Kolosi 1:28 - Kamano

²⁸ Hu'negu miko kaziga vunana Kraisinkura, Anumzamo'ma tami'nea knare antahintahireti kegvahiho nanekea nezmasamita rempia hunezamune. Na'ankure Anumzamofontera fatgo hu'za Kraisi'ene tragote'za manisazegu anara nehu'ne.

Anumzamofo Routage Avantafere

²⁸ Hu'negu miko kazigama vunana Kraisinkura, Anumzamo'ma tami'nea knare antahintahireti kegava hiho nanekea nezmasamita rempia hunezamune. Na'ankure Anumzamofontera fatgo hu'za Kraisi'ene tragote'za manisazegu anara nehu'ne.

Kolosi 1:28 ပူးပေါင်းရင်းမြစ်များ

Proveps-Knare Nomaniza 8:5

Antahizantmi omane vahe'motma eta refakomahu antahizana emeriho, neginagi antahi'zane vahe'motma, eta antahi amahu antahi'zana emeriho.

Matiu 28:20

Nagrama huramantoa kasege rempi huzaminke'za ana miko vahe'mo'za avaririho. Hagi kma antahiho, Hakare zupa tamagra ne manina nevanenkeno mafkaza vgaregahie.

Matiu 3:7

Hianagi agrama kege'za hakare'a Farisi vahe'ene, Sadusi vahe'ma mono ti frekure hu'za ageno, Joni'a anage huno zamasmi'ne, tamagra ha' osifavemofo mofavre nagare, aza tmasmino amuma ne-ea Anumzamofo rimpahe zampintira fregahaze.

Matiu 5:48

E'ina hu'negu tamagra monafi neramafama fatgo huno agru hu'nea kna hutma fatgo hutma agru hiho huno zamasmi'ne.

Maki 6:34

Jisasi'ma anante uhanitino ventefinti takaureno, tusi'a vea kevu nezmageno asunku huzmante'ne. Na'ankure zmagra kvazimi omani sipisipigna hu'nazageno agafa huno hakare kea rempi huzami'ne.

Luku 21:15

Na'ankure Nagra nanekema hanaza kene antahintahine tamisugeta, kea hanageno, kema huramantesaza vahe'mo'za, ana kema hanazana eri otregahaze.

Aposol 10:36

Nagra antah'inoe, tamagra ko knare musenkema Israeli vahe'ma zamasmi'neana antahi'naze. Anumzamofo rimpa fruzana Jisasi Kraisimpi efore hu'ne, Agra mika zamofo Rane.

Aposol 11:20

Hu'neanagi Saipras vahe'ene Sairini vahe'mo'za zamagripinti mago'a Antioku e'za, agafa hu'za Ramofo Jisasi knare musenkea huama hu'za Griki vahe zamasmi'naze.

Aposol 13:38

E'ina hu'negu nenafutma antahita keta hiho, ama ana ne'pinti kumi tamia eri atresia ke huama hu'na neramasmune.

Aposol 17:18

Anahu kna huno mago'a Epikurien vahe'ene, Stoik vahe'mo'zanena vahe'mofo nomani'zama rezagane'zama negaza vahe'mo'za (Filosofa) kehakare hunentageno mago'amo'za anage hu'za antahi'naze, Nankna ke ama neginagi vahe'mo'a hunaku nehie? Ruga'amo'za hu'za, Agra ru anumzanku nehia nere. Na'ankure Jisasi agi agenkene, fripintima oti'nea knare musenkegu hu'naze.

Aposol 17:3

ana kemofo agafa'a eriama nehuno huzamerino, Kraisina ahesnageno ata eriteno fripintira otigahie hu'ne. Ama ana Jisasinku'ma nehuana e'i Kraisi'e.

Aposol 20:31

E'ina hu'negu tamavura omase kava hute maniho, tamagesama antahi ankeresazana tagufa zagegfumofo agu'afina hanine zgenena ontagane'na kazigzi hu'na zavira nete'na, mago'mago'moka kavumarora ante'noe.

