Joni 14:26 - Kamano

²⁶ Hianagi tmaza hu'zana, Ruotge Avamu, Nenfa'a Nagri nagifi huntesigeno eno, Agra maka'zanku eme rempi huramigahie. Nagrama maka'zanku tmasmi'noana hurmagesa hugahie.

Anumzamofo Routage Avantafere

²⁶ Hianagi tamaza hu'zana, Ruotge Avamu, Nenfa'a Nagri nagifi huntesigeno eno, Agra maka'zanku eme rempi huramigahie. Nagrama maka'zanku tmasmi'noana hurmagesa hugahie.

Joni 14:26 ပူးပေါင်းရင်းမြစ်များ

Matiu 1:18

Jisasi Kraisi'ma fore hu'neana amanahu hu'ne, Agri nerera Mariama, Josefente huhampri ante'nageno, nomago hu'ne omni'nakeno, Ruotge Avamu'mo rimpafi emanigeno, amu'ene hu'nege'za kefore hu'naze.

Matiu 1:20

Hianagi ana antahintahima retro nehigeno'a, mago Ramofo ankeromo ava'nafi eno anage huno asmi'ne, Josefe, Devit nemofoge, korera osunka Mariana aka'agi avro, na'ankure agri rimpafima mani'neana, Ruotge Avamu'mofo mofavre mani'ne.

Matiu 28:19

E'ina hunegu kokankoka vutma, namage ante disaipol naga zmazeri retro hunezmanteta, Nefa agifine, Mofavre'amofo agifine, Ruotge Avamumofo agifi mono tina frenezamanteta,

Matiu 3:11

Nagra amne tinteti mono tina fre nermantoe, tmagu'a rukrahe hnazegu, hianagi Agra henkama ne-emo'a nagrira nagtereno hihamu'ane ne' egahie, higena nagra Agri aganona (sendol) erizafiga osu'noe. Ruotge Avamupine, tevenu'ene Agra mono tina fre tmante'gahie.

Maki 12:36

Ruotge Avamumo Daviti azeri otigeno amanage hu'ne, Ramo'a anage huno Ranimofonkura hu'ne, Nazantmaga kaziga trate manige'na, ha' vaheka'a kagafinka azeri fenkamu atraneno hu'ne. (Sam-Zga 110:1)

Maki 13:11

Keaga hurmanteku tmazeri'za vnagetma, na'ane huta hugahune hutma antahintahi hakare osiho. Ana knafima hiho hunoma hania nanekea amane hiho. Na'ankure ana nanekea tamagra'a osugahazanki, Ruotage Avamumo hugahie.

Luku 1:15

Na'ankure Ramofo avurera ra vahe trohuno manigahie. Agra waini tine, hanave tinena onetfa hugahie. Na'ankure nerera rimpafi maninenigeno'a Ruotge Avamumo'a agu'afi fre avitegahie.

Luku 1:35

Ankeromo'a kenona'a anage huno asami'ne, Ruotge Avamumo kagrite ne-enkenka, Marerisa Anumzamofo hihamu'amo refitegantegahie. E'ina hu'negu ksentesana Mofavremo'a ruotge hanigeno, Anumzamofo mofavre hu'za hugahaze.

Luku 1:41

Mariama knare kne huntea kema, Elisabetima netahigeno'a, rimpafi mani'nea mofavremo muse nehuno, haru huno marerigeno Ruotage Avamumo'a Elisabetina agu'afi frevite'ne.

Luku 1:67

Hagi nefa, Sekeraiana Ruotge Avamumo agu'afi frevitegeno, amanage huno kasnampa kea hu'ne,

Luku 11:13

Hanki tamagra havizama nehzamota, tamagra antahinaze. Knare museza mofavretmia nezamize. Mago'ane monafi mani'nea Neramafa'a, Ruotge Avamuku'ma antahigaza vahera zamigahie!

Luku 2:25

Hagi mago nera Jerusale kumate mani'nea ne' agi'a Simioni'e. Ana nera fatgo nekino, kazigazi huno Anumzamofo amage nevuno, Israeli vahe'mokizmi zamahoke ahesnia vahe fore hanigu avega anteno mani'negeno, Ruotge Avamumo'a agripina avite'ne.

Luku 24:49

Hanki antahiho, Nfa'nimo huvempa huno tamigahue hu'nemofona, huntesugeno tamagrite egahie. Hu'neanagi tamagra (Jerusale) rankumapi manineta monafinti hanavea eriteta vuta eta hiho.

