Joni 2:10 - Kamano

¹⁰ maka vahe'moza pusante knare wainia tgi zamige'za kema hazage'za, aza vahe'moza netageno, anante evurami'nea waini'a tgi zamige'za nenaze. Nehazanagi kagra knare wainia ante'nanteti menina eri fore hane!

Anumzamofo Routage Avantafere

¹⁰ maka vahe'mo'za pusante knare wainia tagi zamige'za kema hazage'za, aza vahe'mo'za netageno, anante evurami'nea wainia tagi zamige'za nenaze. Nehazanagi kagra knare wainia ante'nanteti menina eri fore hane!

Joni 2:10 ပူးပေါင်းရင်းမြစ်များ

Jenesis 43:34

Josefe itareti eri'za vahemo'za nezana refko huza afuhe'i ome ante nezmante'za, Benjameni tafepina 5fu'a vahe'mo'za nega neza antente'naze. E'ina hige'za magopi mani'ne'za knare hu'za ne'zane, tine nene'za muse hu'naze.

Matiu 24:49

agra agafa huno, magoka eri'za e'neriza kazokzo eri'za vahe nezmaheno, aka ti ne'za neginagi nehaza vahe'ene ne'zane, tinena ne'ne.

Luku 12:45

Hianagi ana kazokzo eri'za ne'mo agu'afi huno, kvanimo'a zaza kna maniteno egahie nehuno, agafa huno eri'zama eneriza kazokzo eri'za vene'nene, a'enene nezmaheno, nezana neneno, aka ti neno neginagi nehuno,

Luku 16:25

Abrahamu'a amanage huno asmi'ne, Mofavre'moka kagesa antahio. Mopafi mani'nenka knare zampi mani'nankeno Lasarusi'a haviza huno mani'ne. Hu'neanagi menina Lasarusi'a fruzampi emani'negenka kagra kata zampi mani'nane.

Aposol 2:15

Amama kema nehaza zanku'ma tamagesa hakare nehazana, menina nantera 9 kiloki hu'neanki'za, zamagra negi tina one'naze.

1 Korinti 11:21

Na'ankure tamagrama ne'zama neneta ruga'amokizmigura zmavegaonte ko nenaze. Mago amo'za zamaga ene nemanizageno, mago'amo'za negi ti nene'za tusi neginenaze.

Efesasi 5:18

Waini tina netma negia oneho, na'ankure anazamo tamazeri haviza hugahie. Hianagi atrenkeno Avamu'mo tamagu'afina avitena,

1 Tesalonaika 5:7

Na'ankure zmavuma masaza vahe'mo'za kenegeke nemasageno, aka tima nenaza vahe'mo'za, kenegeke aka tina nene'za neginenaze.

Revalesen-Hufo Hu'ne 17:2

Ana a'ene maka mopafi kini vahe'mo'za, rama'a monko zmu'zmaza nehazageno, mopafima mni'naza vahe'mo'za, ana a'mofo havi avu'avazamofo waini ti neza neginagi hu'naze.

Revalesen-Hufo Hu'ne 17:6

Hanki negogeno ana a'mo'a Anumzamofo nagamokizmi korane, Jisasi agi agenkema huamama nehza nagamokizmi korana ne'neno neginagi nehigena, negena nagra tusiza hu'na antri hu'noe.