Joni 1:45 - Kamano

⁴⁵ Filipi'a, Natanieli'e nehaza ne' kefore huteno amanage huno asmi'ne, Mosesi ene Kasnampa vahe'mo'zama avo tafepima agenke'ama krente naza Ne'ma, Nazareti kumateti Josefe nemofo Jisasi'e hu'naza nera hago hakreta erifore hu'none, huno asmi'ne.

Anumzamofo Routage Avantafere

⁴⁵ Filipi'a, Natanieli'e nehaza ne' kefore huteno amanage huno asmi'ne, Mosesi'ene kasnampa vahe'mo'zama avontafepima agenke'ama krente'naza Ne'ma, Nazareti kumateti Josefe nemofo Jisasi'e hu'naza nera hago hakreta erifore hu'none, huno asmi'ne.

Joni 1:45 ပူးပေါင်းရင်းမြစ်များ

Jenesis 22:18

Na'ankure kagri kagehe'impinti ama mopafina mika zamageru'ene vahemo'za asomu erigahaze na'ankure, nagri ke'mofo avriri nankure.

Jenesis 3:15

Nagra kagrira kazeri'na a'mofo ha' vahe'a antesugeno, a'mo kagri ha' vahe manigahie. Hanigena Nagra tanagigomokizmi amunopina ha'za antesugeno a'mo ksentesia mofavremo kaseni reproro vazina, kagra agamerumpafi amprigahane.

Jenesis 49:10

Judaga kva vahe'mokizmi azompa kagripi mevava hugahie. Kva vahe azompamo agiarere amunompi me'nesigeno, Nafa'amo henka Sailo ehnatigahie, Hanige'za hakare ranra kumate veamo'za agri ke erizafa hugahaze.

Matiu 10:3

Filipiki Batolomiuki Tomasiki Matiu zamagire takesi zgo eneria nere, Jemisi Alfias ne'mofo ene, magora Tadiasi'e.

Matiu 13:55

Ama kapenta ne'mofo mofavrefi? Nererankura Maria'e nehazafi? Agnahe'za Jemsi ene Josefe ene Simioni ene Judasizafi?

Matiu 2:23

Agra zanavreno viazamo, Nasareti kumate umani'naze. Anama hu'neana korapa kasnampa vahe'mo'za hunte'naza kemo nena'a efore hiankino Jisasinkura Nazareti Nere hu'za agia hegahaze.

Matiu 21:11

Ana vahe kevumo'za hu'za, Ama'i kasnampa ne' Jisasi'e, Nasareti kumateti, Galili kazigati e'nea nere.

Maki 14:67

Pita'ma teve tonehino mani'negeno eme negeno'a, kagranena Nazareti kumateti Jisasi'ene vanoma nehana ne' mani'nane hu'ne.

Maki 6:3

Ama kapenta ne' Maria mofavrefi? Jemisi'ma Josefi'ma Judasima Saimonikizmi nempu'zimi mani'ne. Hanki asarahe'za tagrane mani'nazafi? Anage nehu'za ha' arente'naze.

Luku 18:37

zamagra asmi'za, Nazareti kumateti ne' Jisasi enevie nehazageno,

Luku 2:4

Josefe'a agranena Galilitira atreno Judia kaziga mrerino Deviti kuma agi'a Nazaretie nehaza kumate vu'ne. Na'ankure agra Deviti nagapinti nere.

Luku 2:48

Hagi nererake nefake nege'ne, antri nehune, nerera'a anage huno hu'ne. Mofavre timoka na'a higenka amanahu kavukvara hunerantane? Ko negafa'ene, nagreranena amuhohuta kagrikura nehako'e.

Luku 24:27

Huteno anante agafa huno, Mosesinteti vuno maka kasnampa vahe'mozama, Agrikuma huza krentenaza kea znasamime vu'ne.

Luku 24:44

Jisasi'a anage huno zamasmi'ne, Nagra tamagrane mani'nena, anage huno'e, maka kema Nagriku hu'za Mosese kasegefine, kasnampa vahe'mo'za krenaza kefine, zgame avontafepima krentenea zamo'a nena'a fore hugahie.