Luku 3:22

Ruotage Avamumo'a maho namagna huno eramino avufare emanigeno, monafinkati mago agerumo'a anage huno, Mofavre nimoka tusiza hu'na Kagrikura muse hunegantoe.

Joni 1:33

Nagra ke'na antahi'na Agrira osu'noanagi, Agra'a hunantege'na mono tina frente'noa ne'mo nagrikura anage hu'ne, kankeno'ma avamu'mo monafinkati'ma, eramino Agrite'ma emani'nea ne'mo, Agra Ruotge Avamupi mono tina fre zamantegahie hu'ne.

Joni 12:16

Agri amage nentaza disaipol naga'mo'za e'inama pusante hiazana antahi so'e osu'naze. Hianagi Jisasi'ma hanave'afi mrerino, Ra agi erige'za zamagra zamagesa nentahi'za, e'i Agriku huno avontafepina krente'negeno, amazana Agrite fore hie hu'naze.

Joni 14:16

Nenfana antahigesugeno, Agra mago tmaza hu'zana tamisnigeno, Agra tamagra ne manivava hugahie.

Joni 14:25

Ama zantminku Nagra nehuana, tamagra ne mani'nena nehue.

Joni 15:26

Tmazama hu'zama huntesugeno Nenfantegati tmagrite esuno'a, Agra Tmage Avamukino Nagri nagenkea eriama hugahie.

Joni 16:7

Hianagi Nagra tamage neramasmue, tamagrima eme tamaza hanigu vugahue, na'ankure Nagrama tmatre'na ovanugeno'a, tmaza hu'zana tmagritera omegahie. Hianagi Nagrama vanuna, huntanena, Agra tamagritega egahie.

Joni 2:22

Anagema hu'nere, fri'nefinti'ma otige'za, Agri amage nentaza disaipol nagamo'za e'inahu zanku hu'ne hu'za zamagesa antahi'naze. Nentahi'za avon tafemo hu'nea kere ene, Jisasi'ma hu'nea nanekere zamagesa nentahi'za zamentinti hu'naze.

Joni 20:22

Anage Agra huteno, Jisasi asimu'a zamagrite huhu huvazi nezmanteno, Ruotge Avamu eriho.

Joni 6:45

Kasnampa vahe'mo'za amanage hu'za Avontafepina kre'naze, Ana hanigeno Anumzamo maka'mokizmia huzmasmigahie. (Aisa 54:13) Maka'mo'za Nenfa ke nentahi'za rempi hanamo'za Nagrite egahaze

Joni 7:39

Hianagi Agrama amanahu kema hu'neana Ruotge Avamuku hu'ne, Agrite zamentinti hanamo'za erisagu hu'ne, na'ankure Jisasi'a ra agi e'orineno, Ruotge Avamura eoraminegeno hu'ne.

Aposol 1:2

avreno monafinka vu'nea knare ehanati'ne. Hianagi vunaku nehuno Agrama zamavare'nea aposol nagara ruotge Avamu'mo aza higeno, eri'zama erisaza'zanku zamasmi'ne.

Aposol 1:4

Ko'ma zamagrane mani'neno'a, anage huno huzmante'ne, Jerusale kumara otretfa hiho, hianagi Nenfa'ma huvempa huno huhampri nante'nea zanku'ma tmasmi'noana avega antetma maniho.

Aposol 1:8

Hu'neanagi ruotge Avamumo tamagrite esigetma, tusi'a hanave eritetma, Nagri nagenkea Jerusale kumate huama nehutma, Judiane Sameriane huama nehutma, afete mopa omeatre eme atre arega ome huama hugahaze.

Aposol 11:16

Ana hige'na Ramo'ma huno, Joni'a tinu mono tina fre ramante'neankina, Avamunu tina frermantegahue hu'nea kegu nagesa antahi'noe.

Aposol 13:2

Anamo'za Ramofonte mono hunente'za, ne'za a'o hu'za nunamu nehzageno, Ruotge Avamu'mo'a anage hu'ne, Banabasine Soli kizni huhampri znante'keno, eri'za eriogu hua eri'zana eri'o hu'ne.

Aposol 13:4

Banabasine Soli kiznia Ruotge Avamu'mo huznantege'ne Sulisia uramike osi voti omerike Saipras ti amunompi me'nea kumate vu'na'e.

Aposol 15:28

Na'ankure knare'ma hu'neana, Ruotge Avamu'ene tagranena, ruga'a knazana ontaminaku nehunanki, ama kemofo avaririgahaze.

