Joni 16:27 - Kamano

²⁷ Hagi Nenfa'a tmagrira Agra'a avesinermante, na'ankure tamagra Nagrira tamavesinenteta Nagrikura Anumzamofonteti e'ne huta tamentinti hu'naze.

Anumzamofo Routage Avantafere

²⁷ Hagi Nenfa'a tamagrira Agra'a avesineramante, na'ankure tamagra Nagrira tamavesinenteta Nagrikura Anumzamofonteti e'ne huta tamentinti hu'naze.

Joni 16:27 ပူးပေါင်းရင်းမြစ်များ

Matiu 10:37

Aza'o nefano, nererama avesinte zamo'ma ra hanigeno, Nagrima avesinante zamo osima hanimo'a, Nagrima namage'ma antezantera knarera osugahie. Hanigeno aza'o ne'aguro mofa'aguma avesinte zamo'ma ra hanigeno, Nagrima avesinante zamo osima hanimo'a, Nagrima namage'ma antezantera knarera osugahie.

Joni 14:21

Iza'o Nagri kasegema amage antesimo'a, Nagrira avesinantegahie, iza'o Nagri'ma avesinantenimofona Nenfa'a agrira avesintegahie, hnige'na Nagra avesintena, Nagra'ni'a agrite efore hugahue.

Joni 14:23

Jisasi'a ana kenona'a anage huno zamasmi'ne, iza'o Nagri'ma avesi nantesimo'a, ke'nia amage antesigeno, Nenfa'a avesintena tagra, agrane emanigahune.

Joni 16:30

Tagra menina antahi'none, Kagra maka'zana antahi'nane, mago zankura vahe'mo'a kagenoka osugahie. E'ina'ma hanazante tagra tamentinti nehuta, Anumzantegati e'nane huta nehune.

Joni 17:23

Nagra zamagripi manugenka, Kagra, Nagripi mani'nane, hanige'za zamagra magoke zamarimpa hu'za manigahaze. Ana hananke'za ama mopafi vahe'mo'za nege'za, Kagra huntankeno ama mopafina e'ne hu'za nentahi sagenka, Nagri'ma kvesi nante'nana kna hunka, zamavesi zamantegahane.

Joni 2:11

Agra'a kaguva avu'ava zama'a erigafa huno Jisasi'a Galili kaziga Kana kumate nehuno, Agri'a hihamu msa zama'a eri ama hige'za, Agri amage nentaza disaipol naga'mo'za Agrite zamentinti hu'naze.

Joni 3:13

Mago'mo'a monafinka mrerino ovu'ne. Hagi Agra monafinkati'ma erami'neana, Vahe'mofo Mofavremo erami'ne.

Joni 7:29

Nagra, Anumzamofona ke'na antahi'noe, na'ankure Nagra, Agritegati Agra hunantege'na e'noe.

Joni 8:42

Jisasi'a anage huno zamagrira zamasmi'ne, Anumzamo'ma tmagri nerfa'ma mani'neasiana, tamagra Nagrira navesi nantasine, na'ankure Nagra efore hu'noana, Anumzamo hunantege'na e'noe. Nagrani'a navesitera ome'noe, hagi Anumzamo hunantege'na e'noe.

Romu 8:3

Mosese kasegemo'a tazahugara osu'ne, na'ankure amega tavufgamo kumike hianagi, Anumzamo'a tazahunaku ru kankamu retro huno Agra'a Mofavre tamigeno mopafi avufga erino tagrikna hu'neanagi, Anumzamo Agra'a Mofavre museza tamigeno kumimofo hankavea ahe fanane hu'ne.

1 Korinti 15:47

Kota nera mopafinti kugupa erino tro higeno asimura erino mni'ne. Hianagi henka nera Kraisi monafinkati e'ne.

1 Korinti 16:22

Hanki Ramofoma avesi ontesnimo'a, sifnafi manino haviza hugahie. Rantimoka eno!

2 Korinti 5:14

Kraisi avesizamo kva huranteno tazeri onetigeta tagra antahinone, na'ankure magokemo, miko'mofonku huno frine, e'ina hu'negu ana miko'mota fri'none.

Galesia 4:4

Hianagi humante'nea kna fatgoma egeno'a, Anumzamo Mofavre'a huntegeno, a'mo ana Mofavre kasentegeno, kasegemofo agorga efore hu'ne.

Efesasi 6:24

Asunku zamo'a Ranti Jisas Kraisinku avesi nentaza vahepi me'nenkeno, avesi'ma nentaza zamo'a vga oregahie. Tamage.

1 Timoti 1:15

Ama'i tamage nanekegino, hakare'a vahe'mo'za zamentinti hugahaze. Na'ankure Krais Jisasi'a kefoza nehaza vahe zamahokehesigu ama mopafina erami'ne. Ana agu'afina nagra zamagtere'na hakare vahera kefo'zana hu'noe.

Hibru 12:6

Na'ankure Anumzamo'a avesinte'nemofona, azeri fatgo nehie. Na'ankure Nagri mofavre huno himofona, kano amino azeri fatgo nehie hu'ne. (Prov-Knr 3:11, 12)

1 Pita 1:8

Hanki tamagra Agrira onke'nazanagi avesinentetma, menina Agrira onkenazanagi, Agritera tamentinti nehuta, tusi musenkase hunteta agi'a erisaga nehaze.

1 Joni 4:19

Tagripima ovesinte avesinte avu'avama me'neana, na'ankure Agra esera avesirante'ne.

Revalesen-Hufo Hu'ne 3:19

Nagrama navesizmantoa nagamofona hanavetina, zmazeri fatgo nehu'na, zmavumarora nentoe. E'ina hu'negu knare tamavu'tmavama huzanku nentahitma, tamagu'a rukrehe huta fatgo huta maniho.

Revalesen-Hufo Hu'ne 3:9

Ko, Sata mono nagamo'za hu'za, Jiu vahe mani'none nehu'za havige nehaza vahera, Nagra zmatufesuge'za e'za, tamagri tamagafi eme zmare'nare'za, tamage Nagra tamavesi neramantoe hu'za, zamagra ke'za antahiza hugahaze.