Joni 11:55 - Kamano

⁵⁵ Menina Anumzamo Jiu vahe kinafinti zamare'nea knare (Pasova) ne'za ne kna atupa nehige'za, rama'amo'za kuma'zmi atre'za Jerusale mreri'za, ne'za nesagu zamagrazmi zmazeri agru huza retro hu'naze.

Anumzamofo Routage Avantafere

⁵⁵ Menina Anumzamo Jiu vahe kinafinti zamare'nea knare (Pasova) ne'za ne kna atupa nehige'za, rama'amo'za kuma'zmi atre'za Jerusalemi mareri'za, ne'za nesagu zamagrazmi zamazeri agru huza retro hu'naze.

Joni 11:55 ပူးပေါင်းရင်းမြစ်များ

Jenesis 35:2

Jekopu'a amanage huno naga'ane, agrane nemnizamokizmi zamasmi'ne. Maka'a havi anumzana netreta, tamagu'a retro nehuta, kukena timia antaniho.

Matiu 26:1

Jisasi'ma ana maka naneke huvgareteno, amanage huno amage'ma nentaza disaipol nagara zmasmi'ne.

Matiu 26:2

Antahi'naze Anumzamo Israeli vea kinafinti zmare'nea kna, tare knama agteresigeno egahie. Hagi Vahe'mofo Mofavre avare zamisage'za, ahe'za keka zafare hantigahaze.

Maki 14:1

Anumzamo Israeli vea kinafinti zmare'nea knagu antahimi'za zo'ore breti nenaza kna zahufa tare zgegna me'nege'za, ra mono kva vahe'mo'zane, kasegere ugagota hu'naza vahe'mo'za, Jisasi havige hunte'za oku azerizama ahesaza kanku hake'za ahe fri'naku huge antahige hu'naze.

Luku 22:1

Anumzamo Israeli vahe ozmahe zamagterenege'za ana knagu antahimiza, (Pasova) zo'ore bretima kreza nenaza kna fore hu'za nehige'za,

Joni 12:1

Kinafinti Jiu vahe zamare'nea kna (Pasova) 6si'a zgegna atupa nehigeno, fri'nefinti azeri oti'nea ne' Lasarusi'ma nemnia kumate Jisasi'a Betani uhanati'ne.

Joni 13:1

Menina kinafinti zamare'nea knagu antahimiza (Pasova) ne'za nekna atupa higeno, Jisasi'a antahi'ne, ama mopa atreno Nefantega vnia kna egeno, amage nentaza disaipol nagara, Agrama zamesi nezmantea zamo'a atupare ehnati'ne.

Joni 18:28

Ananteti zamagra Kaiafasintetira ko'atu avame Jisasina avare'za Roma ugagota kva (gavana) ne'mofo nonte vu'naze. Vunazanagi zamagra ugagota nemofo kumapina uofre'naze. Ana zamo zamazeri pehena resige'za, Hibru vahe kinafinti zamare'nea knagu antahimiza neza nenaza knare ovuzanku ana hzageno,

Joni 2:13

Jiu vahe'ma kinafinti zamare'nea (Pasova) neza'ne knamo kofta higeno Jisasi'a Jerusale kumate mreri'ne.

Joni 2:6

Higeno keana 6si'a havereti tro hunte ti afi kavo Juda vahe'mokizmi avu'avapina kvofinti ankehi'za tina fre'za avu sese nehazane, tina mago 100 lita azeritere huga tin kvorami me'ne.

Joni 5:1

Ana maka'zama higeno agteretegeno, Jiu vahe'mo'za mono nehza kna fore higeno, Jisasi'a Jerusale kumate mreri'ne.

Joni 6:4

Hagi Jiu vahe kinafinti zamare'nea kna (Pasova) muse hu'za ne'za ne kna'zmi atupa hu'ne.

Aposol 21:24

Hanki zamavarenka kagrane magoka tamazeri agru nehutma, zamazoka'ma haresazazana miza sezmantegahane. E'ina hananke'za, maka vahe'mo'za antahi'za kema hazage'za kagriku'ma antahi'nazana tamage hu'naze hugahaze. Hu'neanagi kagraka'a kasegea amage antenka manigahane.

Aposol 21:26

Nanterana Poli'a zamareno agrane ana vahe'ma zamazeri agru huteno, ra mono nompi vuno, ana zupa mago mago'mofonte kre sramna vuno azeri agaruhu kna vgaregahie huno ome zamasmi'ne.

Aposol 24:18

Anama nehuge'za ra mono nompi nage'za eri fore nehu'za, nazeri agruma Anumzamofonte hu'noa zankura, vahe kevumo'zo mago'a rankea huonante'naze.

1 Korinti 11:28

Mago'mo'ma bretine, kapufinti neku'ma hanuno'a, agra'a avu'ava'zana refko huteno, ana bretine kapufintira negahie.

Jemisi 4:8

Anumzante erava'o hinkeno, Agranena tamagaritera erava'o hino. Kumi vahe'motma tamazana sese nehutma, tare tagufa antahintahine vahera tamagu'a eri avusese hiho.