Joni 14:12 - Kamano

¹² Tamage hu'na Nagra neramasmue, iza'o Nagrite amentinti hanimo'a, Nagrama e'nerua eri'zana anahu kna huno kaguvazama eri forehu eri'za e'nerino, Nagatereno ra eri'za erigahie, na'ankure Nagra Nenfantega vugahue.

Anumzamofo Routage Avantafere

¹² Tamage hu'na Nagra neramasmue, iza'o Nagrite amentinti hanimo'a, Nagrama e'nerua eri'zana anahu kna huno kaguvazama eri forehu eri'za e'nerino, Nagatereno ra eri'za erigahie, na'ankure Nagra Nenfantega vugahue.

Joni 14:12 ပူးပေါင်းရင်းမြစ်များ

Matiu 21:21

Hu'za hzageno, Jisasi'a anage huno kenona zmirera hu'ne, Tamage hu'na neramasmue, tamentinti nehutma tare tagufa tamagesa ontahisnutma, tamagra fiki zafa huntoa kna'zana ageteretma amne hzasine. Hianagi ama'na agonagu hutma, otinka hage rimpi tka'uro hanageno'a amne ana hugahie.

Maki 11:13

Fiki zafa'mofo asina ogamanu me'negeno negeno, nezama rente'nenigu kenaku eme ke'ne. Hianagi eme keana asinage me'negeno ke'ne. Na'ankure fiki zafa raga rentekna omane'ne.

Maki 16:17

Hagi zamentinti hanamo'za amanahu avame'za erigahaze. Nagri nagirera havi avamura hunente'za, kasefa zamageru arugahaze.

Joni 14:28

tamagra nentahizage'na Nagra tmagrira tmasmi'na, tmatre'na vute'na, ete tmagrite egahue hu'noe. Tamagrama Nagri navesinantesuta muse hugahaze, na'ankure Nagra Nenfantega vugahue, Nagrira Nenfa'a nagtereno Ra mani'ne.

Joni 16:7

Hianagi Nagra tamage neramasmue, tamagrima eme tamaza hanigu vugahue, na'ankure Nagrama tmatre'na ovanugeno'a, tmaza hu'zana tmagritera omegahie. Hianagi Nagrama vanuna, huntanena, Agra tamagritega egahie.

Joni 4:37

Na'ankure ama ana nanekea tamage ke me'ne. Mago'mo hoza hankretegeno, rumo hoza nehamre hu'za nehaze.

Joni 5:20

Na'ankure Nenfa'a, Nemofona avesinenteno, Agra maka'zama nehia zana averi nehie. Ana nehuno Nefa'a agtereno tusi'aza averi hugahie. Anama hanigeta tamagra antri hugahaze.

Joni 7:33

Anazanku Jisasi zamasmi'ne, osi'a kna tamagra ne manite'na, ete Agrama hunantege'na e'noa Netega Nagra vugahue.

Joni 7:39

Hianagi Agrama amanahu kema hu'neana Ruotge Avamuku hu'ne, Agrite zamentinti hanamo'za erisagu hu'ne, na'ankure Jisasi'a ra agi e'orineno, Ruotge Avamura eoraminegeno hu'ne.

Aposol 10:46

Na'ankure zamagra nentahizage'za, ruzahu ruzahu zamagerupinti Anumzamofo muse hunte'za Agi'a hesga hu'naze. Anante Pita'a huama huno,

Aposol 16:18

Hakare knafina ana mofa'mo anazanke hu'ne. Hu'neanagi Poli'ma anankege antahiazamo'a avesra higeno, rukrehe huno ana avamuku anage hu'ne, Nagra Jisas Kraisi agifi hugantoanki atiraminka evuo! Higeno ana mofara atreno atirami'ne.

Aposol 19:12

Ana hinogu asi'me nehamia nosivane (ankasipimo'ene), masine'za kave kre kenane (apronimo'a), Poli avufare eme avako hute'za, eri'za kri vahe zamufare ome antageno, krizmimo'a vgaregeno, havi avamumo'a zamagripintira atirami'ne.

Aposol 2:33

Ana higeno Anumzamo ragi nemino, azantamaga kaziga'a avarentegeno, huvempama hu'nea Ruotge Avamura Nefampinti erino, eritagitregeta menina negeta nentahita nehaze.

Aposol 2:41

Agri kere zamentintima haza nagapintira, monoti fre'naze, anazupage tima fre'nazana, 3tauseni'a nazamo'za fre'naze.

Aposol 4:16

anage hu'naze, ama netrena na'a huznantegahune? Na'ankure ama kri ne' azeri so'e'ma hu'nea kaguvazamo'a, mika Jerusale mani'naza vahe'pina amate hige'za hago ke'nazankita tagra onke'none huta hufra okigahune.

Aposol 4:33

Tusi'a hanavereti aposol nagamo'za, Ramo'ma Jisasi'ma fripinti oti'nea nanekea huama nehazageno, zamentintima haza nagara tusi'a asunku huzmante'ne.

Aposol 4:4

Hianagi mika kema antahi'naza vahe krerafamo'za zamentinti hu'nazana, venene'agema hampri'nazana 5 tauseni'a nazampi mareri'ne.

Aposol 5:15

Ana higeno mika vahe'mo'za Pita'ma ene vanigeno, amemo'a hagutesie huza kri vahera sesenku huza zafa hu'za kampi, nosiva masi'ne'za zmantage'za mase'naze.

Aposol 6:7

Anumzamofo kemo'a mago'ane ra huno nevigeno, amagema nentaza disaipol nagamo'za Jerusalemi kumapina rama'a efore nehageno, ra'ma'a Jiu prisi vahe'mo'za zamentinti hu'za ke amage'anteme vu'naze.

Aposol 8:7

Na'ankure havi avamu'tamima zamagu'afima mani'naza vahe'pintira, havi avamutmimo'a tusi'a kezati'za krafa nehu'za atirami'naze. Hagi mika zamufa fri'nea vahe'ene, kama vano nosaza vahera kri zamimo'a knare huzmante'ne.

Aposol 9:34

Pita'a anage huno asami'ne, Ainiasiga, Jisas Kraisi'a krika'a kazeri so'e huganteanki, otinka tafeka'a atrenka vuo, higeno anante ame huno oti'ne.

Aposol 9:40

Hianagi Pita'a ana mika vahera megi'a hunezmanteno, rena reno nunamu hu'ne. Huteno fri vahe kerafarega rukarehe huno, Tabitaga otio! Higeno avua hari huno, Pitana negeno oti'ne.

Romu 15:19

Ruotge Avamumofo hankavefine, avame'zane, ruzahu ruzahu'za kaguvaza erifore hu'zamofo hanavere, Kraisi musenkea Jerusaleti huama hu'na Ilirikium kaziga (Masedonia-Italy) ome huvgare'noe.