoka, kema nehunka rempi huzaminana fatgo hunka nehunka, mago vahe aza huzankuke nosunka, rempima huzaminana fatgo hunka Anumzamofo avu'avazankuke nehane.

Aposol 10:34

Higeno Pita'a amanage hu'ne, tamagerafa hu'na menina antahue, Anumzamo'a rukna rukna huno vahera zamesi nozmanteanki, magoke avamente avesinezmante.

Romu 2:11

Na'ankure Anumzamo'a magoke mofonkuke osuno, fatgo avesizanteti ana miko vahera refko nehie.

2 Korinti 5:10

Na'ankure tagra ana miko'mota Kraisi avuga keaga refkohu trate otisunkeno, magoke magokemota ama tavufgare mani'neta, knare'zano havizano hu'nesuna avamente anteno, mizana tamitere hugahie.

Efesasi 6:8

Antahiankero, mago'mo'ma knare eri'zama enerisuno'a, e'i ana knare eri'zamofo nona'a Ramofonteti mizana erigahie. Kazokzo eri'za ne'mopi amne ne'mopi mago'zahu zanke huke mizana erigaha'e.

Efesasi 6:9

Hanki kva vahe'motma, eri'za vahe'tmia mago'zahu tamavutma hunezmantetma, zamazeri korera osiho, monafi nemnia kva ne'mo tarega'motma kva mani'ne, hankino Agra mago'mofona azeri knare nehuno, mago'mofona azeri havizana osugahie.

Kolosi 4:1

Kva vahe'mota, kazokzo eri'za vahetamia fatgo huno knarema hu'nesia tamavutamava hunezmanteta magomofonkukera osiho, na'ankure tamagra antahi'naze, tamagri'enena mago Kva vahetamia monafinka mani'ne.

1 Tesalonaika 4:6

Tamagra Ramofo amagema nentesamokizmia, rezmatga hutma mono Neramafu a'nea zmazeri savri osiho. Antahiho, ko tamavumro tamantenone. Iza'o e'inahu avu'avazama hanimofona, ana hazenke'arera, Ramo'a azeri haviza hugahie hu'none.

2 Tesalonaika 1:6

Na'ankure Anumzamo fatgo zanke nehia Nekino, tamazeri havizama nehaza vahera, nona'a huno zmazeri haviza hugahie.

Falimoni 1:18

Mago'za nehuno haviza hugantenesio, mago nofi hu'nesiana nagra miza hugahue.

Hibru 2:2

Na'ankure Anumzamo ankero vahepi huvazino nehia ke'mo'a, tamage huno efore nehie. Kasegema rutagrezane ke ontahizamofona, mizama'a me'ne hunesiana,

1 Pita 1:17

Tamagrama hutma nerafa'e nehaza Anumzamo'a, Agra magokemofonkuke osu Anumzankino, maka vahe'mo'za zamavuzmavama nehazare refkoa huzmantegahie. Ana hu'negu, ama mopafima zoka vahekna huta atupa knafima mni'nenarera, Anumzamofonku kore hunentetma ra agi amiho.

Juti 1:16

Zamagra zamarimpa knage nehu'za, nazinke nehantage'za, kefozama hu'naku'ma hanazaza hugahaze. Zamagra rankege nehu'za ru'mozama zamigima zamizankuke hu vahe manigahaze.