Joni 8:44 - Kamano

⁴⁴ Tamagra Sata mofavre naga mani'naze, ana hunetma nermafa'ma avenesia avu'avaza nehaze. Ese agafare vahe ahe fri'nea ne' mani'neno, tamage nanekemofona amage nonte. Na'ankure tamage kea agripina omne'ne. Kema hifina, havigege nehie, agra avu'ava zanku kea nehie. Na'ankure havige ne' mani'neno, havigemofo nefa'e.

Anumzamofo Routage Avantafere

⁴⁴ Tamagra Sata mofavre naga mani'naze, ana hunetma nermafa'ma avenesia avu'avaza nehaze. Ese agafare vahe ahe fri'nea ne' mani'neno, tamage nanekemofona amage nonte. Na'ankure tamage kea agripina omne'ne. Kema hifina, havigege nehie, agra avu'ava zanku kea nehie. Na'ankure havige ne' mani'neno, havigemofo nefa'e.

Joni 8:44 ပူးပေါင်းရင်းမြစ်များ

Jenesis 3:15

Nagra kagrira kazeri'na a'mofo ha' vahe'a antesugeno, a'mo kagri ha' vahe manigahie. Hanigena Nagra tanagigomokizmi amunopina ha'za antesugeno a'mo ksentesia mofavremo kaseni reproro vazina, kagra agamerumpafi amprigahane.

Matiu 12:34

Tamagra ha' osifave'mofo mofavre kevu mni'naze, havizama nehana vahe'moka, inankna hunka knare'zana hugahano? Na'ankure krimpafi me'nea kea kagi'mo nehie.

Matiu 13:15

Na'ankure vahe'mokizmi zmarimpamo hanavetino anaki'ne. Higeno zmagesareti'ma kema antahizamo'a amuho hunezmantege'za zmua asu'nekiza, zmurgaretira zamua onke'za, zmagesa nontahiza, zamagu'aretira amara nosazankiza, zmagu'a rukrehera osnagena, Nagra zmaza osugahue. (Aisa 6:9-10)

Matiu 13:38

Hagi hoza, ama mope, knare avimzana, Anumzamofo mofavrermine, havi trazana, Sata mofavreramine.

Joni 6:70

Jisasi'a ke nona'a zamagri zamasmi'ne, Nagra 12fu'a nagara huhampri tmante'noe, hianagi mago'moka havi avamu mani'nane.

Joni 7:17

Aza'o agu'amo otinkeno Anumzamofo avesi'za huku hanimo'a, rempima nehuana agra antahino, Anumzamofonteti e'nefi, Nagrani'a navesite nehufi refko huno kegahie.

Joni 8:38

Nagrama kema nehuana, Nenfa'ene mani'nena ke'noa zanku neramasmue, tamagrama nehazana neramafampinti'ma antahinazaza nehaze.

Joni 8:41

Tamagra neramafa avesiza nehaze. Zamagra kenona'a anage hu'naze, tagra savri avu'avatetira fore osu'none, tagrira magoke Nerfa, Anumzana Agrake mani'ne.

Joni 8:55

Tamagra Agrira antahinomize, hianagi Nagra antahi'na ke'na Agrira hu'noe, hankina Nagrama hu'na, Agrira antahi'na kena osu'noe hanuana, havige hu'na tmagrikna hugahue, hianagi Nagra Anumzamofona antahina kena hu'nena, ke'a erizafa nehue.

Aposol 13:10

anage hu'ne, kagripina havige avu'avamo'ene havizahu zamo'a avite'ne, Sata mofavre mani'nenka, fatgo avu'avamofona ha' arenentane, kagra fatgo osu avu'avara netrenka, Anumzamofo fatgo avu'avara osugahampi?

Aposol 24:9

Jiu vahe'mo'zanena Tetilusi kere hagerafi'za, ama'na kema nehiana tamage hu'za hunte'naze.

Aposol 5:3

Hu'neanagi Pita'a anage hu'ne, nahigeno Ananaiasiga Sata'a kaguafina efregenka ruotge Avamura revataga hunka mago'a zgoa mopama atrantetira refko hunte'nane?

2 Korinti 11:3

Hu'neanagi nagra kore'ma huana, krunage osifavemo Ivi revatga hu'neakna huno tamagrira, reramataga nehinketa fatgo huta, ruotge hu'neta Kraisi amage nevza kana netreta tamagena humizanku nehue.

