Joni 10:27 - Kamano

²⁷ Nagri sipisipimo'za nagerura nentahize, hige'na Nagra zamantahi'noge'za, Nagrira namage neaze,

Anumzamofo Routage Avantafere

²⁷ Nagri sipisipimo'za nagerura nentahize, hige'na Nagra zmagena antahina hu'noge'za, zamagra Nagrira namage neaze.

Joni 10:27 ပူးပေါင်းရင်းမြစ်များ

Matiu 16:24

Anante Jisasi'a amage nentaza disaipol naga'agu zmasamino, mago vahemo Nagri namage antenaku hanuno'a, agra'a avesizana, atreteno rugeka zafa'a erino namage eno.

Matiu 17:5

huno kema nehigeno, msa'ane hampomo tmino refite nezmantegeno, mago ageru'mo hampopinti anage hu'ne, Ama'i Nagri Ne'mofavre, Agriku navesi nentena, tusiza hu'na musena hunentoe, ke'a antahi amiho!

Matiu 25:12

Hianagi ke nona huzamanteno, tamage hu'na neramasmue, nagra ontamage'noe huno hu'ne.

Matiu 7:23

ana knazupa Nagra anage hu'na zamasmigahue, tamagra kasegeni'a amage'onte vahe mani'nazagena tmatahina kena osunoanki, maniganeho hu'na zamasmigahue.

Maki 10:21

Jisasi'a ana nera negeno avesinteno anage hu'ne, mago'zanku upa hu'nane, vunka inanknazama ante'nesnana zana, maka zagore ome atrenka eritenka, ana zago erinka zamunte omane vahe nezamigeno, monafi fenonka'a meno. Ana nehunka kagra, Nagri eme namage'anto.

Maki 8:34

Anante Jisasi'a maka veamokizmi ke hige'za, amage'ma nentaza disaipol naga ene emetru hazageno, anage huno zmasami'ne, mago vahe'mo nagri namage'ma antenaku'ma hanuno'a, agra'a avesi'zana netreno, keka zafa'a erigofino namage egahie.

Luku 13:27

Nagra ontamagenoanki, igati vahe mani'naze, Kefozanke hu vahe'mota amafintira manigneho huno huramantegahie.

Luku 9:23

Anante Jisasi'a ana maka'mokizmigu anage huno zmasami'ne, iza'o namage'ma antenaku'ma hanimo'a, agra'agura age'neknino maka knafina keka zafa'a erino navaririgahie.

Joni 10:14

Nagra'ni'a knare sipisipi kva mani'noe, Nagra sipisipi nagani'a ke'na antahi'na huge'za, zamagra Nagrira nage'za nantahi'za hu'naze.

Joni 10:16

Ruga'a sipisipini'a ama kegina agu'afina omni'naze, Nagra anahu kna hu'na zamaresuge'za, nagerura nentahi'za, zamagra magoke afu kevu hu'za mani'nageno, magoke afu kva vahe manigahie.

Joni 10:8

Ko'ma egote'za e'naza vahe'mo'za, kumza vahekiza, vahe'za avazu hugahaze. Hianagi sipisipimo'za zamagerura ontahigahaze.

Joni 12:26

Iza'o, Nagri eri'za erinaku hanimo'a, namage eno, Nagrama umnisure, eri'za vahe nimo'enena anante umanigahie, iza'o, Nagri eri'za erisimofona, Nenfa'a ra agi amigahie.

Joni 21:22

Jisasi ke nona'a agri asmino, Nagrama, Agriku mani'nesige'na ete'na esuema hanua knarera, kagri'zana omne'neanki, na'ane hugahane? Kagra namage anto!

Joni 5:25

Nagra tamage hu'na neramasmue, knamo'a kofta huno ne-eno hago menina ama efore hu'ne, fri'naza vahe'mo'za Anumzamofo Ne' mofavremofo ageru nentahi'za, ana ageru'ma antahisnamo'za manigahaze.

Joni 8:12

Anante Jisasi'a mago'ene anage huno zamasmi'ne, Nagra'ni'a ama mopamofo Msa mani'noe, aza'o namge'ma esimo'a hanimpina vano osugahie. Hianagi asimu eri Msa erigahie.

Joni 8:43

Nahigeta kema hua nanekea antahi amara nosaze? Na'ankure Nagrama hua nanekea antahi ama nosazagu, ana nehaze.

Aposol 3:23

Mika vahe'mo'za ana kasnampa ne'mofo kema ontahisnamo'kizmia, zamahe nefrino, vahe'afintira zamahenati tregahie.

1 Korinti 8:3

Hu'neanagi iza'o Anumzamofonku avesinentemofona, Anumzamo'a agrira antahino keno hu'ne.

Galesia 4:9

Hianagi menina Anumzamofona keta antahita hazageno, Anumzamo'enena tamagrira tamegeno antahino hu'neanki, nahigeta tamagena hunemita, haviza huno hanave'a omne avamute nehuta, mago'ane kazokzo eri'za vahe'a manisune huta nehazo?

2 Timoti 2:19

Ana hu'neanagi Anumzamofo nanekemo avempa huno arafuna reno me'ne, azanko avo (seal) me'negeno amanage huno kre'ne, Ra Anumzamofo nagare hu'za mani'naza vahera zamantahino keno hu'ne. Maka agi hanta nevaziza Ra Anumzane nehaza vahe'mo'za kefo mani'zampina maniagetagi'za maniho.

Hibru 3:7

Hu'negu Ruotge Avamumo huno, Menima Agri ageruma nentahisutma,

Revalesen-Hufo Hu'ne 14:4

Hanki ana vahe'mo'za a'nene savrira osu fatgo hu'za mani'naze. Na'ankure zamagrazmi agru hu'za mni'naze. Ama ana vahe'mo'za Sipisipi Anentamo'ma inaregama viana zmagra nevaririza vahere. Ana vahera Anumzamo'a ese hoza vasageakna huno maka vahepinti miza sezmante'neankino, Anumzamofone Sipisipi afu Anentamofo naga manigahaze.

Revalesen-Hufo Hu'ne 3:20

Keho, Nagra kafante oti'nena vagre vagre nehue. Iza'o Nagri nageru antahino, kafama anagisimofona, Nagra efre'na agrane nezana nesugeno, agra Nagrane negahie.