Joni 14:17 - Kamano

¹⁷ E'i ana tmaza hu'zana tamage Routge Avamure, ama mopafi vahe'mo'za e'origahaze, na'ankure zamagra ke'za antahi'za osu'naze. Hianagi tamagra Agrira (Avamura) antahi'naze, na'ankure Agra tamagra ne mani'neno, tmagu'afi manigahie.

Anumzamofo Routage Avantafere

¹⁷ E'i ana tamaza hu'zana tamage Avamure, ama mopafi vahe'mo'za e'origahaze. Na'ankure zamagra ke'za antahi'za osu'naze. Hianagi tamagra Agrira (Avamura) keta antahita hu'naze. Na'ankure Agra tamagrane mani'neno, tamagu'afi manigahie.

Joni 14:17 ပူးပေါင်းရင်းမြစ်များ

Proveps-Knare Nomaniza 14:10

Mago'mago vahe'mo, agria'a rimpa aka'zana antahino keno nehie. Hagi mago'mo'e huno rumofo musezana mika'a erinte amara osugahie.

Matiu 10:20

Na'ankure tamagra'a ana keaga osugahaze. Hagi tamagri neramafa Avamumo tamagripi efreno hugahie.

Joni 14:16

Nenfana antahigesugeno, Agra mago tmaza hu'zana tamisnigeno, Agra tamagra ne manivava hugahie.

Joni 14:23

Jisasi'a ana kenona'a anage huno zamasmi'ne, iza'o Nagri'ma avesi nantesimo'a, ke'nia amage antesigeno, Nenfa'a avesintena tagra, agrane emanigahune.

Joni 15:26

Tmazama hu'zama huntesugeno Nenfantegati tmagrite esuno'a, Agra Tmage Avamukino Nagri nagenkea eriama hugahie.

Joni 16:13

Hianagi Tmage Avamu'ma esuno'a, agu'vazi zamanteno tamage nanekemofo eri ama huno tmasmigahie. Na'ankure Agra'a antahintahi'ane, hanave'arera ana nanekea osugahie, hianagi na'ano Agrama antahisia kege nehuno, henkama esia zamofonku tmasmigahie.

Joni 6:40

Na'ankure Nenfa avesi'zana amanahu hu'ne, maka'mo'za Nemofo nege'za Agrite zamentinti huntesamo'za manivava zamasimu erisage'na, vgamaresia knarera Nagrani'a azeri otigahue.

1 Korinti 14:15

Hu'negu nagra na'a hugahue? Antahintahi'nireti nunamuna nehu'na, Avamu'niareti ene nunamuna hugahue. Avamu'niareti zgamera nehu'na, antahintahi'niareti enena zgamera hugahue.

1 Korinti 2:14

Hu'neanagi Anumzamofo Avamu ene omani'nea vahe'mo'a, Anumzamofo Avamutegati esiazana e'origahie. Na'ankure zmagra anazama kesazana neginagi zankna hanige'za, antahi'amara osugahaze. Na'ankure zamagra Avamu'mo zmaza hanige'za antahi ankeregahaze.

1 Korinti 3:16

Tamagra Anumzamofo mono no mani'nageno, Anumzamofo Avamu'mo'ma tamagu'afima mani'neana ontahi'nazo?

1 Korinti 6:19

Tmavufamo'a Ruotage Avamumofo mono no me'negeno, Ruotge Avamuma Anumzamo'ma tmagri'ma tmi'nea avamumo'ma anampinkama mni'neana tamagra ontahi'nazo? E'ina hu'negu tamagra 'a su'ana omni'naze.

2 Korinti 13:5

Tamagratmi'a avame antetma tamagu'a refko huta keho, tamentintifi maninazafi? Hifi tamagra'a tamaguafina refko huta nonkazafi, Jisas Kraisima tamaguafima mni'neana, Agrira keta antahita nosaze.

2 Korinti 6:16

Hagi inankna huno Anumzamofo mono none, havi anumzamofo mono nomo'a erimago znarimpa hugaha'e? Na'ankure tagra asimu erino maninea Anumzamofo mono noma'a mani'none. Anumzamo'a anage hu'ne, Nagra zamagu'afi mani'nena, zamagri'ene kana vano hugahue. Nagra zamagri Anumza mani'nugeno, zamagra nagri vahe manigahaze hu'ne. (Lev-Pri 26:12)

Galesia 4:6

Na'ankure tamagra mofavre'a mani'nageno, Anumzamo Mofavre'amofo Avamu huntegeno, tagu'afi emani'neno tazeri otino, Aba, Nafa'o huno nehie.

Efesasi 2:22

Tamagra ana nonkna hutma mani'nazageno, Anumzamo'ene Avamu'amo'a ana nompina mani'ne.

Efesasi 3:17

E'ina hanageno, tamentinti nehzagu Kraisi'a tamagu'afi mani'nesigetma, tamagra mopafi zafamo rafu'na reno oti hanave tiankna huta Anumzane, tamararuhe'i kizmia tmagu'areti zmavesi zmantegahaze.

Kolosi 1:27

Anumzamo'a Agra'a avesite oku'a me'nea kea taveri hu'ne. Ama ana kea knare hu'neankino, maka vahemokizmi zamaza hugahie. Ama ana kea Kraisi agra tamagrane mani'neakino tamavreno vanigetma so'ezana kuma'afinti ome erigahaze.

2 Timoti 1:14

Ruotge Avamu'ma tagu'afi maninemo kza nehanigenka, antahi kamino kami'nea kmentinti'a kegva huo.

1 Joni 2:27

Hagi menina tamagriku huno, huhampri ramante'neaza Avamura Agripinti eri'nazageno tamagu'afi mani'neanki mago vahe'mo'a huramagesa huzankura ontahigahaze. Hu'neanagi Agri Avamu'mo maka'zana rempi huramigahiankino havi kea osu tamage hugahie. Tamasmi'nea kante antetma Agripi manigahaze.

1 Joni 3:24

Mago vahe'mo'ma Anumzamofo kasegema antahino avaririmo'a Anumzane manigeno, Anumzamo'a agrane nemanie. Anumzamo Avamu'ma tami'nea Avamuteti antahita, Anumzamo'a tagrane mani'ne huta hugahune.

1 Joni 4:4

Mofavre naganimote Anumzamofo mofavre mani'naze. Mani'nageno tamagu'afima mani'nea Avamu'mo'a, mopafima mani'nea havige avamura agatere'ne.

1 Joni 4:6

Tagra Anumzamofo nagare, Anumzamofoma keno antahino hu'nemo'a, ketia nentahize. Hianagi Anumzamofo naga'ma omani'namo'za ketia nontahize. E'inama higeta keta antahita huta tamage Avamuki, havige avamuki huta nehune.

1 Joni 5:7

Na'ankure 3'amo'za ana zankura huama nehaze,

Revalesen-Hufo Hu'ne 2:17

Izano agesama me'nenimo'a Avamumoma mono nagamofo nesamia naneke antahise hino. Ha'ma agateresimofona, framakinea mana ne'za mago'a nemina, magora efeke have nemina, agi'a ana havere krentenugeno, rumo'a ana agia ontahigahianki, ana havema erisimoke, ana agia antahigahie.