Kolosi 3:16 - Kamano

¹⁶ Atrenkeno Kraisi nanekemo'a tamagu'afina mevitenena, miko knare antahintahireti rempi hunezamita zmazeri fatgo nehutma, Anumzamofo avontafepi zgamera nehutma, krente zgamera nehutma, mono zgamera hutma Anumzamofona tamagu'areti susu huntegahaze.

Anumzamofo Routage Avantafere

¹⁶ Hagi atrenkeno Kraisi nanekemo'a tamagu'afina mevitenena, miko knare antahintahireti rempi hunezamita zamazeri fatgo nehutma, Anumzamofo avontafepi zagamera nehutma, krente zagamera nehutma, mono zagamera hutma Anumzamofona tamagu'areti susu huntegahaze.

Kolosi 3:16 ပူးပေါင်းရင်းမြစ်များ

Proveps-Knare Nomaniza 14:8

Knare antahi'zane vahe'mo'a kama vania kana antahi ani' hu'neno vugahie. Hianagi neginagi vahe'mo'za, zamagrazmi rezmatga nehaze.

Proveps-Knare Nomaniza 18:1

Agra'aku'ma nemanisia vahe'mo'a, agraguke agesa nentahie. Knare antahizama eri'nea vaheku'enena ana ne'mo'a avesiozmantegahie.

Matiu 26:30

Mago zgame hute'za, atirami'za Olivi agonare vu'naze.

Luku 2:51

Anante Jisasi'a nerera'ene nefa'ene Nasareti uramino umanineno, nererane nefane kea amage ante'ne. Hianagi nerera'a makazama hiazana agu'afi erintegeno me'ne.

Joni 15:7

Tamagrama, Nagri nagu'afi mani'ne'nageno, naneke ni'amo tamagri tmagu'afi me'nena, tmesinia zankuma nantahigesazana amne erigahaze.

Romu 10:17

E'ina hu'negu vahe'mo'za ke nanenke nentahizageno zamentintia erionetie nehaze. E'i ana kea Kraisi knare musenke me'ne.

Romu 15:14

Nafu nagnahete nagrani'a antahuana, tamagripina knare tamavutmavamo'ene mika'a antahizamo avite'nena, ozeri fatgo azeri fatgo hugahaze.

1 Korinti 14:15

Hu'negu nagra na'a hugahue? Antahintahi'nireti nunamuna nehu'na, Avamu'niareti ene nunamuna hugahue. Avamu'niareti zgamera nehu'na, antahintahi'niareti enena zgamera hugahue.

1 Korinti 14:26

E'ina hu'negu nenfugatane nasareheheta na'a efore hugahie? Eme atru hanaza zupa, mago'mo mono zgamera nehinkeno, mago'mo rempi huneraminkeno, mago'mo ksefa'za Anumzamo averi haniaza huama nehinkeno, mago'mo ru ageru nerinkeno, mago'mo rekrehe hugahie. Hagi e'i ana maka'zama hanaza zamo'a, knare huno mono kevua zamaza huno, Ramofompina zmazeri hankavetigahie.

Efesasi 1:17

Ana nehugeno Ranti Jisas Kraisi Anumzamo, so'e hihamu'ane msamofo Nfa'amo, knare antahi'zane, tamagu tamagesane, tamage ke'a huama hu antahi'zamofo avamura tamisnigeta Agrira antahita keta nehuta, avamupina ra hugahaze.

Efesasi 5:17

E'i zanku tamagra negi vahe knara osutma, Rantimofo avesi'zama hanaza zankuke tamagesa antahiho.

Efesasi 5:19

atruma nehanutma, Deviti zgame ene (Sams), mono zgame'ene, avamu'mofo zgame nehutma, Rantmimofona tamagu'areti musena hunenteta,

Efesasi 5:26

Ana nehuno Agra'a mono naga'mofona zamazeri ruotge huzmanteno tinuti sese hiankna huno ke'anu sese huzmante'ne.

Kolosi 1:28

Hu'negu miko kaziga vunana Kraisinkura, Anumzamo'ma tami'nea knare antahintahireti kegvahiho nanekea nezmasamita rempia hunezamune. Na'ankure Anumzamofontera fatgo hu'za Kraisi'ene tragote'za manisazegu anara nehu'ne.

Kolosi 1:9

Hanki e'iana agafare, tagrama tamagenkema antahuna knaretima e'neana, tagra tamagrira Anumzamo Agra'a avesite avamupi knare antahizane, antahi ama hu'zana antevitermantesiegu nunamuna huvava huta antahi'negone.

Kolosi 4:6

Maka zupa vahe'mofoma zmazeri so'ehu nanekege nehinke'za, zamagrama antahisazana, ketamimo'a knare huno haga hino. Tamantahige nanekema hanazana, trohuneta knare hutma kenona huzamanteho.

1 Tesalonaika 1:8

Na'ankure Ramofo kemo'a tamagripinti agerura runo e'neana, Masedoniane Akaia kumateke agerura orune. Hianagi tamagrama Anumzamofontema tamamentintima hu'naza zamo'a maka kumatega vuno eno hige'za antahi'nazankita, tagra mago kea osugahune.

