Joni 17:22 - Kamano

²² Kagrama hanavema Nagri nami'nana hanavea, Nagra zamagri zami'noe, ana hanuge'za zamagra mago hu'za manisaze. Tagrama mago huta mani'no'a kna hu'za manisazegu zami'noe.

Anumzamofo Routage Avantafere

²² Kagrama hanavema Nagri nami'nana hanavea, Nagra zamagri zami'noe. Tagrama mago huta mani'no'a kna hu'za manisazegu zami'noe.

Joni 17:22 ပူးပေါင်းရင်းမြစ်များ

Maki 6:7

Jisasi'a 12fu'a amage nentaza disaipol naga zamagi hige'za ageno, tare tare huno hunezmanteno, agru osu havi avamu humazmante hihamu zami'ne.

Luku 22:30

anahukna hutma tamagra Nagri kumapina, Nagrane kini trate maninetma, tine nezane nenetma, Israeli vahe'mokizmi 12fu'a naga nofimofona kini trate maninetma refko huzmantegahaze.

Joni 1:14

Ana Kemo vahe fore huteno, tagri'ene mani'ne. Agri msazama'a tagra ke'none, magoke ante'nea Ne'mo hanave'ane msa zama'a Nefantegati e'ne. Asunku zamo'ene tmage kemo'a avite'nea Nere.

Joni 1:16

Higeta tagra ana maka'mota hakare zana Agripi avitenefinti eri'none, asunku huranteno muse zama'a agumpi agumpi huno neramie.

Joni 14:20

E'i ana knazupa, tamagra antahigahaze Nagra Nenfana agu'afi mnugeta, tamagra Nagri nagu'afi manisagena, Nagra tmagri tmagu'afi manigahue.

Joni 17:24

Nenfaga, Nagri'ma nami'nana vahe'zga, Nagrama manisufi manisazegu navenesie, ana hu'ne'za Nagri'ma nami'nana hanavea kesaze, na'ankure Kagra korapa mopa omne'nea knafi, Nagrite kagu'a antenka hanavea nami'nane.

Aposol 5:41

Hige'za aposol nagamo'za ana kanisol naga zamureti'ma zamatre'za nevu'za, Anumzamofo avure mani'neta Jisasi agire'ma eriga knaza erune, nehu'za muse hume vu'naze.

Romu 8:30

Huhamprima nezamanteno'a, Agrite ehogu ke hu'ne, Agra'a fatgo vahere huno hunezmanteno, Agra'a zamazeri antesga huno ra zamagi zami'ne.

2 Korinti 3:18

Hianagi miko tavugosa refi'ote vahe'mota, Ramofo msazama'amo'a tagrite remsa nehigeta, kapomo hiankna huta remsa huta Agri'kna hunkeno, Ramo'a avamukino, agri msazamo'a mago'ane tagripina remsa nehie.

2 Korinti 5:20

E'ina hu'negu tagra Kraisi agi erita mani'none. Higeno Anumzamo'a vahe'agura tagripi huvazino kea nehie. Ana hita tagra Kraisinku huama nehanunketa tamagra Anumzamo'enena erimago hugahaze.

2 Korinti 6:1

Tagra eri'zama e'nerunana magoka Anumzamo'ene e'neruna nagamota hankavetita neramasmune, Anumzamofo asunku'zana eriteta, atrenkeno amnezanknara osino.

Efesasi 2:20

Aposol naga'ene kasnampa naga'mo'za, tra' zafagna hu'naze. Krais Jisasi'a Agra nomofo renagentete tra havegna hu'ne.

Filipai 1:29

Na'ankure Kraisinte tamentinti nehaza zantekukera ontami'ne, hianagi Agri eri'zampi kna erisnazegu, tamaza hu'ne.

Kolosi 1:24

Tamagriku'ma hu'na natama e'neruazankura nagra muse nehue. Na'ankure Kraisi'ma atama erimete'nea zamo'a ama navufarera natazana erivinetoanki, mono kevumotma, Kraisi avufga mani'naze.

1 Joni 1:3

Keta antahita hu'nonazanku, tagra tamagri enena neramasmunankita, tamagra tagri'ene emeri mago hutma manisageta, tamage huta Nefane, Nemofo Jisas Kraisi'enena tragoteta manigahune.

1 Joni 3:24

Mago vahe'mo'ma Anumzamofo kasegema antahino avaririmo'a Anumzane manigeno, Anumzamo'a agrane nemanie. Anumzamo Avamu'ma tami'nea Avamuteti antahita, Anumzamo'a tagrane mani'ne huta hugahune.

1 Joni 4:17

Ana avesizamo'ma fatgo huno tagranema mesigeta, refkoma hania knarera, hanavetita otigahune. Na'ankure ama mopafi mani'nonanagi, Jisasikna huta fatgo huta mani'nonkeno'e.

Revalesen-Hufo Hu'ne 21:14

Ana rankumamofo keginama hu'neana, 12fu'a havenu trara anteteno, ana haveramimofo agofetu regrino kegina hu'ne. Ana 12fu'a haveramintera, Sipisipi anentamofo 12fu'a aposol nagamokizmi zmagi metere hu'ne.