Joni 8:42 - Kamano

⁴² Jisasi'a anage huno zamagrira zamasmi'ne, Anumzamo'ma tmagri nerfa'ma mani'neasiana, tamagra Nagrira navesi nantasine, na'ankure Nagra efore hu'noana, Anumzamo hunantege'na e'noe. Nagrani'a navesitera ome'noe, hagi Anumzamo hunantege'na e'noe.

Anumzamofo Routage Avantafere

⁴² Jisasi'a anage huno zamagrira zamasmi'ne, Anumzamo'ma tamagri nerfa'ma mani'neasiana, tamagra Nagrira navesi nantasine, na'ankure Nagra efore hu'noana, Anumzamo hunantege'na e'noe. Nagrani'a navesitera ome'noe, hagi Anumzamo hunantege'na e'noe.

Joni 8:42 ပူးပေါင်းရင်းမြစ်များ

Joni 1:14

Ana Kemo vahe fore huteno, tagri'ene mani'ne. Agri msazama'a tagra ke'none, magoke ante'nea Ne'mo hanave'ane msa zama'a Nefantegati e'ne. Asunku zamo'ene tmage kemo'a avite'nea Nere.

Joni 12:49

Na'ankure Nagrani'a antahintahifinti ama nanekea nosue, hianagi Nfanimo Agra hunantege'na e'nomo, zamasmio hianke ana naneke'age nehue.

Joni 13:3

Jisasi'a antahi'ne, Nefa'a maka'zana Agri azampi ante'ne, Anumzamofonteti e'neankino, ete Anumzamofonte vugahie.

Joni 14:10

Nenfampi Nagra manugeno, Nenfa'a Nagripi mani'ne hua kegura, nahigenka kmentintia nosane? Nagra nagesafinti kea kagrira nonkasmue, hianagi Nenfa'a nagu'afi mani'nemo, Agra kaguvaza hu eri'za e'nerie.

Joni 16:30

Tagra menina antahi'none, Kagra maka'zana antahi'nane, mago zankura vahe'mo'a kagenoka osugahie. E'ina'ma hanazante tagra tamentinti nehuta, Anumzantegati e'nane huta nehune.

Joni 17:25

Fatgo Nenfaga, kokankoka vahe'mo'za kage'za antahi'za osu'gahazanagi, Nagra kage'na kantahi'na hu'noe, hagi amama namage'nentaza naga'moza antahi'za, Kagra huntankeno e'ne hu'za nehaze.

Joni 17:8

Na'ankure Kagrama nasmi'nana kea Nagra zamasmi'noe. Zamagra anankea eneri'za Nagrikura tamage Agriteti e'ne nehu'za, Agra huntegeno e'ne hu'za zamentinti nehaze.

Joni 3:17

Na'ankure Anumzamo Mofavre'a huntegeno ama mopafima e'neana, mopafi vahe refko hinogu huntegeno ome'ne. Hagi Agripinkati vahe'mo'za zamagu'vazizana erisaze huno huntegeno erami'ne.

Joni 5:23

Ana hina maka'mo'za Nemofo agi'a erisaga hugahaze. Nefa agima erisaga nehza kna hu'za, aza'o Nemofo agima erisaga osnimo'a, huntegeno'ma e'nea Nefana, anazanke huno agi'a erisaga nosie.

Joni 5:43

Nagra, Nenfa agifi e'nogeta tamagra nonavraze, hagi mago'mo agra agire'ma esnimofona ame huta avregahaze.

Joni 8:14

Jisasi'a anankemofo nona'a amanage huno zamasmi'ne, e'ima Nagrama ke huama Nagragu'ma nehuana, Nagri nanekemo'a tamage, na'ankure Nagra igati e'na, ete'na iga vugahuo, Nagra antahi'noe, hianagi Nagra igati e'na, iga Nagra vugahuo tamagra ontahi'naze.

1 Korinti 16:22

Hanki Ramofoma avesi ontesnimo'a, sifnafi manino haviza hugahie. Rantimoka eno!

Galesia 4:4

Hianagi humante'nea kna fatgoma egeno'a, Anumzamo Mofavre'a huntegeno, a'mo ana Mofavre kasentegeno, kasegemofo agorga efore hu'ne.

1 Joni 4:14

Tagra negeta huama huta Nefa'a, Nemofo huntegeno ama mopafi vahe'mota tahoke heno taza hunaku e'ne.

1 Joni 5:20

Tagra antahita keta nehune, Jisas Kraisi, Anumzamofo Nemofo eno tamage Anumzana taveri hu'ne. Na'ankure antahi'none, Jisasi'ma e'neazamo tamage Anumzanehu antahintahia tamigeta, tamage Anumzane nehuta, tagra Agripina nemanita, Nemofo Jisas Kraisimpina nemanune. Tamage Anumzane nehuta manivava asimure huta nehune.

Revalesen-Hufo Hu'ne 22:1

Anantera ankeromo'a mago ra tina avu sese huno klasigna hu'nea asimu eri tina naveri higena kogeno, Anumzamofone Sipisipi anentamofo kini trapinti hanatino ne-eno,