Aposol 15:8

Higeno Anumzamo vahe'mofo agu'a keno antahino hu'nemo'a, zamagritera eriama huno Ruotge Avamura zami'ne, na'ankure tagri'ma hu'neazana huno zami'ne.

Aposol 16:6

Zamagra Pamfaliane, Galasia kaziga ugatere'za nevzageno, Ruotge Avamu'mo mono ke Esia kaziga huzanku i'o huno huzamantege'za agatere'za vu'naze.

Aposol 2:33

Ana higeno Anumzamo ragi nemino, azantamaga kaziga'a avarentegeno, huvempama hu'nea Ruotge Avamura Nefampinti erino, eritagitregeta menina negeta nentahita nehaze.

Aposol 2:4

Maka'mofona Ruotge Avamu'mo zamagu'afi viteno, zamazeri otige'za, Avamu'mo zamasamia kante ante'za, agafa hu'za aru agerupinti kea hu'naze.

Aposol 20:28

Tamagratmia kegva nehutma, lama afu kevua kegva hiho, Ruotge Avamu'mo tamazeri antegetma kva hu'naze. Agrama magoke Mofavre ama huntegeno koranteti'ma mizama ase'nea Anumzamofo mono nagara zamazeri fatgo hutma kavagri zamantegahaze.

Aposol 20:35

Ana mika zampina nagra ko hugaveri'noe, anahu'ma hunka hanavetinka eri'zama erisanana, hanave'a omane vahera aza nehunka, Ramofo Jisasinkere kagesa antahio, Agra'a anage hu'ne, ami'zamofo asomumo'a, eri'zamofona agatere'ne hu'ne.

Aposol 28:25

Zamagra zamagra hugantigma hu'za mago zamarimpa nosu'za, atre'za nevazageno, Poli'a vagare keaga huno, Ruotge Avamu'mo tamagehe'ima keaga huzami'neana, kasnampa ne' Aisaiampi huvazino hufatgo hu'ne.

Aposol 5:3

Hu'neanagi Pita'a anage hu'ne, nahigeno Ananaiasiga Sata'a kaguafina efregenka ruotge Avamura revataga hunka mago'a zgoa mopama atrantetira refko hunte'nane?

Aposol 7:51

Tamagra ke ontahi vahe mani'nageno tamaguamo ene tamagesamo'a tamage kemofona ifo nehie! Tamagra Ruotge Avamumofona tamagehemoma hu'nea kna hutma maka kna tmefi hunemize!

Aposol 7:55

Hianagi Stivenina Ruotge Avamumo agu'afi efregeno, kefatgo hunagamuteno monafinka Anumzamofo msa'zana negeno, Jisasi'a Anumzamofo azantamaga kaziga'a oti'negeno ke'ne.

Romu 14:17

Na'ankure Anumzamofo Kumara, neza ne'zane, ti nezana omanene. Hianagi Ruotge Avamupi fatgo avu'avazane, arimpa fru'zane, musenkase hu'za me'ne.

Romu 15:13

Fore'ma haniguma amuhama nehunazamofo Anumzamo, miko musezane rimpa fruzana tamentintifina antevi'netena, Ruotge Avamumofo hankavefi fore'ma hanigura amuhara hugahaze.

Romu 15:16

Kraisi Jisasi eri'za erina megi'a vahetega prisi vahe' kna hu'na, Anumzamofo knare musenke huama nehue. Ana hanige'za megi'a vahe'mokizmia Ruotge Avamumo zmazeri ruotage hu'nige'za, Anumzamo muse huno eneria kre sramnagna hugahaze.

Romu 5:5

Hagi amuhama humita avega anteta mani'nona zamo'a, amuhama hu'nazana erinotre. Na'ankure tagra antahi'none Anumzamo'ma Ruotge Avamu tamigeno, avesizama'a Ruotge Avamu'afi huvazino tagu'afi eritagi avinete.

1 Korinti 12:3

E'ina hu'negu nagra anage hu'na antahintahima eriama hanugura neramasamue, magore huno Anumzamofo Avamu'ma agu'afima mni'ne'nia vahe'mo'a Jisasina huhaviza huontegahie. Hagi mago'mo'e huno Jisasi'a Ra mni'ne huno osugahianagi, Ruotge Avamu'mo aza hanigenoke'za hugahie.

1 Korinti 6:19

Tmavufamo'a Ruotage Avamumofo mono no me'negeno, Ruotge Avamuma Anumzamo'ma tmagri'ma tmi'nea avamumo'ma anampinkama mni'neana tamagra ontahi'nazo? E'ina hu'negu tamagra 'a su'ana omni'naze.

