Joni 5:44 - Kamano

⁴⁴ Tamagra inankna huta tamentintia hugahaze, tamagri'ma ru vahe'mo'za tmagima erisaga nehazana, magoke Anumzamo tmagri'ma muse hurmante'sia zankura ohakre'gahazo?

Anumzamofo Routage Avantafere

⁴⁴ Tamagra inankna huta tamentintia hugahaze, tamagri'ma ru vahe'mo'za tamagima erisaga nehazana, magoke Anumzamo tamagri'ma muse huramante'sia zankura ohakre'gahazo?

Joni 5:44 ပူးပေါင်းရင်းမြစ်များ

Matiu 23:5

Ana mikazama nehzana vahe'mo'za zmagehogu zmagra ana nehaze. Na'ankure zamagra osi nunamu vogisifina mago'a mono kea kre vazite'za, zmazante'ene kokovite'ene anaki'za nofi arente arente zaza kukenare nehaze.

Luku 19:17

ana ne'mo'a anage huno asami'ne, so'e hunka eri'za erinane, knare eri'za nemoka, na'ankure osi'zante knare hunka kegva hu'nanku, menina 10ni'a rankuma kegva hugahane higeno,

Joni 12:43

Na'ankure vahe'mo'za husga huzmante zanku nehu'za, Anumzamo husga huzmante zankura ontahi'naze.

Joni 17:3

Ama'i manivava mani'zane hu'za, zamagra kage'za antahi'za nehu'za, magoketfa tamage Anumzane nehu'za, Jisas Kraisi huntankeno e'ne hugahaze.

Joni 3:20

Aza'o hvizama nehia vahe'mo'a, tvi'mofona zamesra hunente'za, msarera nomaze. Na'ankure haviza nehazazamo eama huzanku nomaze.

Joni 5:41

Nagrira vahe'mo'za nagi erisaga (glori) hihogura nosue.

Joni 8:43

Nahigeta kema hua nanekea antahi amara nosaze? Na'ankure Nagrama hua nanekea antahi ama nosazagu, ana nehaze.

Romu 2:10

Hu'neanagi masanentake avasesezama, ragi eri'zama, rimpa fruzana makama knare'zama nehza vahe Anumzamo'a zamigahie. Esera Jiu vahe zamiteno, anantera anahukna huno megi'a vahera zamigahie.

Romu 2:29

Tamage Jiu vahema mni'nakuma hanuza, kasegemofo amage antegahaze. Tamage oku avufgama tga huzana agu'afi tumo'amofo Anumzamofo Avamumo erifore hugahianki, amega avufgare erifore osugahie. E'inama nehaza vahe'mo'za vahe'mofo tegatirompage, Anumzamofontegati ra zmagima erisaza zanku nehakaze.

Romu 2:7

Iza'zo knare zamuzma huvava hu'za nevu'za, ra zmagima erisagu nehake'za, himamu hankave erisigu nehake'za, haviza osniazanku nehakesamokizmia, Anumzamo manivava zmasimura zamigahie.

1 Korinti 4:5

E'ina hu'negu refko osuta atreta avega ante'nenkeno, huhamprinte'nea knama Ramo'ma esuno'a, Agra hanimpi oku'a frakino vahe'mofo tumopi me'neasizana, emeri ama nehuno, vahe'mofo agu'afi me'nesiazana eriama hugahie. E'i anankna magoke magoke'mofona, Anumzamo huzmasga huzmantegahie.

2 Korinti 10:18

Na'ankure agra'agu knare hu'noe huno nehimo'ompage, Anumzamo'ma hu izo hu'nesimoke agra'agura musena hugahie.

Filipai 2:3

Inankna zama hanaza zantera ra tamagesa ontahita, tamagragukera ontahiho. Hagi tamavufa anteramita, rumofona antahi nemita husga huzmanteho.

1 Tesalonaika 2:6

Tagrama nehunana, tamagro, mago'a vahe'mo'za tagi erisga hurantesazegu nosune.

1 Timoti 1:17

Menine maka knafi manivava nehia Kini nera, ofrino, vahe'mo onke, magoke Anumzana, konariri'ane manivava hugahie. Tmage.

Hibru 3:12

Nafuheta kva hu'neta kumi'mo'ene tamentinti osu'zamoma asimu anteno mni'nea Anumzamofonteti'ma, tamavretre zankura magoke magokemotma kva hiho.

Jemisi 2:1

Nafuhete, hanavenentake msa'ane Rantimofo Jisasi Kraisimpi tamentinti nehaza vahe'motma, rezogitma mago vahekuke tamavesi onteho.

1 Pita 1:7

ana knazamo'a tamentintimofona azeri ama huno, kolima tevefi kre agru huno azeri henteofaza hiankna nehiankino, tamentintimo'a koli'a agaterene. E'ina hu'negu ruzahu ruzahu knazama e'nerisageno, tamentintimo'ma hanavematino mesiana, Jisasi'ma eama hania knazupa, husga huramanteno, ra tamagia tamigahie.

Juti 1:25

Ramo, Jisas Kraisimpi tagu'vazino taza hu'nea Nera, Agrake Anumzamo mani'ne, Tamage. Msazanki, ra agigi, hanavegi, kavatia Agrake korapara mani'neankino menina mani'neno, henka manivava huno vugahie. Tamage.