1 Pita 5:8

Tamagra negia onetma, kva hutma maniho. Ha' vahe'timimo Sata'a agra laionigna huno akoheno rerakaureno krafa huno vano nehuno, ahenoma nesia vaheku nehake.

2 Pita 2:4

Na'ankure ankero vahe'mozama kumi'ma hazageno'a Anumzamo'a ozamatre'ne, hianagi zmasga huno teve kumapi zmatrege'za, haninentake kerifi mni'ne'za, keagarema otisageno refkoma haniazanku avega ante'za mni'naze.

1 Joni 1:8

Tagrama huta, kumi osu'none hanuta, tagra'a reravatga hanunkeno, tamage kemo'a tagri tagu'afina omanegahie.

1 Joni 2:21

Tamage ke ontahi'naze hu'na avona kre noramue, hianagi tamagra ko antahi'nazankino, ana tamage kefina havigea omane'ne.

1 Joni 2:4

Aza'o huno Anumzamofona antahi'na ke'na hu'noe nehuno, kasege'a amage ontesimo'a, havige vahe mani'neakino, e'inahu vahepina tamage kemo'a agu'afina omanegahie.

1 Joni 3:12

Kenima hu'neankna osuta, havi ne'mofo avu'ava erino Ebolina avareno ome ahe fri'nea knara osanune. Na'a higeno ahe fri'ne? Na'ankure avu'ava'mo'a haviza hu'negure. Hianagi negna'a fatgo avu'ava hu'neazanteku huno ahe'ne.

1 Joni 3:15

Hakaremo'za zamentinti nagaku'ma (kristen) zamarimpa kna huntesamo'za, vahe ahe fri vahe mani'naze. Tamagra antahi'naze, vahe'ma ahe fri vahepina mani'vava asimura omane'ne.

Juti 1:6

Hagi Anumzamoma ankero vahekuma huno, e'i avamente maniho huzmantege'za ana kemofo agorga'a omanizageno, katuofe kina rezamanteno hanizampi kina huzamantege'za mni'neza, henkama ranknarema refakoma hania knama esigu avega ante'za mani'naze.

Revalesen-Hufo Hu'ne 12:9

Ana koranke osifavea asgahutregeno erami'neankino, ana ne'kura korapa mani'nea osifave nehu'za, hankrore nehu'za, Sata'ema nehaza ne'ma ama mika mopafi vahema rezmatgama nehia nera, asgafetregeno ankero naga'ane mopafi erami'naze.

Revalesen-Hufo Hu'ne 13:14

Ana nehuno mopafima mni'naza vahera rezmataga hu'ne, na'ankure nampa 1ni afi zgamofo avufina, ruzahu ruzahu avame'za nehuno, nampa 1ni afi zgama koma kazinknonu ahazageno friteno asimuma erinea afi zgamofo amema'a tro hiho huno zmasami'ne.

Revalesen-Hufo Hu'ne 2:10

Hanki ko, kagrama knazampi ufresnana knamo'a kofta nehianki korera osuo. Sata'a hanige'za mago'a nagatamia avare'za kina hunente'za, reramahe'za kesageta 10ni'a gnamofo agu'afi knazana erigahazanki, kazigazi huta nevuta ome frisagena, Nagra asimu erino mni fetori tamamigahue.

Revalesen-Hufo Hu'ne 21:8

Hagi koro vahe'ene, zamentinti nosnaza vahe'ene, hi'manage zmavuzmavama nehaza vahe'ene, vahe zamahe nefriza vahe'ene, monko avu'avazamoma antahintahifima nentahiza, monkozama nehaza vahe'ene, avuatga ha' nehaza vahe'ene, havi anumzante mono hunentaza vahe'ene krunage nehaza vahe'mo'za, mizama erisazana, havere tevava nehia teve tirupi manigahaze. E'i nampa 2 fri'zane.

Revalesen-Hufo Hu'ne 22:15

Hagi avuatga ha' nehza vahe'mo'zane monko'za nehaza vahe'mo'zane vahe zmahe nefriza vahe'mo'zane, havi anumzante mono hunentaza vahe'mo'zane, krunage huzanku zmavenesiza, krunage nehaza vahe'mo'zane, kragna vahe'mo'za ana kumapi ovu'za fegi'a manigahaze.

Revalesen-Hufo Hu'ne 9:11

Hanki zamagrira mago kinimo kegva huzmante'ne, ana kinia ariga omne kerimofo kva ankeronkino, agi'a Hibru kefina Abadonie (fri'ne hune) huza nehaze. Mikaza eri havizahu nere nehu'za, Griki kefinena Apolonie huza agi'a neheze.