Joni 5:46 - Kamano

⁴⁶ Hianagi tamagrama tamage hutma Mosesente'ma tamentinti hunetasina, Nagrite ene tamentinti hazasine, na'ankure agrama kre'neana, Nagriku huno kre'ne.

Anumzamofo Routage Avantafere

⁴⁶ Hianagi tamagrama tamage hutma Mosesente'ma tamentinti hunetasina, Nagrite ene tamentinti hazasine, na'ankure agrama kre'neana, Nagriku huno kre'ne.

Joni 5:46 ပူးပေါင်းရင်းမြစ်များ

Jenesis 12:3

Kagri'ma asomu hugantesimofona Nagra asomu huntegahue. Hianagi aza'o kagrima kazeri haviza hnimofona, Nagra azeri haviza hugahue. Maka mopafi naga'mo'za kagriteti asomu erigahaze.

Jenesis 18:18

Tamage huno Abrahamumpinti tusi'a hanvenentake vahe fore hu'za kuma ante'za manigahaze, ama mopafina mika kumate vahe'mo'za agripinti asomura erigahazanki,

Jenesis 22:18

Na'ankure kagri kagehe'impinti ama mopafina mika zamageru'ene vahemo'za asomu erigahaze na'ankure, nagri ke'mofo avriri nankure.

Jenesis 28:14

Kagripinti'ma fore hnaza vahe'mo'za kasepakna hu'za fore huhakare hu'za manigahaze. Zge fre kazigane, zge hanati kazigane, ruga raga agentega vu'za e'za hu'za mani titipa hu'za manigahaze. Kagri ene kagehe'impinti ama mopafi vahe'mo'za asomura erigahaze.

Jenesis 3:15

Nagra kagrira kazeri'na a'mofo ha' vahe'a antesugeno, a'mo kagri ha' vahe manigahie. Hanigena Nagra tanagigomokizmi amunopina ha'za antesugeno a'mo ksentesia mofavremo kaseni reproro vazina, kagra agamerumpafi amprigahane.

Jenesis 49:10

Judaga kva vahe'mokizmi azompa kagripi mevava hugahie. Kva vahe azompamo agiarere amunompi me'nesigeno, Nafa'amo henka Sailo ehnatigahie, Hanige'za hakare ranra kumate veamo'za agri ke erizafa hugahaze.

Luku 24:27

Huteno anante agafa huno, Mosesinteti vuno maka kasnampa vahe'mozama, Agrikuma huza krentenaza kea znasamime vu'ne.

Joni 1:45

Filipi'a, Natanieli'e nehaza ne' kefore huteno amanage huno asmi'ne, Mosesi ene Kasnampa vahe'mo'zama avo tafepima agenke'ama krente naza Ne'ma, Nazareti kumateti Josefe nemofo Jisasi'e hu'naza nera hago hakreta erifore hu'none, huno asmi'ne.

Joni 5:47

Hianagi Mosesema kre'nea nanekema tamentinti osnutma, inankna huta tamagra Nagri nanekegura tamentintia hugahaze?

Aposol 26:22

Anumzamo'a nagrira naza hiazana keme e'na ama knarera oe. Hagi ama oti'na mika vahera osi'mofonteti vuno ramofonte'ma vu'neana, nagra huama hu'na nezmasmue. Mago'a kea nosuanagi, Mosese'ene, kasnampa vahe'mo'zama hu'za, e'inahu'zana fore hugahie hu'naza'zamo fore nehie.

Romu 10:4

Na'ankure miko kasegemofona, Kraisi'a emeri knare huvgarene. E'i ana agafare iza'zo Agrite'ma zamentintima hanamo'za Anumzamofo avurera fatgo vahe manigahaze.

Galesia 2:19

Na'ankure kasegemo'a fri kante navrentege'na, kasegefina ko fri'noanagi, menina ama kanteti Anumzanena nasimu eri'na mani'noe. Nagrira Kraisi'ene rugeka zafare nahe'za hantizage'na, Agrane ko fri'noe.

Galesia 3:10

Na'ankure kasegema avaririzante Anumzamo'a muse hunantegahie hanimo'a, kazusifi mani'ne. Anumzamofo avontafepina anage hu'ne, mika vahe'mo'za mika kasegema amage'ma ontesnamo'za kazusifi manigahaze hu'ne. (Diu-Kas 27:26)

Galesia 3:13

Kasegemofo kazusifintira Kraisi'a mizaseranteno taza hu'neankino, ana kazusia Agra'a erino taza hu'ne. Na'ankure anage huno avontafepina krentene, maka vahe'mo'za keka zafare'ma hanti'nesamo'za kazusifi mani'naze hu'ne. (Diu-Kas 21:22, 23)

Galesia 3:24

E'ina hu'negu kasegemo'a kvagriranteno Jisas Kraisi knare ehnati'neankita, tagrama tamentinti hanuta Anumzamofo avurera fatgo vahera manigahune.