Aposol 3:20

Ana knafi Rantimofo avateti kahefa hanave ne'e sigeno, hagi ko'ma Agra'ma huramante'nea nera Kraisina huntesigeno egahie. E'i Jisasi'e.

Aposol 5:42

Hanki hakare knafina, ra mono nompi'ne, nonte nontera nevu'za Jisasi'a, tazahu ne' Kraisi'e hu'za knare muse kea rempi hunezmi'za huama hu'naze.

Aposol 8:35

Filipi'a anama hampri'nea avontafepinti nanekea agafa huno, Jisasi knare musenkea ana nera asmi'ne.

Aposol 8:5

Filipi'a, Sameria rankumate viazamo, Kraisinku zamagrite huama ome hu'ne.

Aposol 9:20

Ame huno, ana zupage Jisasi agigenkea osi mono nompi marerino, ama Nera Anumzamofo Mofavre huno huama huno zamasmi'ne.

Romu 16:25

Anumzamo'a tmagrira knare musenkema neramasamua kante tmazeri hankavetise. E'i Jisasi Kraisi knare musenkene, vahe'mota tmavresigu korapa oku'a retro hunte'nea naneke neramasamue.

1 Korinti 1:23

tagra Kraisi rugeka zafare ahe'za hanti'naza naneke huama nehunazamo'a, Jiu vahe'mokizmia zmagigo zamino zmazeri tanafahu havegna nehuno, megi'a vahetera neginagi nanekegna nehie.

1 Korinti 1:30

Hu'neanagi, Agrama eri'nea eri'zamo higeta, Krais Jisasimpi mani'naze. Kraisi'a Anumzamofontegati knare antahintahi zantia efore hu'neana, e'i fatgo avu'ava'zane, mani ruotge huno mani'zane, miza hurante Ne' mani'ne.

1 Korinti 12:8

Hagi mago'mofona Avamupina knare antahintahiza (wisdom) nemino, mago'mofona ama' antahi'za (knowledge) nemie. Hianagi magoke Avamu'mo,

1 Korinti 15:12

Hagi Kraisi'a fripinti oti'ne hu'za huama hu'nazana, inanka huta mago'amota amu'nontmifintira, vahe'mo'za fripintira o'notize huta nehze?

1 Korinti 2:15

Hu'neanagi aza'o Avamu'ene mani'nesimo'a, mika'zana refko huno antahi ama hugahie. Ana hugahianagi mago'mo'e huno Avamu'ene mani'nesimofona refko huno ageno antahino osugahie.

1 Korinti 2:6

Tagrama knare antahintahizamofo keagama nehunana, zmentintifima nena hu'naza vahepi nehune. Hianagi ama knare antahintahigu'ma nehunana, ama knafino, ama mopafi fanane hanaza kva vahetmimofo knare antahintahi zankura nosune.

1 Korinti 4:14

Ama nanekea, tamagaze hinogu kre'noramuanki, nagra navesinentoa mofavre ni'agna hu'na tamavumro nentoe.

2 Korinti 10:14

Na'ankure tagrama ese knazupa Kraisi Knare MusenKe, erita tamagrama mani'narega Anumzamo'ma eriho hu'nea avamente Korintima mni'naza nagamotare uhanitinona zamofonkura, agatereta tavufga erisaga nosune.

2 Korinti 11:2

Kraisinte knare hutma mnisazegu hanave antahintahi nehue. Nagrama magoke vere, Kraisinte manisazema hu'noane. Vene omaseno agru hu'nea a'kna hu'nesage'na, tamagrira Kraisinte tamavrentesuegu nehue.

2 Korinti 4:5

Na'ankure tagra'a nanekea huama nosunanki, Jisas Kraisi'a Ra mani'negeta, tagra Jisas Kraisinku huta tamagri kazokzo eriza vahe mani'none.