2 Korinti 13:14

Hagi Ramofo Jisas Kraisi asunku zamo'ene Anumzamofo avesi zamo'ene Avamumo'enema tagroteno mni' avu'avazamo'a mikomotmafi mesie.

2 Korinti 6:6

manifatgo huta nemanita, antahintahia e'nerita, akoheta nemanita, so'e avu'avazana nehuta, Ruotge Avamupina nemnita, tamage avesizamofo avu'avazana nehuta,

Efesasi 1:13

Tamagranena tamage kema Kraisimpinti ko antahitetma, manivava tamasimu eri'zanku Knare MusenKe'are tamentinti nehazageno, Agra Ruotge Avamu'anu azanko avona kreno huhampri (seal) tamanteno tamamine.

Efesasi 1:17

Ana nehugeno Ranti Jisas Kraisi Anumzamo, so'e hihamu'ane msamofo Nfa'amo, knare antahi'zane, tamagu tamagesane, tamage ke'a huama hu antahi'zamofo avamura tamisnigeta Agrira antahita keta nehuta, avamupina ra hugahaze.

Efesasi 4:30

Anumzamofo Avamura mani'zantmifina rimpagna eriomiho. Tmagesa antahiho, Avamu'mo agra azanko avoma'a kreno tamagra nagri nagare hu'neankino, esnia knarera tamaza huno tamavregahie.

1 Tesalonaika 4:8

E'ina hunegu iza'o ama kema amefima hunentemo'a, vahe'mofo ke amagena hunonteanki, Anumzamo Ruotge Avamuma tamaminemofo naneke amagena hunemie.

2 Timoti 1:14

Ruotge Avamu'ma tagu'afi maninemo kza nehanigenka, antahi kamino kami'nea kmentinti'a kegva huo.

Taitus 3:5

Agrama tza hu'neana, knare fatgozama hu'na zankure huno tza osu'ne, hanki Agra'a asunku huranteno tza hu'ne. Agrama tza hu'neana sese huranteno, tazeri ksefa mofavre seranteno Ruotge Avamuteti tazeri ksefa hu'ne.

Hibru 10:15

Ruotge Avamumo'a ama ana zankura tagritera huama huno esera anage hu'ne,

Hibru 2:4

Anumzamo'a avamezampima, kaguvazampima, ruzahu ruzahu kaguvazampi huama nehuno, Avamumofo musezanena Agra'a avesite refko huno nezamie.

Hibru 3:7

Hu'negu Ruotge Avamumo huno, Menima Agri ageruma nentahisutma,

Hibru 9:8

E'i ana avu'avazampinti Ruotge Avamumo'a eriama huno seri nomofo kafanteti ufreta Anumzamofonte vu'zama me'nesigeno'a Anumzamofoma keno antahinoma hu'zamo'a amuho hugahie hu'ne.

1 Pita 1:12

Zamagrite'ma eriamama hiana zmagra'a zamaza nosazanagi, tamagriku knare musenkema huama hazafina, monafinti'ma e'nea Ruotge Avamumofo hanavere huama nehaze. Ankero vahe'mo'za anama huamama hzazama kesagura, tusiza huno zmavesi'ne.

2 Pita 1:21

Na'ankure vahe'mo'za zmagra'a zmavesite, ana kasnampa kea kreonte'naze. Hianagi Anumzamo'ma hu'neankea Ruotge Avamumo zmazeri otige'za krente'naze.

1 Joni 2:20

Hianagi anage hu'na nehue, Ruotage'ma Hu'nemo, Anumzamo tmagrira huhampri ramantegeta, maka'motma ko antahi'naze.

1 Joni 2:27

Hagi menina tamagriku huno, huhampri ramante'neaza Avamura Agripinti eri'nazageno tamagu'afi mani'neanki mago vahe'mo'a huramagesa huzankura ontahigahaze. Hu'neanagi Agri Avamu'mo maka'zana rempi huramigahiankino havi kea osu tamage hugahie. Tamasmi'nea kante antetma Agripi manigahaze.

1 Joni 5:7

Na'ankure 3'amo'za ana zankura huama nehaze,

Juti 1:20

Hianagi navesima neramantomota tamagra ruotge hu'nea tamentintifina hagetma mrenerita, Ruotge Avamumo'a tamaza nehina nunamuna hiho.

Revalesen-Hufo Hu'ne 2:11

Izano agesama me'nenigeno netahisimo'a, Avamu'mo'ma mono nagate'ma huama'ma nehia kea antahise hino, Iza'o ha'ma agateresimofona, anante frizamo'a azeri havizana osugahie.