Joni 16:32 - Kamano

³² Keho, knamo'a (aua) hago eno ama e'ne, mago mago'moka nonkarega nevunka, natresanke'na Nagrake manigahue, ana hugahazanagi Nagrakera omnigahue, na'ankure Nenfa'a Nagrane mani'ne.

Anumzamofo Routage Avantafere

³² Keho, knamo'a (aua) hago eno ama e'ne, mago mago'moka nonkarega nevunka, natresanke'na Nagrake manigahue, ana hugahazanagi Nagrakera omanigahue. Na'ankure Nenfa'a Nagrane mani'ne.

Joni 16:32 ပူးပေါင်းရင်းမြစ်များ

Matiu 26:31

Jisasi'a amanage huno zmasmi'ne, meni kenegetfa Nagrite'ma fore'ma hania zanku natretma fregahaze. Na'ankure ko avontafepina krente'no, Nagra sipsipi kva ne' ahesuge'za sipisipi kevumo'za panini hu'za ufre efre hugahaze hu'ne. (Zek 13:7)

Matiu 26:56

Hagi ana maka zama fore hu'neana korapa kasnampa vahe'mo'za, fore hugahie hu'za kre'naza'zamo avufga'a fore hu'ne. Ananknafi amage nentaza disaipol nagamo'za atre'za fre'naze.

Maki 14:27

Jisasi'a amanage huno zamasmine, tamagra makamota natreta fregahaze. Na'ankure Anumzamofo avontafepina amanage huno krentegeno me'ne, Anumzamo'na sipsipi afu kva vahe'mofona, ahanena sipsipi'mo'za panani hu'za ufre efre hugahaze hu'ne. (Sek 13:7)

Maki 14:50

Anage nehige'za amage'ma nentaza nagamo'za, atre'za koro fre'naze.

Joni 12:23

Jisasi'a anage huno kenona zani'arera hu'ne, Vahe'mofo Mofavremo ra agi erisia kna atupa nehie.

Joni 16:2

Jiu vahe mono nompinti (sinagog) tmahe anati atregahaze, mago kna ne-eankino, tmahefrisu'za zamagesa antahisazana Anumzamofo eri'za e'nerune hu'za antahigahaze.

Joni 16:25

Nagra amanage hu'na fronka kefinti neramasmue, mago kna ne-eanki'na, ana kna zupa fronka kefintira ontamasmigahue. Hianagi huama hu'na Nenfankura tmasmigahue.

Joni 16:31

Jisasi'a kenona huno, Menina tamagra tamentinti nehazo?

Joni 19:27

Anante amage' nentea disaipoli neku hu'ne, Ko, kagri negrera'a ama'ne! Ana knareti agafa huno amage' nentea disaipoli ne'mo ana ara avreno noma'are vu'ne.

Joni 20:10

Ana huteke tarega amage' nenta'a disaipol ne'tremoke, noznirega atre'ne vu'na'e.

Joni 4:21

Jisasi'a amanage huno ana ara asmi'ne, Ama a'moka, kema hanua kerera kmentinti huo, mago kna ne'eankino efore'mahina, ama agonafino, Jerusale kumatero tamagra Nerfantera monora huontegahaze.

Joni 4:23

Hianagi mago kna ne-ea knamo'a hago menina ama fore hu'ne. Nenfama tamage mono hunteku hanamo'za, avamupi tamage avu'avateti monora huntegahaze. E'inahu hu'za mono'ma huntesaza vaheku Nenfa'a nehakre.

Joni 5:25

Nagra tamage hu'na neramasmue, knamo'a kofta huno ne-eno hago menina ama efore hu'ne, fri'naza vahe'mo'za Anumzamofo Ne' mofavremofo ageru nentahi'za, ana ageru'ma antahisnamo'za manigahaze.

Joni 5:28

Ana kegura antria osiho, na'ankure mago knama fore'ma hina kerifi asezamante'naza vahe'mo'za Anumzamofo Mofavre'agerura antahi'za,

Joni 8:16

Hianagi Nagrama mago'mofo refko huntegahue hanuana, Nagrama troma hanua antahi'zamo'a fatgo hugahie, na'ankure Nagrakera refko nosue, hianagi Nagrane hunantege'na e'noa Nenfa ene refko nehu'e.

Joni 8:29

Anumzamo hunantege'na e'nomo, Nagrane nemnie, Agra natrege'na Nagrakera nomanue. Na'ankure Nagrama, Agri avesizama huvava huazankura, Agra muse nehie.

Aposol 21:6

mani'neho huta mago mago'mokizmi hunezmanteta ventifi marerita nevunke'za, zamagra rukrahe hu'za nozimirega vu'naze.

Aposol 8:1

Stiveni'ma ahe friza zankura Solina rimpamo'a so'e hu'ne. Jerusale kumapina mono vahe'ma zamahe'zamo'a tusiza huno ana knarera avitege'za, maka vahe zgamo'za panini hu'za fre'za Judia kaziga nevazage'za, Samaria kaziga nevzage'za aposol vahe'age mani'naze.