1 Tesalonaika 4:18

E'ina hu'negu ama nanekenu, magoke magokemofona ozmazeri hanaveti azmezeri hanaveti hiho.

2 Tesalonaika 3:15

Hugahianagi, ha vahetamignara anamofona huonteho, hianagi nerafuga haviza hunane hutma azeri fatgo hiho.

1 Timoti 6:17

Ama mopafi feno vahe mani'naza vahera huzamasmige'za, ana fenozantera zamufa ra osu'za, ana fenozantera zamentinti osiho, hianagi Anumzamofonte zamentinti hiho, Agrama maka'zama tmigeta eneruna'zanku huta muse hugahune.

2 Timoti 3:15

Osi'moka otage avon tafepima me'nea nanekea antahime enka e'nane, e'i ana nanekemo knare kagukagesa negamina kmentinti nehunka, Krais Jisasipinti kahokeno kagu'vazizana erigahane.

Taitus 3:6

Anama hu'neana Jisasi Kraisi tzahu ne', Agripi Avamura azeri usasi okino tagi tregeno e'ne.

Jemisi 1:5

Hianagi iza'o knare antahintahigu'ma atupama hanuno'a, Anumzamofo antahigenkeno amino, maka vahe'mo'za nunamu hu'za Agri'ma antahigazamokizmia, rimpa heozmante amne nezmiankino, amne tamigahie.

Jemisi 3:17

Hu'neanagi monafinti erami'nea knare antahintahizana, ese'zana agru huno mani antahintahiza me'ne. Rimpa fruma huno mani'zane, miko kna akoheno mani'zane, rumofo ke antahimi'zane, asunku hu'zane knare'zane aviteno nemanie. Mago'mofonkuke hu'zana omaneno tamage avu'avake hu'zane.

Jemisi 5:13

Amunontamifima magomo'ma hazenkefi mani'nenuno'a, Agra nunamu Anumzamofonte hino. Amu'nontamifima mago'mo'ma musema nehanuno'a, agra Ramofo agi erisagahu zgame hugahie.

1 Joni 2:14

Nagra ama avona mofavre nagamotarega kre neramue, tamagra ko Nefana ko keta antahita hu'naze. Ra vahe'motarega ama avona kre neramue, ko'ma ese agafare'ma mani'nea Nera ko keta antahita hu'naze. Kahefa vahe'motarega ama avona kre neramue, tamagra ko hanavetizageno, Anumzamofo kemo'a tmagu'afina hanavetino megetma Satana agatere'naze.

1 Joni 2:24

Hagi tamagra, ko'ma ese'ma antahi'naza tamage kea atrenkeno tamagripina meno, tamagra ko'ma antahinaza mono kemo tamagripi me'nenigeta, anahu kna huta Nemofonte'ene Nefampina manigahaze.

1 Joni 2:27

Hagi menina tamagriku huno, huhampri ramante'neaza Avamura Agripinti eri'nazageno tamagu'afi mani'neanki mago vahe'mo'a huramagesa huzankura ontahigahaze. Hu'neanagi Agri Avamu'mo maka'zana rempi huramigahiankino havi kea osu tamage hugahie. Tamasmi'nea kante antetma Agripi manigahaze.

2 Joni 1:2

Na'ankure tamage kemo tagu'afi me'neankino, maka kna tagrane mevava hugahie.

Revalesen-Hufo Hu'ne 14:3

Ana nehu'za kini trate'ene, 4'a kasefa hu'za mni'naza zgane, 24'a ugota kva vahe zamurera kasefa zgamera hu'naze. Ana zgamera mago vahe'mo'e huno ontahinazankino, 144 tauseni'a nagama maka mopafinti mizama sezamantenea vahe'mo'za antahi'naze.

Revalesen-Hufo Hu'ne 15:3

Anumzamofo eri'za vahe Mosese zgame'ene Sipisipi Anentamofo zgame hu'za anage hu'naze, Tusiza hunka ruzahu eriza eri'nane, Ra Anumzamoka tusi hanavenentake hu'nane, Kagri kamo'a fatgo huno tamage hu'ne, maka kumapi vahe'mokizmi kini Nere!

Revalesen-Hufo Hu'ne 19:10

Anante nagranena agiafi narena rena mono hunte'za huanagi, ana ankeromo'a anage huno nasamine, e'inahura osuo, kagrane negafuzane nehazaza hu'na nagra Anumzamofo eri'za vahe mni'neta, Jisasi'ma hu'nea ke'mofo huama nehuta, Anumzamofo monora huntegahune. Na'ankure Jisasi'ma hu'nea kemo vahe'mofona azeri otigeno, kasnampa kea huama nehaze.

Revalesen-Hufo Hu'ne 5:9

Hagi zmagra kasefa zgame nehu'za anage hu'naze, Kagra avontafera erinka rekamrente'naza fukintamina eriganopega hu'nane. Na'ankure Kagrira kahe frizagenka koranka'anu, mika nofi nagapinti'ene, zmagerupinti'ene, vahepinti'ene, mopafi vahera mi'za sezmante'nane.