Joni 6:40 - Kamano

⁴⁰ Na'ankure Nenfa avesi'zana amanahu hu'ne, maka'mo'za Nemofo nege'za Agrite zamentinti huntesamo'za manivava zamasimu erisage'na, vgamaresia knarera Nagrani'a azeri otigahue.

Anumzamofo Routage Avantafere

⁴⁰ Na'ankure Nenfa avesi'zana amanahu hu'ne, maka'mo'za Nemofo nege'za Agrite zamentinti huntesamo'za manivava zamasimu erisage'na, vagamaresia knarera Nagrani'a zamazeri otigahue.

Joni 6:40 ပူးပေါင်းရင်းမြစ်များ

Matiu 10:15

Tamage hu'na neramasmue, Anumzamo'ma keagama refako huzupa, Sodomune, Gomora kumate korapa hu'neazana, agatereno ranknaza erigahie.

Matiu 25:46

Hanige'za ana vahe'mo'za manigane'za mani'vava zamatazampi vugahaze. Hianagi fatgo vahe'mo'za mani'vava mani'zampi vugahaze.

Maki 16:16

Hagi iza'o Nagriku amentinti nehuno, mono ti fre snimofona Anumzamo'a agu'vazina knare huno manigahie. Hianagi iza'o amentinti osanimo'a, keagafi manino fanana hugahie.

Luku 2:30

Na'ankure tahokeno taza hanimofona, nagra navunu koe,

Joni 1:14

Ana Kemo vahe fore huteno, tagri'ene mani'ne. Agri msazama'a tagra ke'none, magoke ante'nea Ne'mo hanave'ane msa zama'a Nefantegati e'ne. Asunku zamo'ene tmage kemo'a avite'nea Nere.

Joni 10:28

Nagra, mani'vava zamasimura nezmue. Hagi zamagra fanene osugahaze. Mago ne'mo'a nazampintira ohanaregahie.

Joni 11:24

Mata'a amanage huno Jisasina asmi'ne, nagra antahi'noe, henkama otisaza zupa vgare knarera, agra otino asimu erigahie.

Joni 11:25

Jisasi'a amanage huno Matana asmi'ne, Fripinti otino asimu erino mani'zamofo agafa'a Nagra mani'noe, iza'o Nagrite'ma amentinti hanimo'a, frigahianagi asimu erino manigahie.

Joni 12:45

Iza'o Nagri'ma nenagemo'a, hunantege'na e'nomofo nege.

Joni 12:50

Nagra antahi'noe, e'i Agri kasege'a manivava asimure, e'ina hu'negu Nagrama nehua kea Nenfa'ma huoma hia ke'age nehue.

Joni 14:17

E'i ana tmaza hu'zana tamage Routge Avamure, ama mopafi vahe'mo'za e'origahaze, na'ankure zamagra ke'za antahi'za osu'naze. Hianagi tamagra Agrira (Avamura) antahi'naze, na'ankure Agra tamagra ne mani'neno, tmagu'afi manigahie.

Joni 14:19

Osi'a knafi mopafi vahe'mo'za Nagrira onagegahaze, hianagi tamagra Nagrira nagegahaze. Na'ankure Nagra mani'noankita, tamagra nena anahu kna huta manigahaze.

Joni 17:2

Maka vahete kvahu hihamu ami'nane, ana hankeno maka ami'nana vahera, Agra zamaza huno manivava mani'za zamigahie.

Joni 3:36

Aza'o Nemofonte amentinti hanimo'a manivava asimu erigahie. Hagi iza'o Nemofo kema rutagresimo'a asimura e'origahie. Hanki Anumzamofo tusi'a rimpahe knazamo agrite megahie.

Joni 4:14

Hianagi izano Nagrama amisua tima nesuno'a, mago'ene tinkura ave'osigahie. Hianagi Nagrama aminaku nehua timo'a, kampu'i timo hiaza huno agu'afi me'neno, evava nehuno manivava asimu amigahie.

Joni 5:24

Nagra tamage hu'na neramasmue, aza'o Nagri nanekema nentahino hunantege'na e'nomofonte amentinti hanimo'a, manivava asimu enerino, vahe'ma refko hania knafina, fri'zana agtereno asimu erino manigahie.

Joni 6:27

Fanane hania ne'zantera eri'zana e'oriho. Hagi fanane osu manevava hanaza ne'zanku nentahita eri'zana eriho, e'i ana ne'zana Vahe'mofo Mofavremo tamigahie. Na'ankure Nefa, Anumzamo azanko avoma'a retro huno Agri hugnare hunte'ne.

Joni 6:39

Anumzamo hunantege'na Nagra e'nomofo avesira anahu hu'ne! Nagri'ma maka vahe'ma nami'nefintira mago'moe huno fnane osugahie, hagina vgare knarera zamazeri otigahue.

Joni 6:44

Mago'mo'a Nagritera omegahie, Nenfa'ma hunantege'na e'nomo agu'a avazu hanigeno Nagrite esige'na, vgare kna zupa azeri otigahue.

Joni 6:54

Mago'mo, Nagri navufa neneno, Nagri kora nesimo'a manivava asimu erisanige'na, Nagra vgare knazupa azeri otigahue.

Joni 8:56

Neramafa Abrahamu'a Nagri kna kenaku muse nehuno, keteno tusi'a muse hu'ne.

Romu 5:21

Ana hukna huno kumimo miko vahera kegva hu'neno fri'zana avrezamigeno, menina Anumzamofo knare asunku'zamo fatgo avu'avazana eritamisigeno, Jisas Kraisi Rantimofompinti manivava asimura erigahune.

Romu 6:23

Na'ankure kumimofo mizana fri'zane. Hu'neanagi Anumzamofo muse'zana, Kraisi Jisasi Rantimofompi mago'za hunterompge, amne manivava asimura tamine.

2 Korinti 4:6

E'ina hu'negu korapara Anumzamo huno, hanimpina tavimo'a remsa hino hu'nemofo masamo, tagrite emani'neno tavi'a taguafina remsa nehigeta, tagra Jisasi Kraisi avugosa negeta, tagra tusi'a msane hanavene ke'noe.

Hibru 11:1

Amentintima hu'zana, onke'nona zamofo tamage huno fore hugahie huta amuhama nehuna zane.

Hibru 11:27

Mosese'a amentinti hu'negu kini ne'mo'ma arimpa ahentezankura koro osu Isipi mopa atreno vu'ne. Na'ankure agra onkenemofonte avuraga kenteno kazigazi huno vu'ne.

1 Pita 1:8

Hanki tamagra Agrira onke'nazanagi avesinentetma, menina Agrira onkenazanagi, Agritera tamentinti nehuta, tusi musenkase hunteta agi'a erisaga nehaze.

1 Joni 2:25

Agra'ama huvempa kema hurante'neana, mani'vava asimu erigahaze huno hurante'ne.

Juti 1:21

Hagi Anumzamofo avesizampi nemanita, Rantimo Jisas Kraisi asunku zampima manivava manizama tamikema hu'nea zankura tamavresra osu avega anteho.