Joni 4:34 - Kamano

³⁴ Jisasi amanage huno zamagrira zamasmi'ne, Nagri ne'zana aza'o hunantege'na e'nomofo avesite eri'zama'a eri vgare snugu hunantege'na e'noe.

Anumzamofo Routage Avantafere

³⁴ Jisasi'a amanage huno zamagrira zamasmi'ne, Nagri ne'zana aza'o hunantege'na e'nomofo avesite eri'zama'a eri vagaresanugu hunantege'na e'noe.

Joni 4:34 ပူးပေါင်းရင်းမြစ်များ

Matiu 26:39

Osi'a vu ogamnu'a atreno avugosaregati mopafi unemaseno, Anumzamofontega nunamu huno, Nfa'nimoka knare'ma hu'nesiana, ama'i knazana eri atrenanto. Hu'neanagi Nagri navesira ovaririo. Kagri kavesizamo forehino.

Matiu 3:15

Hianagi Jisasi ke nona'a Jonina asmi'no, Menina amne fre nantegahane, na'ankure tagrati'a e'inama hanu'ana fatgo avu'avaza hugahue, higeno Joni'a Agri ke antahino,

Matiu 9:19

Higeno Jisasi'ene Agri amage nentaza disaipol naga'mo'za otiza ana ne' avariri'za amage vu'naze.

Luku 15:10

Hanki amanage hu'na neramasmue, anahu kante mago kumi vahe'mo'ma agu'ama rukrahe'ma nehige'za, Anumzamofo ankeromo'za tusi muse nehaze.

Luku 19:10

Na'ankure vahe'mofo Mofavremo'a, fanane hu'naza vahe hakeno zmavarenaku e'ne.

Luku 2:49

Hianagi Jisasi'a kenona huno, nahigeta Nagrikura nehaka'e? Nafa'nimofo nompi manigahuanki tanagra ontahina'o?

Joni 17:4

Nagra ama mopafi Kagri kagi eri ra hu'na, Nagri'ma eri'za erio hunka nami'nana eri'zana hago eri vgare'noe.

Joni 19:28

Anama huteno'a, Jisasi antahino keno hiama maka'zamo hago vgaregeno, Anumzamofo avontafemo hu'nea kea eriknare huteno, tinku navenesie, huno hu'ne. (Sam-Zga 69:21)

Joni 19:30

Ana hzageno Jisasi'ma ana akake waini tima neteno'a, Agra hu'ne, Ha vgare! nehuno Agra kepri huno avamu'a atre'ne.

Joni 4:32

Hianagi Jisasi'a zamasmi'no, Nagrama nesua ne'zama me'neana tamagra onke'naze, huno zamasmi'ne.

Joni 5:30

Nagra navesitera mago'azana osugahue. Anumzamofo ke nentahi'na anante zganena refko nehue. Ana kema refko'ma huana mago kante ante'na nezganoe. Na'ankure Nagra navesi'zantera kenontoe, hagi Agrama hunantege'na e'nomofo avesite refkoa nehue.

Joni 5:36

Hianagi Nagrama hanua navu'navamo'a, Joni'ma hu'nea avu'avazana agtere'ne. Na'ankure Nenfa'ma nami'nea eri'za Nagra eri vgaresnugu e'nerue, ana eri'zama e'nerua eri'zamo, Nagrira eriama hugahie, na'ankure Nfa'nimo hunantege'na e'noe.

Joni 6:33

Na'ankure Anumzamofo bretia e'i ama monafinti erami'neankino, miko mopafi vahera zamasimu zamigahie.

Joni 6:38

Na'ankure Nagra monafinti erami'noe, Nagra navesi'za hunaku ome'noe, hagi hunantege'na e'nomofo avesite erinaku e'noe.

Joni 8:29

Anumzamo hunantege'na e'nomo, Nagrane nemnie, Agra natrege'na Nagrakera nomanue. Na'ankure Nagrama, Agri avesizama huvava huazankura, Agra muse nehie.

Aposol 20:35

Ana mika zampina nagra ko hugaveri'noe, anahu'ma hunka hanavetinka eri'zama erisanana, hanave'a omane vahera aza nehunka, Ramofo Jisasinkere kagesa antahio, Agra'a anage hu'ne, ami'zamofo asomumo'a, eri'zamofona agatere'ne hu'ne.

Hibru 12:2

Tagra tavuraga Jisasinte kentesune, tamentintima azeri knarema huzamofo agafa'a mani'ne. Na'ankure Agranena musezamo avega'antenegeno, agazegura osuno kazigazi huno knazana erino keka zafarera vuteno, menina Anumzamofo azantamaga kaziga mareri agaterenea tratera mani'ne.