Kolosi 3:24 - Kamano

²⁴ Kagra Ramofontegatima musezana erisintiharegahane hu'nea zana erisana zankura ko antahinane. E'i Ramofo Kraisi erizama enerinane.

Anumzamofo Routage Avantafere

²⁴ Tamagra Ramofontegatima musezama erisintiharegahaze hu'nea zama erisanaza zana ko antahi'naze. E'i Ramofo Kraisi eri'za e'nerize.

Kolosi 3:24 ပူးပေါင်းရင်းမြစ်များ

Jenesis 15:1

Henka'a Ra Anumzamo avanafi amanage huno Abramuna asmi'ne, Abramuga koro osunka manio. Nagra hankoka'agna hu'na mani'noe. Ana nona'a tusi'a musezampi manigahane.

Proveps-Knare Nomaniza 11:18

Kefo avu'avama nehaza vahe'mo'za, antesaza feno zmimo'a atupa knafi megahie. Hianagi fatgo vahe'mokizmi mizamo'a, zaza kna megahie.

Matiu 10:41

Aza'o ksanampa ne'mofo agifi kasnampa ne' avaresimo'a, kasnampa ne'mo erisa avamente mizana erigahie. Aza'o fatgo ne'mofo agifi fatgo ne' avaresimo'a, fatgo ne'mo erisia avament mizana erigahie.

Matiu 5:12

Kaninkaha hutma muse hiho, na'ankure avamutami'amofo fenozana rama'a monafinka me'ne. Na'ankure korapara kasnampa vahera anahukna hu'za zamahe'naze.

Matiu 5:46

Na'ankure kavesima antenia vahe'ma, kavesi zamantenunka na'a mizama'a erigahane? Tagra antahi'none, takesi zgoma eri vahe'mo'za anahu knara nehaze.

Matiu 6:16

Ne'zama a'o hanuta (fast) tavre vahe'mo'za nehaza knara hutma havi tamugosa osiho. Na'ankure e'inahu tamugosa nehnage'za, vahe'mo'za nege'za, neza a'o hu'ne hu'za hugahaze. Nagra tamage hu'na neramasmue, ko zamagra mizama'a eri'naze.

Matiu 6:5

Nunamu hunaku hanunka, havige vahe'mo'za nehazankna osuo. Na'ankure zamagra mono nompi oti'za mani'ne'za, megi'a kampine oti'ne'za nunamu nehazage'za, vahe'mo'za negazazana osiho. Tamage hu'na Nagra neramasmue, zamagra ko miza zimia eri'naze.

Luku 14:14

E'inahu vahe'mo'za nona hu'za kamigara osu'nazankinka, kagra asomu erigahane. Na'ankure fatgo vahe'mo'za frinesafintima otisaza knazupa mizanka'a erigahane.

Luku 6:35

Hianagi ha' vahe tamia tamavesinezmanteta knare tamavutmava hunezmanteta nofi'ma hu'za erisazana mago'zana ete nona'a erigahune huta ontahiho. E'i'nama hanuta mizantamimo'a rama'a me'nena, tamagra Mrerisa Anumzamofo mofavrerami manigahaze. Na'ankure susu hunontaza vahe'ene, havi vahe'mokizmi'a so'e hunezmantaze.

Joni 12:26

Iza'o, Nagri eri'za erinaku hanimo'a, namage eno, Nagrama umnisure, eri'za vahe nimo'enena anante umanigahie, iza'o, Nagri eri'za erisimofona, Nenfa'a ra agi amigahie.

Aposol 20:32

Hagi menina nagra Anumzante'ene, Agri asunku'zamofo kere maniho hu'na huneramantoe. Ama kemo'a tamazeri hanave netina, ruotage'ma hu'za mani'naza nagapi tamagra erisanti haregahaze.

Romu 1:1

Nagra Poli'na, Kraisi Jisasi kazokzo eri'za ne'mo'na, Anumzamo aposol eri'za erio huno huhampri'nanteno, knare musenke'a huama hanugu nazeri ruotge hunantene.

Romu 14:18

Na'ankure iza'o Kraisima ama ana avu'avatetima avaririsimofona, Anumzamo'a muse hunetesigeno, vahe'mo'za nege'za hugnare huntegahaze.