Luku 3:23

Jisasi'ma mono eri'za ma'ama erigafa hu'neana, 30ti'a kafuzage naza huteno erigafa hu'ne. Hanki vea'mo'za zamagesa antahizana, Josefe mofavre mani'ne, hu'za zamagesa antahi'naze. Hanki Josefe nefa agi'a Eli'e.

Luku 4:22

Hagi maka vahe'mo'za knare kema hia kegura antri nehu'za, mago'ene ontahige antahige nehu'za, ama Josefe mofavre omaninefi? hu'za nehazageno,

Joni 1:44

Hanki Filipi'a Betsaidati ne' Andrune, Pita kiznia ra kuma zani'areti nere.

Joni 12:21

Ana vahe'mo'za Galili kazigati Betsaida kumateti ne' Filipinte uhaniti'za antahige'za, ramoka Jisasi kenaku nehune.

Joni 14:8

Filipi'a anage huno Agri asmi'ne, Ramoke Negfana tveri hugeno tagrira knare huranteno.

Joni 18:5

Zamagra ana kemofo nona'a Agriku hu'za, Nazareti kumateti Jisasinku nehakrone, hzageno, Nagra ana Nere. Judasima komoru huno ha' vahe zamazampi avrentesia ne'mo zamagrane anante oti'ne.

Joni 18:7

Ana hzageno, Jisasi'a mago'ene zamantahige'ne, tamagra azanku nehakraze? Hige'za zamagra hu'za, Nazareti kumateti Jisasinku nehakrone.

Joni 19:19

Paeroti'a mago avona kreno, ana keka zafare hanti'ne. Anage huno kre'ne, JISASI'A NAZARETI NERE, JIU VAHE'MOKIZMI KINIE.

Joni 21:2

Saimon Pita'ma, Tomasi mago agi'a Didimasi'ma, Natanael Kana kumateti ne'ene, Zebedi nemofokegi, tare amage' nenta'a disaipol netrene atru hu'za mani'naze.

Joni 6:42

Zamagra anage hu'naze, ama Jisasi'ma, Josefe nemofo, nefane nereranema negona nepi? Nankna huno menia monafinti Nagra e'noe huno nehie?

Joni 6:5

Anante Jisasi'a, keganti kegma huno keama hakare vahe krerfa Agritega neageno Filipina asmino, Inantegati bretia miza hanunke'za ama vahe'mo'za negahaze?

Joni 6:7

Filipi'a ke nona'a amanage huno asmi'ne, 2 hantreti'a silva zgoreti mizama hania bretimo'a, mago'mago'mo'ma osi'a neterema haniana ama vea krerfafina knarera huozmantegahie.

Aposol 10:38

Tamagra ko antahi'naze Nazareti Jisasina inankna huno Anumzamo'a Ruotge Avamuteti'ene hanave areti'ene huhamprinte'ne. Ana higeno Jisasi'a vano huno knare hunezmanteno, Sata'ma knama nezmia vahera zamazeri so'e huzmante'ne, na'ankure Anumzamo'a Agrane mani'negeno ana hu'ne.

Aposol 2:22

Israeli vahe'motma ama kea antahiho, Nazareti ne' Jisasina, Anumzamo azeri oti'nea ne'mo, kaguva zane ruzahu'zane, avame'zana Anumzamo'a, Agripi runtanino amuno tamifina eri'zana erigeta, keta antahita hu'naze.

Aposol 22:8

Nagra ke nona'a, azage Ra'moka? hu'na nehugeno, Agra anage huno nasami'ne, Nazareteti Jisasi'na nazeri haviza nehane huno hu'ne.

Aposol 26:9

Nagrama nagesama antahi'noana tamageza nehue nehu'na hanaveti'na, Nazareti Jisasi agi'a eri haviza hu'noe.

Aposol 3:6

Hianagi Pita'a anage hu'ne, silvane, kolinena e'ori'noanki, nagrama eri'noazana kamigahue. Jisas Kraisi Nazareti ne'mofo agifi, otinka vuo!