Joni 9:35 - Kamano

³⁵ Ana ne'ma avazuhu megi atraze kea Jisasi'a nentahino, ome kefore huno Agra amanage hu'ne, Kagra Vahe'mofo Mofavrere kmentinti nehano?

Anumzamofo Routage Avantafere

³⁵ Hagi ana ne'ma avazuhu megi atraze kea Jisasi'a nentahino, ome kefore huno Agra amanage hu'ne, Kagra Vahe'mofo Mofavrere kamentinti nehano?

Joni 9:35 ပူးပေါင်းရင်းမြစ်များ

Matiu 14:33

Ana botifi mni'namo'za mono hunente'za, tamage Kagra Anumzamofo mofavre mni'nane hu'za hu'naze.

Matiu 16:16

Saimoni Pita'a kenona'a anage hu'ne, kagra Kraisige, ksefa huno mni'nea Anumzamofo mofavre mni'nane.

Matiu 4:3

Revatga hu ne'mo anante ehanatino Jisasinku anage hu'ne, Kagrama Anumzamofo mofavre mani'nesunka, ke nehugeno ama have'zgamo'a breti fore hino.

Maki 1:1

Anumzamofo Mofavre Jisas Kraisi knare musenkea ama agafa hu'ne.

Joni 1:18

Mopafi vahe'mo'a magore huno Anumzana onketfa hu'ne. Anumzamofo mofavre magoke mani'neno, Nfa'amofo asumpinka mani'ne, Agra'a Anumzana mani'neno huama hu'ne.

Joni 1:34

Nagrani'a kete'na, huama hu'na ama Anumzamofo mofavre hu'na neramasmue.

Joni 10:36

Nenfa'a nazeri ruotge huteno, hunantege'na ama mopafi e'nogu, tamagra Anumzamofo huhaviza hunentane huta Nagrikura nehaze, na'ankure Nagra hu'na Anumzamofo mofavre huazankuro?

Joni 11:27

Mata'a anage huno asmi'ne, izo Ramoka, nagra namentinti hue, Kagra Kraisige, Anumzamofo mofavre'moka Kagra ama mopafi erami'nane.

Joni 20:28

Tomasi ke nona huno Jisasi asmi'ne, Nagri Ranimoka, nagri Anumzane!

Joni 20:31

Hianagi ama kre'naza avomo hugasmisigenka kmentinti nehunka, Jisasi'a Tzahu ne', Anumzamofo Ne'mofavre, Kraisi'e hunka kmentinti hanunka kagra manivava mani'zana Agri agireti erigahane.

Joni 3:36

Aza'o Nemofonte amentinti hanimo'a manivava asimu erigahie. Hagi iza'o Nemofo kema rutagresimo'a asimura e'origahie. Hanki Anumzamofo tusi'a rimpahe knazamo agrite megahie.

Joni 5:14

Henka Jisasi'a ana nera ra mono nompi ome kefore huno asmi'ne, ko, krika'a hago vgare, mago'ene kumira osuo, e'inama hanunka tusi'a knaza henka'a erigahane.

Joni 6:69

Tagra tamentinti nehuta Kagrira antahita keta hu'none, Kagra magoke Anumzamofo Ruotge' ne', hugantegenka e'nane.

Joni 9:22

Nererake nefakea amanahu kema hu'na'ana, na'ankure Jiu mono kva vaheku koro huke anage hu'na'e. Na'ankure Jiu mono kva vahe'mo'za ke retro hu'za, mago'mo Jisasinku Kraisi'e huno, huama hanimofona, Jiu mono nompinti (Sinagog) ahe natigahune, hu'naze.

Joni 9:34

Farisi vahe'mo'za anage hu'naze, Kagrira miko kumi'zampi ksegante negenka, tagri rempi hurami'za nehano? Anage nehu'za Jiu mono nompintira (Sinagog) avazu hu'za, atufe atrageno vu'ne.

Aposol 8:36

Anama hu'za karankama nevu'za mago'a ti me'nere ageno, agonkna'zama hari'nea ne'mo'a, Keho! Ti me'neaki! Na'amo mono tima frezanifina nazerigahie? huno nehigeno,

Aposol 8:37

[Filipi amanage huno hu'ne, tamage hunka maka kagu'areti Jisasinku kmentinti hanunka tina fregahane nehigeno ozo hu'ne. Anumzamofo nemofo Jisasi Kraisi'a mani'ne, hu'na nentahue, huno hu'ne,]

Aposol 9:20

Ame huno, ana zupage Jisasi agigenkea osi mono nompi marerino, ama Nera Anumzamofo Mofavre huno huama huno zamasmi'ne.

Romu 1:4

Hagi Ruotge Avamumo'a hihamu'ane huama huno, Anumzamofo Mofavre azeri oti'negeta, Jisas Kraisi'a Rantimo'e nehune.

Romu 10:20

Hagi Asaia'a hakavetino anage hu'ne, Nagrikura nohakraza vahe'moza, nagefore hu'naze. Nantahi nogaza vahete Nagra'a eama huge'za nenagaze. (Ais 65:1)

1 Joni 4:15

Hagi mago'a vahe'mo'ma Jisasinku Anumzamofo mofavre hunoma huamama hanimofona, Anumzamo'a Agripi manigeno, anamo'a Anumzamofompi mani'ne,

1 Joni 5:10

Iza'o Anumzamofo nemofonku'ma amentinti nehimofona Agri kemo'a anamofompi me'ne, Anumzamofonku amentinti osimo'a, Anumzamofonkura havige nere nehie. Na'ankure Anumzamo'ma Nemofonku'ma huama hu'nea kegura amentintia nosie.

1 Joni 5:13

Nagrama ama nanekema negroana, izago Anumzamofo Nemofo agire'ma kamentinti nehamoka, ko ana manivava asimura eri'nane.

1 Joni 5:20

Tagra antahita keta nehune, Jisas Kraisi, Anumzamofo Nemofo eno tamage Anumzana taveri hu'ne. Na'ankure antahi'none, Jisasi'ma e'neazamo tamage Anumzanehu antahintahia tamigeta, tamage Anumzane nehuta, tagra Agripina nemanita, Nemofo Jisas Kraisimpina nemanune. Tamage Anumzane nehuta manivava asimure huta nehune.

1 Joni 5:5

Iza ama mopafi hanave agatenere? Jisasi'a, Anumzamofo mofavre hazamo'za agateneraze.

3 Joni 1:10

E'i ana hu'negu, nagrama esu'na, agrama nehia avu'avamofo kea eme antahinege'na, havigema huma rante'nea kea antahigahue! E'i ana kege osu'neanki, nerafuzama azageno'a agra muse huno ozmare'ne, hianagi knare kema nehu'za zamazeri so'e huku'ma haza vahera, mono nompintira zamahenatitre'ne!