Efesasi 3:8

Nagra mago'a mono eri'za (saints) vahepina, osi'tfa hu'nogeno asunku hunanteno, urefa erefa'a omne naneke megi'a vahepi huama huo huno namige'na, Kraisimpi knare'za me'neaza eriama hu'na neramasmue.

Efesasi 5:27

Anama hu'neana zamavreno Agrarega zamantesige'za, ana mono kevumo'za msazampima pehena omneno, kasmu' oneno, avufa ohakne: otage hu'za fatgo zampi hazenke omnenke'za manisnazegu ana hu'ne.

Kolosi 1:22

Hianagi menina Kraisi'a ama avufgare eme frino, tamazeri mago huno Anumzamofo avurera tamazeri ruotge hu'neakino, magomo'a kea huoramantege, hazenke vahere huoramantesigetma, havigema huramante zampintira fru hutma manigahaze.

Kolosi 2:10

Hagi Kraisi'a ana miko hankavene, ana miko asenia mani'nemofo avu'avara tamagripi anamiko fore hanie huno tamami'ne.

Kolosi 2:3

E'i Agripi miko knare antahintahizamo'ene, miko antahizana frakino, zgo nompi me'neakna huno me'ne.

Kolosi 3:16

Atrenkeno Kraisi nanekemo'a tamagu'afina mevitenena, miko knare antahintahireti rempi hunezamita zmazeri fatgo nehutma, Anumzamofo avontafepi zgamera nehutma, krente zgamera nehutma, mono zgamera hutma Anumzamofona tamagu'areti susu huntegahaze.

Kolosi 4:12

Epafrasi'a Krais Jisasi kazokzo eri'za ne' tamagri kumateti nekino, musenke atreramante. Agra tamagrikura tusi'za huno, Anumzamo'ma avesinea kante tamaza hanigeta oti hanavenetita, nena vahekna nehutma ana mikomotma hakare zampina ama hnazegu nunamuna maka zupa huneramantea nere.

1 Tesalonaika 4:6

Tamagra Ramofo amagema nentesamokizmia, rezmatga hutma mono Neramafu a'nea zmazeri savri osiho. Antahiho, ko tamavumro tamantenone. Iza'o e'inahu avu'avazama hanimofona, ana hazenke'arera, Ramo'a azeri haviza hugahie hu'none.

1 Timoti 3:16

Maka vahe'mota mago trimpa nehune, Anumzamofo avu'avapi tamentintima hu'zamo'a eama nehie, Kraisi'a avufa erino eama higeno, Avamu'mo fatgo avu'ava eriama higeno, ankero'moza kageno, Kraisi agi agenke hakare kaziga huama higeno, miko mopane mopane vahe'mo'za zamentinti hzageno, tusi'a msa'nentake konariri'afi avreno mreri'ne.

1 Timoti 3:2

Kvama hania ne'mo'a amanahu hino, hazenke'a omneno, magoke a' anteno, manizama'a kva nehuno, fatgo zanke nehuno, avufa antermino nemnino, nantu antentesia vahe agampu nehuno, agra knare'za rempi huzmi ne' nemnino,

Hibru 10:14

Na'ankure magoke zupa avufga agu'za ru'nea zamo, zmazeri ruotge hu'naza nagamokizmia, miko zupa zamazeri knare'zantfa nehie.

Hibru 13:21

Agri avesizama'a avaririzantema upama hanarera, maka knare zama'areti tamazeri knare hugahie. Hakare'zana Jisas Kraisimpi nehanunkeno Anumzamo'a muse hanie. Hakarea ra agia Agrake erivava hanie. Tamage.

2 Pita 3:15

Anumzamo'ma akoheno tavega anteno mni'neazankura tamagera okaniho. Na'ankure Agra maka vahe zmahokeno zmagu vazinakure, nerafu Poli'enena ama anazankura Anumzamo'ma knare antahintahima aminereti kretamine.