1 Korinti 11:23

Na'ankure Nagra Ramo rempi hunami'neaza, ete rempi huneramue. Jisas Kraisina komoru hu'za ha' vahe zmazampima avrentenaku haza kenagera, Agra breti erino,

1 Korinti 3:8

Avimzama ase'nemo'ene tima ami'nemo enena magoke eri'zanke e'neriankino, eri'zama eri'na'a avamente ante'ne miza zani'a erigaha'e.

1 Korinti 7:22

Hu'negu i'zano, kazokzo eri'za vahe mani'nesigeno, Ramo agi hu'nesimo'a, Ramofompina kina vahera omnigahie. Anankanteke kina vahe'ma omni'nenigeno agi hunesimo'a, Kraisi kazakzo eri'za vahe manigahie.

Galesia 1:10

Na'ankure nagrama e'inagema nehuana, vahe'mo'za antahi so'e hunantege, Anumzamo antahi so'e hunantenogu nehufi? Hifi nagrama mraguzamanetuana vahe'mo'za antahi muse hunantehogupi? Nagrama vahe'mo'za antahi muse hunante'nazegu'ma nehanuna, Nagra Kraisi kazokzo eri'za vahera omni'noe.

Efesasi 6:6

Mopafi kva vahe'tmimo nermagesageta eri'zana erisunke'za muse hnaze osiho. Hianagi Krais kazokzo eri'za vahe nesampreta, tamagu'areti Anumzamofo avemanesia zanke hugahaze.

Efesasi 6:8

Antahiankero, mago'mo'ma knare eri'zama enerisuno'a, e'i ana knare eri'zamofo nona'a Ramofonteti mizana erigahie. Kazokzo eri'za ne'mopi amne ne'mopi mago'zahu zanke huke mizana erigaha'e.

Kolosi 2:18

Mago'mo'ma avanama kenesia zankuma huno, tamagra anteramita ankeromofo mono hunteho hanigetma, tamagra atrenekeno tamagrira tamazeri fenka otreno. E'inahu vahe'mo'za korapa zamarimpampfo avu'ava nevaririza, zamagrama antahizana zmagra'ake knare antahizana eri'none hu'za zmavufga ra nehaze.

Hibru 10:35

Hu'negu e'i ana hanave kamentintima Ramofontema hunte'nana zana otro. Na'ankure ana hanave kamentintiretira tusi'a miza erigahane.

Hibru 11:6

Amentintima omane'nesigeno'a, Anumzamofo avesizama avaririzamo'a amuho huntegahie. Na'ankure iza'o Anumzamofontema esimo'a, agra amentintima haniana, Anumzana mni'neankino, Agriku'ma hakaza vahera mizana nezamie huno antahino. (Jen-Agf 6:13-22)

Hibru 9:15

E'i ana agafare Kraisi'a vahe'mokizmine Anumzamofo amu'no nera kasefa hagerafi huvempa kea mani'ne. Ana hu'negu huhamprima zmantene'mo'za vahe'mo'za Anumzamo manivava maniza erisinti haregahaze hu'neazana erigahaze. Na'ankure Kraisi'a frino, kotema hagerafi kefi manine'za kumima hu'nazana kumizmia mizasezmanteno katufe zmante'ne.

1 Pita 1:4

Ana kasefa tasimu erisanti harenunana, vga oreno, havizana osuno, fnanene osaniaza monafinka Anumzamo'a anteramante'ne.

2 Pita 1:1

Nagra Saimoni Pitana, Jisas Kraisi kazokzo eriza aposol ne'mo'na, ana miko tagrama hunakna huta Anumzama Jisas Kraisi tamagu'mavazi ne'mo'ma Anumzamofontema tazeri fatgoma nehia Nete'ma tamentintima nehazamotarega, ama avona kreneramue.

Juti 1:1

Juti'na, Jemisi nefu'na Jisas Kraisi kazokzo eri'za e'nerumona, Anumza Nafatimofo avesipine, Jisas Kraisi kavafima kehigeta mni'nazamotarega, ama avona kre'neramue.

Ruti 2:12

Anama hu'nana nona'a, Ramo mizana kamisie. Knare kvukva zantera Israeli Ra Anumzamo nona huno ante avitegantesie, kagrama kva hunante'snie, hunkama hu'nana Anumzamo.