Joni 8:19 - Kamano

¹⁹ Zamagra amanage hu'za asmi'naze, Negfa'a iga mani'ne? Jisasi'a kenona'a zamasmi'ne, Nagri'ma onage nesnutma Nenfana antahita keta osugahaze, hagi tamagra ma Nagri'ma nage'anke resuta, anahu kna hutma Nenfana kegahaze.

Anumzamofo Routage Avantafere

¹⁹ Zamagra amanage hu'za asmi'naze, Negafa'a iga mani'ne? Jisasi'a kenona'a zamasmi'ne, Nagrira nageta antahita osu'nazankita Nenfana antahita keta osu'naze. Hagi tamagrama Nagri'ma nage'anke resuta, anahu kna hutma Nenfana kegahaze.

Joni 8:19 ပူးပေါင်းရင်းမြစ်များ

Matiu 11:25

Ana knazupa Jisasi anage huno nunamuna hu'ne, Nenfaga monane, mopamofo Ra mni'nane, susu huna musenke hugantoe antahi'zane vahe manita, antahi ankerenone nehaza vahetera, eri frakinenka, osi mofavre'gna hu'naza vahete eri ama hu'nane.

Joni 1:10

Ama mopafi Agra mani'ne, hagi Agra'a ama mopa tro hu'ne hu'neanagi, ama mopafi vahe'mo'za Agrira antahi'za ke'za osu'naze.

Joni 1:18

Mopafi vahe'mo'a magore huno Anumzana onketfa hu'ne. Anumzamofo mofavre magoke mani'neno, Nfa'amofo asumpinka mani'ne, Agra'a Anumzana mani'neno huama hu'ne.

Joni 15:21

Hianagi Nagri nagimo tmagripi me'nenigeno'a, e'ina hu'zana hurmantegahaze, na'ankure hunantege'na e'nomofona ke'za antahi'za osu'nagu ana hurmategahaze.

Joni 16:3

E'ina hu'za zamagra hurmantegahaze, na'ankure Nenfane Nagri enena ontahi'nagu anara hurmantegahaze.

Joni 17:3

Ama'i manivava mani'zane hu'za, zamagra kage'za antahi'za nehu'za, magoketfa tamage Anumzane nehu'za, Jisas Kraisi huntankeno e'ne hugahaze.

Joni 7:28

E'i anage nehzageno Jisasi'a ra mono kumapinti (tempol) kezatino rempi hunezmino anage hu'ne, Tamagra, Nagri ene, inantegati Nagra e'noe tarezana hago antahita, ke'naze. Hagi Nagra navesitera ome'noe, hianagi aza'o hunantege'na e'nomo, Agrake tamage nere, tamagra ana nera onke'naze.

1 Korinti 15:34

Tamagra knare antahintahi enerita kumira osiho. Na'ankure mago'amotma Anumzamofona keta antahita osu'nazagu, ama kema nehuana tamagaze hinogu nehue.

Galesia 4:9

Hianagi menina Anumzamofona keta antahita hazageno, Anumzamo'enena tamagrira tamegeno antahino hu'neanki, nahigeta tamagena hunemita, haviza huno hanave'a omne avamute nehuta, mago'ane kazokzo eri'za vahe'a manisune huta nehazo?

Efesasi 1:17

Ana nehugeno Ranti Jisas Kraisi Anumzamo, so'e hihamu'ane msamofo Nfa'amo, knare antahi'zane, tamagu tamagesane, tamage ke'a huama hu antahi'zamofo avamura tamisnigeta Agrira antahita keta nehuta, avamupina ra hugahaze.

Kolosi 1:10

Ana nehutma tamagra hakare'zama hanaza zamo'a, Ramofo avurera knare nehuno, Ramofona ragi amisageno, ana miko knare erizantimo'a rga renentenkeno, Anumzamofo knare antahizampi hageta mrerigahaze.

Kolosi 1:15

Kraisi'a onkenona Anumzamofo amema'agino, ana miko'zama Anumzamo'ma tro hunte'nea zantamimofona Agra e'se mofavre mani'ne.

Hibru 1:3

Ne'mofavre'amofompi Anumzamofo msazama'amo'a remsa nehigeno, Agrikna huno mani'neno, Agri'a hanave ke'areti maka'zana erigasefa huno nevuno, kumi'ma eri agruhu eri'zama eriteno, Marerisgahu Anumzamofo azantamaga kaziga monafinka mani'ne.

1 Joni 2:23

Iza'o Nemofoma onke'noe huno hufrakisimo'a, Nefana ovare'ne. Aza'o nemofonku huama hanimo'a, Nefana avare'ne.

1 Joni 5:20

Tagra antahita keta nehune, Jisas Kraisi, Anumzamofo Nemofo eno tamage Anumzana taveri hu'ne. Na'ankure antahi'none, Jisasi'ma e'neazamo tamage Anumzanehu antahintahia tamigeta, tamage Anumzane nehuta, tagra Agripina nemanita, Nemofo Jisas Kraisimpina nemanune. Tamage Anumzane nehuta manivava asimure huta nehune.

2 Joni 1:9

Iza'o ugoteno nevuno, Kraisi'ma rempima hu'nea kefima omanisimo'a, Anumzamofona avareonte'ne. Iza'o Jisasi'ma rempima hu'nea kefima manisimo'a, Nefane Nemofonena avarente'ne.